Árum saman hefur breska versl­un­ar­keðjan John Lewis nálg­ast jóla­mark­aðs­setn­ingu sína með því að búa til sæta en eft­ir­minni­lega sjón­varps­aug­lýs­inga­sögu um ein­hvern sem gerir eitt­hvað til að gera jólin betri fyrir ein­hvern ann­an. Þessi leið hefur gef­ist vel fyrir John Lewis og ár hvert er aug­lýs­ingar keðj­unnar beðið með eft­ir­vænt­ingu og mikið gert úr henni í breskum fjöl­miðl­um. Jóla­sögu­þemað hefur líka smit­ast yfir til ann­arra landa, meðal ann­ars Íslands, eins og má til dæmis sjá í jóla­aug­lýs­ingu Icelandair þetta árið.

https://www.youtu­be.com/watch?v=iccscUFY860

Í ár fékk John Lewis hins vegar sam­keppni. Stór­mark­aðskeðjan Sains­bury´s var orðin leið á því að athyglin fyrir bestu jóla­aug­lýs­ing­una félli alltaf á sama stað og ákvað að ráð­ast í hug­mynd sem daðrar við að vera aug­lýs­inga­legt stór­virki.

Aug­lýs­ingin setur á svið aðfanga­dags­kvöld árið 1914, þegar fyrri heim­styrj­öldin var nýhaf­in. Hún sýnir breska og þýska her­menn, sem börð­ust hat­ramm­lega gegn hvorum öðrum í stríð­inu, fagna jól­unum stutt­lega saman líkt og ekk­ert stríð hafi geis­að. Í aðal­hlut­verki er síðan súkkulaði­stykki, og auð­vitað var hægt að kaupa slíkt súkkulaði­stykki í versl­unum Sains­bury´s fyrir jól­in.

https://www.youtu­be.com/watch?v=NWF2JBb1bvM

Aug­lýs­ingin var gerð í sam­starfi við góð­gerð­ar­sam­tökin Royal Brit­ish Leg­ion, sem veita fyrrum her­mönnum í breska hernum og fjöl­skyldum þeirra stuðn­ing, og rennur allur sölu­á­góði af súkkulað­inu góða, sem kostar eitt pund, til sam­tak­anna. Breskir fjöl­miðlar hafa hampað Sains­bury´s fyrir aug­lýs­ing­una frá­bæru og lýst keðj­una sem sig­ur­veg­ara í jóla­aug­lýs­inga­keppn­inni 2014.

Súkkulaðið góða sem fæst í Sains­bury´s.

Sains­bury´s skák­aði því John Lewis, all rosa­lega þetta árið og það verður áhuga­vert að sjá hvernig síð­ar­nefnda fyr­ir­tækið bregst við að ári.

Báðar aug­lýs­ing­arnar hafa gengið afar vel í netheimum og þar hefur John Lewis, enn sem komið er, vinn­ingin ef stuðst er við áhorfs­töl­ur. Alls hafa rúm­lega 21 milljón manns horft á mör­gæs­ina Monty og vin hans á meðan að her­menn­irnir hressu og súkkulaði­stykkið þeirra er með 15,6 milljón áhorf á Youtu­be.