Kjarn­inn hefur tekið saman nokkur af stærstu frétta­málum dags­ins í dag úti í hinum stóra heimi.

1. Fjár­mála­ráð­herrar evru­ríkj­anna hitt­ast á fundi í dag til þess að reyna að leysa úr skulda­vanda og lána­end­ur­greiðslum Grikk­lands. Í gær lögðu Grikkir fram beiðni um sex mán­aða fram­leng­ingu á fjár­veit­ingu til lands­ins. Fram­kvæmda­stjórn Evr­ópu­sam­bands­ins tók vel í til­lögur Grikkja en Þjóð­verjar skutu þær í kaf.



2. Bret­land og Evr­ópu­sam­bandið mis­lásu Rúss­land herfi­lega í aðdrag­anda stríðs­ins í Úkra­ínu. Þetta kemur fram í nýrri skýrslu sem utan­rík­is­mála­nefnd lávarða­deildar breska þings­ins hefur gert, þar sem stjórn­völd eru gagn­rýnd harð­lega.



3. Banda­ríkin og Íran mun­u halda áfram við­ræðum um kjarn­orku­á­ætl­anir Írana í Genf um helg­ina, að sögn íranskra stjórn­valda.



4. Stríð­andi fylk­ingar í Jemen hafa kom­ist að sam­komu­lagi um að setja sam­an­ bráða­birgða­stjórn til að leiða ríkið út úr erf­ið­leik­un­um.



5. Eig­endur breska blaðs­ins Daily Tel­egraph fengu 250 millj­óna punda lán frá HSBC bank­anum rétt áður en blaða­menn blaðs­ins eru sagðir hafa verið hvattir til þess að birta ekki nei­kvæðar fréttir um bank­ann. Blaða­menn hafa greint frá því að við­horfið gagn­vart bank­anum hafi breyst í byrjun 2013, en lánið fékkst í lok des­em­ber 2012.



6. 59 ára gömul kona í Sví­þjóð, sem hefur verið hand­tekin fyrir að halda dætrum sínum föngnum í meira en ára­tug, neitar ásök­un­um. Fjöl­miðlar í Sví­þjóð grafa nú upp ýmis­legt um mál­ið, og velta upp spurn­ingum eins og því hvernig á því stóð að börnin mættu ekki í skóla svo árum skiptir og eng­inn virð­ist hafa gert neitt í mál­inu.