Þrátt fyrir að búið sé að koma á kynja­kvótum í stjórnum fyr­ir­tækja fjölgar konum ekki sjálf­krafa á fram­kvæmda­stjóra­stigi og þró­unin í jafn­rétt­is­málum er hæg, segir Birna Ein­ars­dótt­ir, banka­stjóri Íslands­banka, á opnum fundi bank­ans og Ungra athafna­kvenna, sem var hald­inn í gær undir yfir­skrift­inn­i „Ljónin í veg­in­um”. „Enda snið­göngum við ekki fyr­ir­tæki sem eru ekki að sinna þessu,” sagði hún.

„Ég er aðeins hrædd hvað þetta er að ger­ast hægt,” sagði Birna jafn­framt og bætti því við að það væri umhugs­un­ar­efni að ár eftir ár sé að mæl­ast kyn­bund­inn launa­munur á Íslandi: „Þarna hefðu lög átt að verða sett fyrir löng­u,” sagði Birna og benti á mögu­leik­ann sem fælist í upp­á­skriftum end­ur­skoð­enda fyr­ir­tækja sem dæmi um tæki til að nota gegn launa­muni kynj­anna.

Una Steins­dótt­ir, fram­kvæmda­stjóri við­skipta­banka­sviðs bank­ans, flutti erindi í upp­hafi fundar og í kjöl­farið tóku við umræður en aðrir þátt­tak­endur voru Ragna Árna­dótt­ir, aðstoð­ar­for­stjóri Lands­virkj­un­ar, Birna Ósk Ein­ars­dótt­ir, fram­kvæmda­stjóri hjá Sím­anum og Hall­björn Karls­son fjár­fest­ir. Fund­ar­stjóri var Edda Her­manns­dótt­ir, sam­skipta­stjóri Íslands­banka.

Birna Ósk sagði að almennt þætti henni kon­urnar sem vinna hjá henni ekki nógu kröfu­harðar eða of þakk­látar fyrir störf­in, og að sama skapi gerðu sér ekki nógu vel grein fyrir því hvað þær gæfu fyr­ir­tæk­inu mik­ið. „Það er miklu sjald­gæfara að konur biðji um launa­hækkun og eftir kreppu, ennþá verra.“

Þátt­tak­endur í umræðum voru sam­mála um að ungar konur í dag mættu enn ýmsum hindr­unum þegar þær stíga út í atvinnu­líf­ið. Þá var einnig nefnt að ábyrgð stjórn­enda væri mikil þegar kæmi að jafn­rétt­is­málum innan fyr­ir­tækja og stofn­ana. Hall­björn Karls­son fjár­festir nefndi sem dæmi að mörg fyr­ir­tæki væru með jafn­rétt­is­stefnu en það væri oftar í orði en ekki á borði: „Til­gangur með lögum um kynja­kvóta er að breyta hugs­un­ar­hætt­i,” sagði Hall­björn. Ragna sagð­ist nú vera orðin sann­færð um að grípa þurfi til rót­tækra aðgerða í jafn­rétt­is­mál­um.

Mjög mik­ill áhugi var á fund­in­um, en yfir­ 600 manns, nær ein­göngu kon­ur. Hægt er að horfa á fund­inn hér.