Kín­verski snjall­síma­fram­leið­and­inn Xia­omi er í fjár­mögn­un­ar­hug­leið­ingum og safnar nú nýju hlutafé upp á einn millj­arð Banda­ríkja­dala, um 120 millj­arða íslenskra króna, þar sem ráð er fyrir því gert að heild­ar­virði félags­ins sé 45 millj­arðar Banda­ríkja­dala, eða sem nemur 5.400 millj­örðum íslenskra króna. Fyrir sextán mán­uðum síðan var fyr­ir­tækið metið á tíu millj­arða Banda­ríkja­dala, eða um 1.200 millj­arða króna. Verð­mæti félags­ins hefur því rúm­lega fjór­fald­ast á skömmum tíma.

Xia­omi er svo til óþekkt utan Kína, en hlut­deild þess á heims­mark­aði er þó gríð­ar­lega mik­il. Dótt­ur­fé­lög þessa snjall­símarisa koma meðal ann­ars að því að fram­leiða ýmsa hluta sem nýttir eru í iPhone síma Apple og einnig síma frá Sam­sung. Þá eru símar frá fyr­ir­tæk­inu vin­sælir í Kína og öðrum Asíu-­ríkj­um.

Í umfjöllun Wall Street Journal segir að ef fyr­ir­tæk­inu tekst að afla þess fjár sem að er stefnt, þá muni það verða eitt verð­mætasta nýsköp­un­ar­fyr­ir­tæki á sviði tækni á heims­vísu.