Tölvan sagði nei við Kristján Vilhelmsson

Samherji missti stjórnarmann sinn í Samtökum fyrirtækja í sjávarútvegi á rafrænum aðalfundi síðasta föstudag. Kristján Vilhelmsson kenndi tæknilegum vanköntum í atkvæðagreiðslu um, en SFS hefur ekki kannast við neina slíka.

Kristján Vilhelmsson kennir tæknilegum vanköntum í kosningakerfi SFS um að Samherji eigi ekki lengur stjórnarmann í hagsmunasamtökunum.
Kristján Vilhelmsson kennir tæknilegum vanköntum í kosningakerfi SFS um að Samherji eigi ekki lengur stjórnarmann í hagsmunasamtökunum.
Auglýsing

Sjáv­ar­út­vegs­fyr­ir­tækið Sam­herji á ekki lengur stjórn­ar­mann í Sam­tökum fyr­ir­tækja í sjáv­ar­út­vegi (SFS).

Þetta hefur vakið athygli, enda er fyr­ir­tækið eitt það stærsta í íslenskum sjáv­ar­út­vegi og hefur átt full­trúa vísan í stjórn hags­muna­sam­tak­anna í krafti atkvæða­magns síns á aðal­fund­um, en því stærri sem fyr­ir­tæki eru, því meiri áhrif hafa þau þegar kemur að kosn­ingum innan sam­tak­anna.

Hvað klikk­aði þá?

Sam­kvæmt tölvu­pósti sem Krist­ján Vil­helms­son fram­kvæmda­stjóri útgerð­ar­sviðs og annar fyrr­ver­andi helsti eig­andi Sam­herja sendi á hóp fólks innan Sam­herja síð­degis á föstu­dag var það kosn­inga­kerfið á aðal­fund­in­um, sem fram fór á Zoom.

„Það hefur komið fram í fjöl­miðlum að full­trúi Sam­herja féll úr stjórn, ástæðan er að kerfið sem notað var til að kjósa virk­aði ekki og þess vegna fékk okkar maður ekki okkar atkvæði sem ann­ars nægja vel til að fá mann í stjórn,“ sagði í tölvu­pósti frá Krist­jáni til starfs­manna fyr­ir­tæk­is­ins.

Við tölvu­póst hengdi hann nán­ari útskýr­ingar á því sem hann segir hafa farið úrskeið­is, sem höfðu verið sendar á stjórn­ar­menn og starfs­menn SFS ásamt kröfu um rann­sókn á því að svo fór sem fór.

Tókst ekki að setja atkvæði Sam­herja á full­trúa félags­ins

Sam­kvæmt tölvu­pósti Krist­jáns fór hann á fund­inn á föstu­dags­morgun með umboð til að greiða atkvæði fyrir hönd Sam­herja og dótt­ur­fé­lag­anna Sam­herja Fisk­eldis og Útgerð­ar­fé­lags Akur­eyr­inga.

Honum tókst að skipta atkvæðum tveggja minni fyr­ir­tækj­anna niður á nokkra aðila í stjórn­ar­kjör­inu, en þegar kom að því ráð­stafa þeim 416.988 atkvæðum sem Sam­herji Íslands hafði til umráða hljóp snurða á þráð­inn.

Þrátt fyrir ítrek­aðar til­raunir Krist­jáns til þess að setja öll atkvæði Sam­herja á einn mann og leið­bein­ingar tækni­manns um að „haka bara við við­kom­andi aðila“ og „ekki setja á hann nein atkvæði því hann fengi öll atkvæðin sjálf­krafa“ gekk það ekki, atkvæðum Sam­herja var að end­ingu ekki ráð­stafað í kjör­inu og stjórn­ar­sætið tap­að­ist.

Ekki sam­þykkt að kjósa aftur

Í tölvu­pósti Krist­jáns á föstu­dag sagði að útgerð­ar­fyr­ir­tækið Nes­fiskur í Garði hefði lent í svip­uðum tækni­legum erf­ið­leikum við atkvæða­greiðsl­una, misst sinn mann úr stjórn og óskað eftir því að kosið yrði á ný.

