Tvær lang­drægar rúss­neskar sprengju­flug­vélar af gerð­inni Tupo­lev Tu-95, en þessi teg­und er oft­ast nefnd „Björn­inn“, flugu inn í loft­rým­is­eft­ir­lits­svæði NATO í nágrenni Íslands upp úr hádegi í gær. Þetta kemur fram í til­kynn­ingu frá Lands­helg­is­gæsl­unni. Rúss­neskar flug­vélar hafa ekki flogið jafn nálægt Íslandi síðan að Banda­ríkja­her fór héðan árið 2006. Sprengju­flug­vél­arnar flugu tví­vegis fram­hjá land­inu og voru í 26 sjó­mílna fjar­lægð frá Stokk­nesi þegar næst var.

BBC greindi frá því í morgun að tveir „birn­ir“ hefðu sést undan ströndum Cornwall í gær, en breska varn­ar­mála­ráðu­neytið greindi frá þessu. Sama dag var­aði Mich­ael Fallon, varn­ar­mála­ráð­herra lands­ins, við hætt­unni af Vla­dimír Pútín Rúss­lands­for­seta. Hann sagði Eystra­salts­ríkin í hættu og að Atl­ants­hafs­banda­lagið þyrfti að vera undir það búið að bregð­ast við.

Í til­kynn­ing­unni frá Land­helg­is­gæsl­unni kemur fram að fylgst hafi verið vel með vél­unum "í loft­varna­eft­ir­lits­kerfi NATO hér á landi sem vinnur úr gögnum frá rat­sjár­kerfi sem Land­helg­is­gæslan rekur og stað­sett er í hverjum lands­fjórð­ungi. Vél­arnar komu inn í loft­rým­is­eft­ir­lits­svæðið austur af Íslandi og héldu í suð­ur­átt að Bret­landi og Írlandi. Þar voru þær auð­kenndar af breskum orr­ustu­þotum en stjórn­stöð Land­helg­is­gæsl­unnar á Kefla­vík­ur­flug­velli (NATO Control and Report­ing Center) hafði eft­ir­lit með flug­inu þann tíma sem vél­arnar voru hér við land og tryggði flug­ör­yggi í sam­vinnu við aðgerða­stjórn­stöð NATO (Combined Air Oper­ation Center) í Uedem í Þýska­landi og flug­leið­sögu Isa­via.

„Birn­irn­ir“ tveir sneru við síð­degis norður af Bret­landi og flugu sem leið lá aftur að Íslandi, með­fram suð­ur­strönd Íslands og austur með land­inu þar sem þær tóku beygju upp með Aust­ur­landi og flugu loks aftur í norður í átt að Rúss­land­i."

Georg Lár­us­son, for­stjóri Land­helg­is­gæsl­unn­ar, segir gæsl­una fylgj­ast vel með flugi Rússa inn á loft­varna­svæði Íslands og að rúss­neskar sprengju­flug­vélar hafa aldrei flogið jafn nærri landi og nú.

Eft­ir­lit Land­helg­is­gæsl­unnar með flugi rúss­nesku sprengju­flug­vél­anna er hluti af fram­kvæmd loft­rým­is­eft­ir­lits og loft­rým­is­gæslu Atl­ants­hafs­banda­lags­ins sem Ísland er aðili að og á sér stað allt árið um kring. Starfs­menn Land­helg­is­gæsl­unnar starfa í stjórn­stöð­inni í Kefla­vík og sinna eft­ir­lit­inu fyrir hönd Íslands.