Örn Gunn­ars­son, fag­legur fram­kvæmda­stjóri LEX lög­manns­stofu, segir það ánægju­legt fyrir lög­manna­stétt­ina að Karl Axels­son hrl. hafi verið skip­aður dóm­ari við Hæsta­rétt­ar, og seg­ist viss um að hann muni gegna „störfum sínum í þágu lands og þjóðar af trú­mennsku og ein­urð“.

Þetta kemur fram í til­kynn­ingu frá LEX lög­manns­stofu, en Karl hefur lengi starfað þar og verið meðal eig­enda. „Lög­menn hafa lengi bent á mik­il­vægi þess að fleiri dóm­arar í Hæsta­rétti búi yfir reynslu af lög­mennsku. Það er því í senn ánægju­legt fyrir lög­manna­stétt­ina og þessa lög­manns­stofu, sem Karl hefur tekið þátt í að byggja upp á und­an­förnum ára­tug­um, að honum hlotn­ist sú mikla við­ur­kenn­ing starfa sinna sem var­an­leg skipun hæsta­rétt­ar­dóm­ara er. Sam­starfs­fólk hans hér hjá LEX óskar honum inni­lega til ham­ingju með emb­ætt­ið,“ segir í til­kynn­ingu frá LEX lög­manns­stofu.

Karl hefur sér­hæft sig í eign­ar-, fast­eigna- og auð­linda­rétti og hefur kennt laga­nemum eign­ar­rétt við Háskóla Íslands síð­ast­liðin 23 ár. Hann hefur flutt fjölda dóms­mála, þar af mörg próf­mál, fyrir Hæsta­rétti frá því hann hlaut mál­flutn­ings­rétt­indi fyrir rétt­inum árið 1997, að því er segir í til­kynn­ingu. Þá hefur hann sinnt verj­enda­störfum í ýmsum erf­iðum saka­mál­um. Karl var settur hæsta­rétt­ar­dóm­ari frá 16. októ­ber 2014 til 30. júní 2015.

Karl hefur verið eft­ir­sóttur ráð­gjafi allan sinn feril og sinnt bæði ein­stak­ling­um, félaga­sam­tökum og hinu opin­bera í störfum sínum hjá LEX. Hann hefur setið í og leitt starf fjöl­margra stjórn­skip­aðra nefnda, m.a. á sviði stefnu­mörk­unar í auð­linda- og orku­málum og um starfs­um­hverfi fjöl­miðla. Einnig hefur hann komið að gerð fjöl­margra laga­frum­varpa á sínum sér­svið­um, samið greinar um lög­fræði­leg mál­efni og flutt fjölda fyr­ir­lestra, einkum á sviði eign­ar­rétt­ar.

Hann seg­ist ætla að leggja sig allan fram á nýjum starfs­vett­vangi sem Hæsta­rétt­ar­dóm­ari. „Ég kveð sam­starfs­fólk mitt á LEX með sökn­uði en hlakka um leið mjög til þess verk­efnis sem bíður mín. Haf­andi gert lögin að ævi­starfi þá eru fá við­fangs­efni jafn göfug og að sinna störfum fyrir æðsta dóm­stól lýð­veld­is­ins. Ég mun leggja mig allan fram um að vera verð­ugur þess mikla trausts sem mér er sýnt með skipan í emb­ætti hæsta­rétt­ar­dóm­ara.“