Til­gangur frum­varps um breyt­ingar á gjald­eyr­is­lögum sem lagt verður fram á þingi í kvöld er fyrst og fremst að stoppa upp í göt í fjár­magns­höft­unum sem Seðla­banki Íslands taldi að hægt væri að nýta sér til að snið­ganga þau. Sam­kvæmt heim­ildum Kjarn­ans er slitabú stóru föllnu bank­anna talin á meðal þeirra sem gætu nýtt sér umrædd göt. Við­mæl­endur Kjarn­ans segja að frum­varp­ið, sem var kynnt fyrir efna­hags- og við­skipta­nefnd fyrr í dag, sé því ekki hluti af þeirri áætlun um skref í átt að losun hafta sem Bjarni Bene­dikts­son, fjár­mála- og efna­hags­ráð­herra, hefur boðað að verði kynnt í kom­andi viku.

Búist er því því að frum­varpið sem lagt verði fyrir í kvöld muni ekki mæta neinni mót­stöðu stjórn­ar­and­stöð­unn­ar. Því verði þing­fund­ur­inn, sem hefst klukkan 22, í styttra lagi.

Mik­il­vægt er að aðgerðir sem þess­ar, breyt­ingar á gjald­eyr­is­lög­um, séu sam­þykktar og hrint í fram­kvæmd á degi þar sem mark­aðir eru lok­að­ir, enda geta þær haft áhrif á ýmsa fjár­magns­mark­aði. Þess vegna er verið að ráð­ast í þessa fram­kvæmd á sunnu­degi.