Vigdís Hauksdóttir segir Svandísi leiða hulduher gegn Framsókn

Segir ekki rasisma innan Framsóknarflokksins og að meirihluti ellilífeyrisþega hafi það gott.

vigdís hauksdóttir
Auglýsing

Vig­dís Hauks­dótt­ir, ­þing­maður Fram­sókn­ar­flokk­ins og for­maður fjár­laga­nefnd­ar, segir Svandísi Svav­ars­dótt­ir, þing­mann Vinstri grænna, vera leið­toga huldu­hers sem stund­i ­skipu­lagðar árásir á Fram­sókn­ar­flokk­inn. Um sé að ræða póli­tísk öfl sem hafi það á stefnu­skrá sinni að ryðja Fram­sókn­ar­flokknum úr vegi, meðal ann­ars með­ árásum á Sig­mund Davíð Gunn­laugs­son, for­sæt­is­ráð­herra og for­mann flokks­ins. Þetta kemur fram í föstu­dags­við­tali við Vig­dísi sem birt­ist í Frétta­blað­inu í dag.

Grímu­lausar árásir á Fram­sókn­ar­flokk­inn

Þar er Vig­dís einnig ­spurð um við­mót Fram­sókn­ar­flokks­ins gagn­vart útlend­ing­um, meðal ann­ar­s flótta­mönn­um. Hún hafnar því að Fram­sókn­ar­menn séu hálf­gerðir ein­angr­un­ar­sinn­ar ­sem vilji ekki útlend­inga inn í land­ið. Hún segir það and­stæð­inga flokks­ins sem ­geri hann tor­tryggi­legan í þessum mála­flokki. Það sé „að sjálf­sögðu ekki“ neinn ras­ismi í Fram­sókn­ar­flokkn­um. „Ef þið mynduð fara yfir­ öll þau mann­rétt­indi sem Fram­sókn­ar­flokk­ur­inn hefur barist fyrir í gegn­um ­tíð­ina þá kæmi það ykkur mjög á óvart. Við höfum verið í far­ar­broddi með­ á­lykt­anir á okkar flokks­þingum sem snúa að mann­úð­ar­málum og rétt­inda­bar­áttu all­ri í víð­tækum skiln­ingi. Þetta er eitt­hvað sem and­stæð­ingum okkar hentar að halda á lofti og ég blæs á þessi rök og það er gott að geta svarað fyrir þetta í eitt ­skipti fyrir öll.“

Vig­dís segir að Fram­sókn­ar­flokk­ur­inn hafi orðið óþægi­lega stór eftir síð­ustu kosn­ingar fyrir ákveðna and­stæð­inga sína. ­Gagn­rýni á flokk­inn sé oft þannig að reynt sé að gera eitt­hvað úr flokknum sem hann sé ekki. „Þá er öllum brögðum beitt. Auð­vitað hafa þessar árásir ekk­ert farið fram hjá mér. Og þá spyr ég, hvað gengur þessi fólki til að haga sér með­ þessum hætti? Sem hafa gengið svona hart fram? Þegar stefna flokks­ins míns er ­skoðuð þá er hún mjög líber­al. Þannig að þetta eru fyrst og fremst póli­tísk öfl­ ­sem hafa það á stefnu­skrá sinni að ryðja Fram­sókn­ar­flokknum úr vegi. Þar á meðal eru árásir á for­sæt­is­ráð­herra og for­mann flokks­ins. Ég get alveg sag­t ykkur það að þessar grímu­lausu árásir þing­manna stjórn­ar­and­stöð­unnar á for­sæt­is­ráð­herra í þing­inu, mér blöskrar það alveg. Og þetta er alveg grímu­laust – það fer ekk­ert á milli mála hver það er sem stendur fyrir þessu. Það er einn leið­togi sem tekur alla hina með sér.“

Auglýsing

Að mati Vig­dísar er Svan­dís Svav­ars­dótt­ir, ­þing­maður Vinstri grænna, sá leið­togi. „Svan­dís Svav­ars­dóttir er mjög aggressí­v í þessa veru, svo fylgja hinir á eft­ir. Svo er þetta treinað upp á blogg­síð­u­m og í kommenta­kerf­um. Þetta er svona huldu­her, skulum við segja[...]Þetta er ­byggt fyrst og fremst á kosn­ingatapi og þeir – Sam­fylk­ing og Vinstri grænir – sættu sig aldrei við kosn­ingatapið á sínum tíma. Fram­sókn­ar­flokk­ur­inn upp­skar ­ríku­lega meðal ann­ars vegna Ices­a­ve-­máls­ins, en þar erum við líka komin inn á fjöl­skyldu­tengsl því við vitum hver var í samn­inga­nefnd Ices­a­ve. Kannski eru ein­hverjar ó­upp­gerðar sakir þar“. Þegar Vig­dís er spurð um hverja hún sé að tala svar­ar hún því til að þeir heiti „Svavar Gests­son og Ind­riði Þor­láks­son. Ég vil ekk­ert ­segja meira“. Svavar Gests­son er faðir Svan­dísar Svav­ars­dótt­ur.

Víg­dís seg­ist þó ekki verða sár vegna um­ræð­unnar heldur þykkni frekar í henni. „Ég hugsa að þetta sé rosa­lega ósann­gjarnt og órétt­látt miðað við árangur kjör­tíma­bils­ins. Að þessi nei­kvæðn­i og böl­móður sé á borðum lands­manna í stað þess að líta á stöð­una eins og hún­ er. Stór­kost­legar fram­farir fyrir land og þjóð en það er sífellt verið að finna hið nei­kvæða og þetta litla sem miður hefur far­ið. Ég er stundum rosa­lega hissa“.

