Rík­is­út­varpið (RÚV) hefur selt bygg­ing­ar­rét á lóð sinni við Efsta­leiti 1. Áætl­aður sölu­hagn­aður er 1,5 millj­arður króna. Kaup­andi er einka­hluta­fé­lag með ábyrgð Skugga­byggðar ehf. Ávinn­ingur RÚV af söl­unni verður not­aður til að greiða niður skuld­ir. Þrátt fyrir söl­una og ráð­stöf­unar sölu­and­virð­is­ins til skulda­niðu­greiðslna veður RÚV hins vegar enn yfir­skuld­sett. Þetta kemur fram í frétta­til­kynn­ingu frá RÚV.

Í til­kynn­ing­unni segir að til standi að byggja upp bland­aða byggð á svæð­inu. "Kaup­endur skil­uðu inn til­boði sem stjórn RÚV mat það hag­stæð­asta í sölu­ferl­inu. Í kjöl­far þess voru hafnar við­ræður sem lýkur nú með sam­þykkt stjórnar RÚV á samn­ingnum og und­ir­ritun hans. Kaup­samn­ing­ur­inn um bygg­ing­ar­rétt­inn er gerður með fyr­ir­vara um frá­gang fjár­mögn­unar kaupanna, nán­ari útfærslu á til­teknum þáttum í skipu­lagi svæð­is­ins og að ráð­stöf­un­ar­heim­ild Rík­is­út­varps­ins yfir lóð­ar­rétt­ind­unum verði stað­fest með ákvæði í fjár­auka­lögum fyrir árið 2015."

Ávinn­ingur söl­unnar verður nýttur til að greiða niður skuldir RÚV. Í til­kynn­ing­unni segir að á síð­ast­liðnu ári hafi staðið yfir fjár­hags­leg end­ur­skipu­lagn­ing á starf­semi fyr­ir­tæk­is­ins og að skulda­nið­ur­greiðslan sé liður í henni. "Fyrr í haust var birt árs­hluta­upp­gjör sem stað­festi jákvæðan við­snún­ing í rekstri félags­ins og að hag­ræð­ing­ar­að­gerðir síð­asta árs hafa skilað sér. Afkoma síð­ustu tólf mán­aða sam­an­borið við afkomu síð­asta rekstr­ar­árs­fé­lags­ins frá 1. sept­em­ber 2013 til 31. ágúst 2014 stað­festir enn frekar þann við­snún­ing sem orðið hef­ur. Á fram­an­greindu tíma­bili skil­aði félagið hagn­aði upp á 30,5 millj­ónir króna en tap síð­asta rekstr­ar­árs þá á undan (2013-2014) var 271 milljón eftir skatta. Rekstr­ar­kostn­aður lækkar um 4,3% að raun­virði milli rekstr­ar­ára þrátt fyrir að kostn­aður við dreif­ingu hækki á grund­velli samn­ings sem gerður var að vori 2013. Þrátt fyrir þennan góða rekstrarár­angur er ljóst að félagið er yfir­skuld­sett, aðal­lega vegna upp­gjörs gam­alla líf­eyr­is­sjóðs­skuld­bind­inga. Í lok síð­asta rekstr­ar­árs var eig­in­fjár­hlut­fall félags­ins jafn­framt komið niður í 5,5% og geta til að standa við greiðslur afborg­ana og vaxta af lánum var ekki til stað­ar."

Þrátt fyrir þennan við­snún­ing í rekstri og áform um að nota sölu­and­virði bygg­ing­ar­réttar á lóð RÚV til að greiða niður skuldir er fyr­ir­tækið hins vega enn yfir­skuld­sett. Í til­kynn­ing­unni segir að þar beri hæst að nefna skulda­bréf í eigu Líf­eyr­is­sjóðs starfs­manna rík­is­ins (LSR) sem sé til­komið vegna upp­gjörs gam­alla líf­eyr­is­skuld­bind­inga RÚV. Þeg­ar­hefur náðst sam­komu­lag við LSR um að fresta greiðslum þriggja gjald­daga bréfs­ins til 1. apríl 2016. "Nú­ver­andi stjórn RÚV, eins og margar fyrri stjórnir RÚV, hefur vakið athygli eig­and­ans, rík­is­ins, á yfir­skuld­setn­ingu félags­ins og óskað eftir því að kann­aðar verði leiðir til að bæta efna­hag félags­ins."

Kjarn­inn fjall­aði ítar­lega um fjár­mál RÚV í frétta­skýr­ingu í byrjun árs 2015.