Sturla Jóns­son, þekkt­astur fyrir störf sín sem vöru­bíls­stjóri og fyrir að bjóða fram stjórn­mála­flokk­inn Sturla Jóns­son í síð­ustu alþing­is­kosn­ing­um, er að velta fyrir sér for­seta­fram­boði. Þetta kemur fram í stöðu­upp­færslu sem Sturla setti á Face­book seint í gær.

Hann bæt­ist þar með í hóp með blaða­mann­inum Ómari Valdi­mars­syni, sem greindi frá því í lok júlí að hann  íhugi að bjóða ­sig fram til emb­ættis for­seta Íslands á næsta ári, þegar yfir­stand­andi kjör­tíma­bil Ólafs Ragn­ars Gríms­sonar rennur sitt skeið. Þegar hefur verið stofnuð Face­book-­síða þar sem skorað er á Ómar að bjóða sig fram, und­ir­ ­yf­ir­skrift­inni „Ómar Valdi­mars­son á Bessa­staði 2016,“ sem 104 hafa lækað við til þessa. Nokkuð fleiri, eða 113, hafa lækað við stöðu­upp­færslu Sturlu þar sem hann opin­ber­aði vanga­veltur sínar um fram­boð. Auk þess hvetja nokkrir ein­stak­lingar Sturlu til dáða í ummælum við stöðu­upp­færsl­una.

Umræðan komin á fullt

Þótt enn sé ár til for­seta­kosn­inga, og nokkrir mán­uðir þar til að Ólafur Ragnar til­kynntir hvort hann bjóði sig aftur fram, þá er umræða um for­seta­kosn­ing­arnar komin á fullt. Óperu­söngv­ar­inn Berg­þór Páls­son sagði frá því fyrr í mán­uð­inum að hann hefi velt hlut­verki for­seta Íslands, mik­il­vægi þess fyrir þjóð­ina og kostum sínum og göllum til að sinna emb­ætt­inu mikið fyrir sér í kjöl­far þess að margir hafa hvatt hann til að bjóða sig fram í það sum­arið 2016. Berg­þór seg­ist ekki vera kom­inn á þá nið­ur­stöðu að kostir hans vegi þyngra en þó sé ekki tíma­bært að ákveða eitt eða neitt.

Í þjóð­ar­púlsi Gallup, sem var birtur í lok júlí, sögð­ust sex af hverjum tíu aðspurðum ekki vita ekki hvern þeir vilja sem næsta for­seta Íslands. Ell­efu pró­sent þjóð­ar­innar sem hefur myndað sér afstöðu gagn­vart spurn­ing­unni vildu Ólaf Ragnar Gríms­son áfram á for­seta­stóli en 21 pró­sent aðspurðra vilja fá Jón Gnarr í hann.

Þegar ein­ungis var tekið til­lit til þeirra sem tóku afstöðu til sér­staks fram­bjóð­enda þá kom í ljós að 21 pró­sent vildu fá Jón Gnarr, fyrrum borg­ar­stjóra Reykja­vík­ur, sem næsta for­seta Íslands. Þá nefndu 17 pró­sent Katrínu Jak­obs­dótt­ur, for­mann Vinstri grænna, sem þann sem þeir vilja í emb­ætti for­seta Íslands. Mun fleiri nefndu nöfn þeirra tveggja en nafn Ólafs Ragn­ars Gríms­son­ar, sem mun hafa setið í for­seta­emb­ætti í 20 ár þegar kosið verður á næsta ári. Vert er að taka fram að bæði Jón og Katrín hafa gefið það út að þau sæk­ist ekki eftir því að verða næsti for­seti Íslands.