Meiri­hluti elli­líf­eyr­is­þegar hefur það gott

Aðspurð hvort ó­á­nægju­radd­irnar stafi ekki af því að á Íslandi sé margt að segir Vig­dís að ­rík­is­stjórnin sé að fara í öll þau mál. Elli­líf­eyr­ir­ hefur hækkað um 9,4 pró­sent. Ég tel til dæmis að meiri­hluti elli­líf­eyr­is­þega hafi það býsna gott en auð­vitað þarf að greina þá sem eru kannski á leigu­mark­aði og hafa strípaðar bæt­ur. Það þarf að finna út hvað þessi hópur er ­stór. Leigu­vandi er ekk­ert nýr af nál­inni en það verður að gefa okkur svig­rúm til þess að vinna að þessum málum því þetta ger­ist ekki á einni nóttu. Við erum ­búin að fara í gegnum skulda­nið­ur­fell­ing­una og öll þessi góðu mál og þá er bara næsta verk­efni á dag­skrá[...]­Nei­kvæðu radd­irnar eru alltaf hávær­ari og það er haldið fram hálf­sann­leik. Það eru öfl í þessu sam­fé­lagi sem eru alltaf að reyna að koma inn nei­kvæðum straum­um. Ég held bara að þetta sé svo óhollt fyrir okk­ur ­sem þjóð.“

Í við­ta­linur ræðir Vig­dís einnig um eft­ir­lits­hlut­verk sitt sem for­manns fjár­laga­nefnd­ar, og þær stofn­an­ir ­sem henni hugn­ast að sam­eina til að ná fram hag­ræð­ingu í kerf­inu. Þar nefn­ir hún stofn­anir sem henni finnst það sam­bæri­legar að það steiniliggi að sam­eina þær. „Það er Trygg­inga­stofn­un, Vinnu­mála­stofn­un, Þjóð­skrá jafn­vel og ­Rík­is­skatt­stjóri þar sem er verið að vinna með útgreiðslur og bætur til­ ein­stak­linga. Það er full­komið hag­ræði að renna saman Vinnu­mála­stofnun og Trygg­inga­mála­stofn­un því þetta eru útgreiðslu­stofn­anir auk þess að vera að koma fólki í vinnu. Það eru líka uppi áform um það að koma fólki í vinnu sem er búið að vera leng­i at­vinnu­laust og jafn­vel komið á bæt­ur. Þetta er danskt mód­el. Þjóð­skrá held­ur utan um lög­heim­ili og kenni­töl­ur, Vinnu­mála­stofnun er með þá sem eru á at­vinnu­leys­is­skrá, Trygg­inga­stofnun með þá sem eru á bót­um, Rík­is­skatt­stjóri ­með end­ur­greiðslu skatta.“

Drónaárás í Sádí-Arabíu ýtir olíuverðinu upp á við
Aldrei í sögunni hefur olíuverð hækkað jafnt mikið á jafn skömmum tíma, eins og gerðist í kjölfar drónaárásar á olíuframleiðslusvæði Aramco í Sádí-Arabíu.
Kjarninn 16. september 2019
Segir ríkislögreglustjóra bera skyldu til að tilkynna um spillingu
Verðandi formaður stjórnskipunar- og eftirlitsnefndar segir að Haraldur Johannessen eigi að tilkynna um spillingu sem hann viti af. Í viðtali í gær lét hann í það skína að slík væri til staðar.
Kjarninn 15. september 2019
Íslendingurinn Reynir ætlar að taka upp Flamenco plötu
Reynir Hauksson hefur lært hjá einum helsta gítarkennara Granada. Nú safnar hann fyrir gerð Flamenco plötu á Karolina Fund.
Kjarninn 15. september 2019
Fosfatnáma
Upplýsingaskortur ógnar matvælaöryggi
Samkvæmt nýrri rannsókn íslenskra og erlendra fræðimanna ógnar skortur á fullnægjandi upplýsingum um birgðir fosfórs matvælaöryggi í heiminum.
Kjarninn 15. september 2019
Besta platan með Metallica – Master of Puppets
Gefin út af Elektra þann 3. mars 1986, 8 lög á 54 mínútum og 47 sekúndum.
Kjarninn 15. september 2019
Guðmundur Kristjánsson er stærsti eigandi Útgerðarfélags Reykjavíkur sem er stærsti eigandi Brim.
Útgerðarfélag Reykjavíkur hagnaðist um 1,5 milljarð í fyrra
Stærsti eigandi Brim, sem hét áður HB Grandi, bókfærði eignarhlut sinn í félaginu á rúmlega 15 prósent hærra verði en skráð markaðsverð hlutarins var á reikningsskiladegi. Eignir Brim voru metnar á um 60 milljarða króna um síðustu áramót.
Kjarninn 15. september 2019
Eiríkur Ragnarsson
RÚV á kannski heima á auglýsingamarkaði eftir allt saman
Kjarninn 15. september 2019
Vinningstillaga Henning Larsen arkitektastofunnar að því hvernig Vinge ætti að líta út. Veruleikinn í dag er allt annar.
Danska skýjaborgin Vinge
Það er ekki nóg að fá háleitar hugmyndir, það þarf líka einhvern til að framkvæma þær. Þessu hafa bæjaryfirvöld í Frederikssund á Sjálandi fengið að kynnast, þar sem draumsýn hefur breyst í hálfgerða martröð.
Kjarninn 15. september 2019
Meira úr sama flokkiInnlent
None