Tveir menn, sem taldir eru hafa framið skotárás í Kaup­manna­höfn í dag, ganga enn laus­ir. Sam­kvæmt vef Berl­inske eru þeir dökkklædd­ir, tala dönsku og lögðu á flótta á dökkri Volkswagen Polo bif­reið. Skotum var hleypt af við menn­ing­ar­hús­ið Krudttønd­en á Aust­­ur­brú í Kaup­­manna­höfn fyrir skemmstu. Þrír lög­reglu­menn og einn borg­ari eru slas­að­ir, sam­kvæmt fréttum danskra fjöl­miðla. Ekki liggur fyrir hversu alvar­lega.

Gríð­ar­lega umfangs­mikil leit stendur nú yfir af mönn­unum í Kaup­manna­höfn. Talið er að þeir hafi skotið að minnsta kosti 40 skotum úr sjálf­virkum riffl­um.

Sam­kvæmt frétt Berl­inske var árásinni mögu­lega beint að sænska skopteikn­ar­anum Lars Vilks, sem hefur teiknað skop­myndir af Múhammeð spá­manni, en í menn­ing­­ar­hús­inu fer í dag fram ráð­stefna sem fjall­ar meðal ann­ars um tján­ing­ar­frelsi. Vilks er ómeidd­ur.

Umsvifa­miklar lög­reglu­að­gerðir standa nú yfir í Kaup­manna­höfn vegna skotárás­ar­inn­ar.

Sam­kvæmt frétt­u­m Jyllands-Posten fóru ódæð­is­menn­irnir í gegnum málm­leit­ar­tæki áður en þeir hófu skot­hríð­ina. Þeir komust ekki að Vilks áður en þeir flýðu út úr ráð­stefnusaln­um. Ekstra Bla­det segir að danska lög­reglan líti á árás­ina sem hryðju­verk.