„Að kvöldi 22. mars var hringt í vel stæðan kunn­ingja minn og spurt hvort hann vildi ekki taka snöggan snún­ing á Íslands­banka. Hann gæti lík­lega orðið 10 millj­ónum rík­ari þegar hann vakn­aði í fyrra­mál­ið.“

Svona hefst færsla Páls Magn­ús­son­ar, fyrr­ver­andi þing­manns Sjálf­stæð­is­flokks­ins, titluð Sala af banka­sölu, þar sem hann segir frá kunn­ingja sínum sem keypti í Íslands­banka í lok­uðu útboði 22. mars síð­ast­lið­inn.

­Sam­kvæmt Páli var sá sem hringdi vinur kunn­ingja hans, og var sá starfs­maður hjá einum af sölu­að­ilum bréf­anna. Til­boðið þótti kunn­ingja Páls stór­snið­ugt og keypti um milljón hluti á 117 krón­ur, 5 króna afslætti frá síð­asta skráða mark­aðs­gengi, sem hafði verið 122 krón­ur. „Við fyrsta hana­gal morg­un­inn eftir seldi svo kunn­ingi minn bréfin á geng­inu 127. Lof­orð vinar hans frá því kvöldið áður stóðst nán­ast upp á krónu: Kunn­ingi minn græddi um 10 millj­ónir á þessum tveimur sím­töl­um; tæp­lega 1,5 millj­ónir á klukku­tíma á meðan hann svaf,“ skrifar Páll.

Um svipað leyti og þessi kunn­ingi hans hafi fengið til­boð um að kaupa á 117 krónur hafi til­boði frá stórum líf­eyr­is­sjóði, sem vildi kaupa fyrir meira en 10 millj­arða króna á geng­inu 122 krón­ur, sem­sagt án afslátt­ar, verið hafn­að.

„Svo komu menn hver um annan þver­an; fjár­mála­ráð­herrann, Banka­sýslu­for­ingj­arnir og jafn­vel nokkrir þing­menn og útskýrðu fyrir okkur ein­feldn­ing­unum hvað þetta hefði verið gríð­ar­lega vel heppnað útboð. Einmitt.“

Færsla Páls hafði ekki staðið í klukku­stund þegar hún hafði vakið mikla athygli og hörð við­börgð. Meðal þeirra sem skrifar athuga­semd við færsl­una Helga Vala Helga­dótt­ir, þing­maður Sam­fylk­ing­ar­inn­ar, sem þakkar Páli fyrir að deila sög­unni og segir það mik­il­vægt. Þá hefur Sig­mar Guð­munds­son, þing­maður Við­reisn­ar, deilt færsl­unni og látið þessi orð fylgja: „Ætla menn svo áfram að halda því fram að það eigi ekki að skipa rann­sókn­ar­nefnd Alþingis til að kryfja þessa banka­sölu? Eigum við áfram að taka það gott og gilt að þetta verði ekki rann­sakað af þeim sem mestar rann­sókn­ar­heim­ildir hef­ur? Hversu mikið þarf að koma í ljós til þess að rík­is­stjórn­ar­flokk­arnir átti sig á að það þarf að velta við hverjum steini, en ekki bara sumum stein­um."