Stund­vísi flug­fé­lag­anna Icelandair og WOW air versn­aði í júní sam­an­borið við maí, sam­kvæmt athugun Dohop flug­ferða-­leit­ar­vél­ar­innar. Dohop hefur und­an­farna mán­uði tekið saman tölur um stund­vísi þeirra flug­fé­laga sem fljúga mest frá Kefla­vík. Í júní var easyJet stund­vís­ast við brott­farir en Air­Berlin var stund­vís­ast við kom­ur. Brott­förum og komum flug­véla WOW air seink­aði í nærri 40 ­pró­sent til­vika, að með­al­tali um 32 mín­útur í hvert skipti.

Þegar töl­urnar í júní eru bornar saman við stund­vísi flug­fé­lag­anna í maí sést að hún versnar tölu­vert hjá bæði Icelandair og WOW air. Í töfl­unni hér að ofan eru tölur fyrir maí í sviga en nýj­ustu töl­urn­ar, fyrir júní, standa utan sviga. Hlut­fall brott­fara á réttum tíma hjá Icelandair dróst saman úr 89 pró­sentum í 73 pró­sent. Með­al­töf í mín­útum jókst úr tæpum átta mín­útum í rúm­lega tólf mín­út­ur. Hlut­fall komu­tíma versn­aði einnig milli mán­aða hjá Icelanda­ir.

Með­al­töf hjá WOW air jókst mikið bæði við brott­farir og kom­ur. Töfin var nærri 32 mín­útur í hverju flugi WOW air í júní. Hlut­fall brott­fara og komu á réttum tíma í júní var 62 pró­sent í júní og lækk­aði frá því að vera 81 pró­sent og 74 pró­sent í maí. Í til­kynn­ingu frá DoHop segir að stórt hlut­fall seink­ana flug­fé­lags­ins hafi verið í fyrstu vik­unni í júní, þegar vél­ar­bilun og þrumu­veður olli miklum töf­um.

Stund­vísi easyJet breytt­ist minna milli mán­aða en hjá íslensku flug­fé­lög­un­um. Með­al­töf í mín­útum lækk­aði við brott­för og var um 8,3 mín­útur í júní. Með­al­töf við komu var tæpar fjórar mín­útur í júní.

Air­Berlin mælist í fyrsta sinn í athugun DoHop en flug­fé­lagið fór yfir 50 áætl­un­ar­flug til og frá Kefla­vík í mán­uð­in­um. Með­al­töf á flug­ferðum félags­ins var aðeins 2,3 mín­útur við komu en 11,4 mín­útur við brott­för.

Örtröð í flug­stöð­inni

Ýmsar ástæður geta legið fyrir töfum á milli­landa­flug­ferðum flug­fé­lag­anna. Sam­kvæmt upp­lýs­ingum Kjarn­ans hefur það meðal ann­ars áhrif á stund­vísi íslensku flug­fé­lag­anna að bæði fara þau flestar ferðir allra flug­fé­laga um Kefla­vík­ur­flug­völl­inn og flestar ferð­anna eru á mestu álags­tímum sól­ar­hrings­ins. EasyJet, og fleiri af þeim erlendu flug­fé­lögum nýlega hafa vanið komu sína til­ Kefla­vík­ur­fug­vall­ar, hafa fengið úthlut­aða tíma sem margir eru utan álags­tíma.

Gríð­ar­legt álag á Kefla­vík­ur­flug­velli hefur verið nokkuð til umfjöll­unar í sum­ar. Nærri 30 pró­sent fjölgun ferða­manna það sem af er ári, sam­an­borið við fyrstu sex mán­uði síð­asta árs, hefur aukið álag á flug­vell­inum mik­ið. Álags­tímar eru á morgn­ana og einkum á fimmtu­dögum og sunnu­dögum en að með­al­tali fara um 22 þús­und manns um flugs­stöð Leifs Eiríks­sonar á sunnu­dögum í júlí. Það hefur komið fyrir á síð­ustu vikum að örtröð mynd­ast við leit­ar­hliðið og flug­ferðum hefur verið seinkað vegna þessa.