Þá beiðni hefðu Sam­herji og Ísfé­lag Vest­manna­eyja stutt, en það hefði ekki dugað til, því aðeins tæp 60 pró­sent atkvæða­bærra hefðu sam­þykkt að kosið yrði aftur og sam­kvæmt sam­þykktum SFS þurfi 75 pró­sent atkvæða­magns til þess að knýja fram end­ur­kjör á aðal­fundi.

Auglýsing

Bergur Þór Egg­erts­son, aðstoð­ar­fram­kvæmda­stjóri og fram­kvæmda­stjóri útgerð­ar­sviðs hjá Nes­fiski, vildi ekk­ert ræða málið við blaða­mann þegar eftir því var leit­að.

Í tölvu­pósti Krist­jáns til starfs­manna Sam­herja sagði að eig­andi Nes­fisks væri „al­var­lega að íhuga að hætta í þessum sam­tök­um“ en hann sjálfur væri „ekki þar, alla­vega ekki nún­a.“

Hann sagði sömu­leiðis við­búið að fjöl­miðlar myndu „gera sér mat úr“ stjórn­ar­kosn­ing­unni og því að Sam­herji ætti ekki lengur full­trúa í stjórn­inni.

SFS neit­aði fyrir tækni­lega van­kanta

Fram kom í frétt á vef mbl.is á föstu­dag­inn að Sam­herji hefði farið fram á að kosn­inga­kerfi fund­ar­ins yrði rann­sakað og upp­lýst yrði um nið­ur­stöður þeirrar rann­sókn­ar.

Í tölvu­pósti frá Krist­jáni sem Kjarn­inn hefur séð kemur hið sama fram, en Sam­herji veitti mbl.is einnig þær upp­lýs­ingar að atkvæða­magn Sam­herja ætti að vera nægt til þess að tryggja 1,6 stjórn­ar­menn í stjórn SFS.

Frétt mbl.is, sem birt­ist á sjáv­ar­út­vegs­síðu mið­ils­ins, var upp­færð um klukku­stund eftir að hún birt­ist með svörum frá upp­lýs­inga­full­trúa SFS þess efnis að búið væri að kanna hvort eitt­hvað hefði farið tækni­lega úrskeiðis í atkvæða­greiðslu­kerf­inu.

Hefðu hnökrar átt sér stað við atkvæða­greiðsl­una hefðu þeir ekki snúið að tækni­legri fram­kvæmd atkvæða­greiðsl­unn­ar, sam­kvæmt svari upp­lýs­inga­full­trúa hags­muna­sam­tak­anna sem mbl.is vís­aði til.

Kjarn­inn fal­að­ist í gær eftir því að ræða þetta mál nánar við Heiðrúnu Lind Mart­eins­dóttur fram­kvæmda­stjóra SFS. Ekki hefur verið brugð­ist við þeirri beiðni.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jarðskjálftahrinur ollu mikilli hræðslu meðal barna og engar upplýsingar voru veittar til fólksins, sem margt glímir við áfallastreituröskun. Ásbrú er því ekki ákjósanlegasti dvalarstaðurinn fyrir fólk sem flúið hefur stríðsátök, að mati UN Women.
Konur upplifi sig ekki öruggar á Ásbrú – og erfitt að koma óskum á framfæri
UN Women á Íslandi gera alvarlegar athugasemdir við svör Útlendingastofnunar varðandi útbúnað og aðstæður fyrir flóttafólk og umsækjendur um alþjóðlega vernd á Ásbrú.
Kjarninn 20. maí 2022
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Sonja Ýr Þorbergsdóttir formaður BSRB
„Hlutverk hins opinbera er að tryggja öllum húsnæðisöryggi“
Formaður BSRB segir að margt sé til bóta í tillögunum starfshóps um aðgerðir og umbætur á húsnæðismarkaði – og gefi ástæðu til hóflegrar bjartsýni um betri tíma.
Kjarninn 19. maí 2022
Árni Guðmundsson
Af þreyttasta frumvarpi Íslandssögunnar
Kjarninn 19. maí 2022
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Meira úr sama flokkiInnlent