Sig­ríður Björk Guð­jóns­dótt­ir, lög­reglu­stjóri höf­uð­borg­ar­svæð­is­ins, hugs­aði aldrei um það að hætta þegar umræða um þátt hennar í leka­mál­inu svo­kall­aða stóð sem hæst. Hún segir að búið sé að fara í gegnum málið af ýmsum yfir­völdum og meta aðkomu hennar að því. Þá hafi Ólöf Nor­dal inn­an­rík­is­ráð­herra lýst yfir trausti á hana. „Þannig að það er kannski fátt sem eftir á að segja í þessu máli.“ Þetta kemur fram í við­tali við Sig­ríði Björk í Frétta­blað­inu í dag.

Hún seg­ist hafa hætt að taka þátt í umræð­unni um leka­málið á ein­hverjum tíma­punkti til að hafa vinnu­frið.„­Fók­us­inn minn fór þang­að, inn í mín verk­efni og ég lét eft­ir­lits­stofn­unum eftir að sinna sínu hlut­verki, sem þær gerðu. Ég gat lítið annað gert.“

Sig­ríður Björk ­seg­ist aðspurð að sér hafi ekki þótt fjöl­miðlaum­fjöllun um sig ósann­gjörn. Hún hafi skiln­ing á því að fjöl­miðla­fólk og aðrir voru að sinna sinni vinnu. Síð­ast­liðið ár hafi hins vegar verið mjög lær­dóms­ríkt. Hún verði að segja það.

Per­sónu­vernd sagði Sig­ríði hafa brotið gegn lögum

Í lok febr­úar síð­ast­lið­inn birti Per­sónu­vernd úrskurð þar sem stofn­unin komst að þeirri nið­ur­stöðu að Sig­ríður Björk hefði brotið lög um  ­per­sónu­vernd og með­ferð per­sónu­upp­lýs­inga með því að skrá ekki í mála­skrá emb­ætt­is­ins þegar hún sendi Gísla Frey Val­dórs­syni, þáver­andi aðstoð­ar­manni Hönnu Birnu Krist­jáns­dóttur inn­an­rík­is­ráð­herra, grein­ar­gerð um hæl­is­leit­and­ann Tony Omos við upp­haf leka­máls­ins svo­kall­aða.

Þar að auki hafði Sig­ríður Björk ekki heim­ild til að senda grein­ar­gerð­ina en henni bar, sem ábyrgð­ar­að­ili á vinnslu per­sónu­upp­lýs­ing­anna, að kanna á hvaða laga­grund­velli beiðni Gísla Freys um grein­ar­gerð­ina var sett fram. Þá er sömu­leiðis látið að því liggja í úrskurði Per­sónu­verndar að Sig­ríður Björk hafi brotið gegn lög­reglu­lögum þar sem kveðið er á um þagn­ar­skyldu lög­reglu, svo við­kvæmar hafi per­sónu­upp­lýs­ing­arnar um Tony Omos ver­ið.

Ólöf Nor­dal inn­an­rík­is­ráð­herra greindi frá því nokkrum dögum síðar að ráðu­neyti hennar myndi ekki áminna Sig­ríði Björk vegna úrskurðar Per­sónu­vernd­ar. Ólöf sagði enn fremur að málið myndi ekki hafa nein frek­ari eft­ir­mál. Hún hafi metið það svo að Sig­ríður Björk hefði afhent umrædd gögn í góðri trú.

Sig­ríður Björk segir í við­tal­inu við Frétta­blaðið í dag að hún hafi gefið ráðu­neyti sínu upp­lýs­ingar sól­ar­hring eftir að leka­málið kom upp.

Segir lög­reglu hafa skoðað sam­skipti sín við Gísla Frey

Sú spurn­ing sem helst hefur verið ósvöruð í þessum anga leka­máls­ins er af hverju Sig­ríður Björk lét ekki rann­sak­endur leka­máls­ins vita að Gísli Freyr hefði verið í sam­skiptum við hana þessa sömu daga og lek­inn á minn­is­blaði um Tony Omos og fleiri átti sér stað til að óska eftir upp­lýs­ingum um sama fólk. Sig­ríður Björk svarar þeirri spurn­ingu í við­tali við Morg­un­blaðið í mars svona: „Því er til að svara að sam­skipti mín við aðstoð­ar­mann­inn fóru fram eftir að hann hafði lekið upp­lýs­ingum til fjöl­miðla. Jafn­framt að öll sam­skipti aðstoð­ar­manna og tölvu­póst­send­ingar voru skoðuð af lög­regl­unni og allar upp­lýs­ingar um mín sam­skipti lágu þar fyr­ir.“