Bæði for­sæt­is­ráð­herra og fjár­mála­ráð­herra hafa í morgun tekið þátt í umræðum á Alþingi undir liðnum fund­ar­stjórn for­seta. Und­an­farna rúma viku hafa stjórn­ar­and­stæð­ingar notað þennan lið til að koma á fram­færi óánægju sinni með til­lögu atvinnu­vega­nefndar um að færa virkj­anir í nýt­ing­ar­flokk ramma­á­ætl­un­ar. Undan þessu kvört­uðu ráð­herr­arnir í dag.

Sig­mundur Davíð Gunn­laugs­son for­sæt­is­ráð­herra kom í ræðu­stól og sagði stjórn­ar­and­stöð­una hafa slegið ýmis met í umræðum und­an­far­inna daga. „Þau hafa haldið 783 ræður um fund­ar­stjórn for­seta,“ sagði hann og sagði annað eins aldrei hafa sést áður. Sú nýja póli­tík, sem sumir þing­menn hafi sagst standa fyrir sé þannig farin fyrir lít­ið. Hann sagði þing­menn ­Bjartrar fram­tíðar og Pírata hafi reynst ekki aðeins „jafnslæmir og allir hin­ir, þeir reynd­ust verri.“

Bjarni kom einnig í ræðu­stól og sagði það „óskap­lega dap­ur­legt“ að það þurfi að taka svo mik­inn tíma í að tala um form máls­ins en ekki efni þess. Mikið var gripið fram í fyrir Bjarna og hann end­aði á því að segja „Jæja, haldið bara áfram að tala, ég skal ekki trufla frek­ari ræðu­höld hér um fund­ar­stjórn for­seta. Gjörið svo vel, ræðu­stóll­inn er ykk­ar.“

Árni Páll Árna­son, for­maður Sam­fylk­ing­ar­inn­ar, kom einnig í ræðu­stól og sagð­ist lýsa yfir áhyggjum af „þeirri van­still­ingu sem hefur ein­kennt mál­flutn­ing“ Sig­mundar og Bjarna. Hann sagði þá ein­fald­lega verða að axla ábyrgð á því hvernig þeir hafi lagt mál­ið, breyt­ingar á ramma­á­ætl­un, fyrir þing­ið. „Þeir verða seint kall­aðir miklir frið­ar­höfð­ingjar,“ sagði Katrín Jak­obs­dóttir um Sig­mund og Bjarna.

Umræðum um fund­ar­stjórn for­seta er að ljúka í bili, eftir tæp­lega klukku­stundar þing­fund.