Þessi færsla er úr eldra greinasafni Kjarnans og gæti þess vegna birst furðulega.

Bibbi bloggar úr Evróputúr Skálmaldar: Herford

DSCF3870-copy-1.jpg
Auglýsing

Skálmöld er nú á tæp­lega 7 vikna túr um Evr­ópu. Dag­arnir eru afskap­lega við­burða­ríkir og aðstæður oft afskap­lega skemmti­leg­ar. Snæ­björn, bassa­leik­ari og texta­höf­undur sveit­ar­inn­ar, heldur úti dag­legu bloggi á vef Kjarn­ans þar sem hann lýsir hinu goð­sagna­kennda rokk­ara­lífi. Táfýla, blóð, sviti, tár og auð­vitað rokk & ról beint í æð.

Sjitt ég var þunnur í dag. Þetta leyst­ist allt saman upp í stjórn­litla vit­leysu sem við flestir tókum harka­legan þátt í. Ætli Þrá­inn hafi ekki verið frekar róleg­ur, mig minnir það. Og Jón, hann var pass­leg­ur. Og Flex líka. En ekki við hin­ir.

Við blésum til sóknar eftir að giggið klárað­ist og drukkum með sam­ferða­fólki okkar fyrir aftan tón­leika­stað­inn. Það var fjandi gam­an. Fæstir úr stóra band­inu létu þó sjá sig og alls ekki allir Rúss­arn­ir. En við afgreiddum þetta skil­merki­lega með tækni­fólk­inu og far­ar­stjórn­inni. Ég man ekki alveg hvenær við lögðum af stað en það gæti hafa verið klukkan þrjú í nótt. Þá sett­umst við hér í setu­stofu rút­unnar og spil­uðum tón­list. Já og drukkum meira. Miklu meira. Og þetta var alveg all in. Ein­hver gubb­aði í kló­sett­ið. Ein­hver hellti eins og einni vatns­flösku yfir koj­una hans Jóns. Og eitt­hvað miklu fleira. Undir morgun man ég eftir okkur bræðrum inni í sjoppu. Ég held að ég hafi keypt rauð­vín. Eitt er þó víst að við keyptum bleikan hund til að gefa Robert. Þetta er svona stytta sem kinkar koll­inum við hreyf­ingu og er með svip. Hann er með ól um háls­inn og á merk­inu stendur „TUSSI ON TOUR“. Jebb. Tussi. Hann heitir það. Tussi situr á mæla­borð­inu og fylgist með veg­in­um. Tussi.

Auglýsing

Hér veltur Baldur inn í rút­una hvar ég sit og skrifa. Hann og Böbbi eru komnir í bjór­inn. Það er ótrú­legt. Klukkan er 00.28 og mig langar ekk­ert í bjór. Ekk­ert.

DSCF3849 copy Snæ­björn Ragn­ars­son, Bibbi, með mik­il­vægt skegg í mik­il­vægum bol.

Eftir að við keyptum Tussa man ég ekki alveg hvað gerð­ist. Ég man að ég ætl­aði að lifa þar til við kæm­umst á leið­ar­enda og þá mér sagt að það væri hálf­tími eft­ir. Og svo vakn­aði ég í koj­unni minni klukkan fimm í dag. Í app­el­sínu­gulu Pollapönk­s-ull­ar­peys­unni minni og ofan á sæng­inni. Þetta var svona móment þar sem maður veit ekki hvernig ástandið er. Ég var klár­lega ekk­ert edrú. Og svo bara seig á verri hlið­ina. Það var auð­vitað ekk­ert langt í gigg og fljót­lega eftir að ég nudd­aði úr aug­unum vorum við komnir upp á svið í sánd­tékk. Stórt og gott svið og sal­ur­inn soldið eins og Nasa. Sviðið var nógu stórt til að við gætum haft trommu­settið fyrir miðju, fyrir framan trommu­pall­inn ógur­lega. Ætli þetta sé ekki í annað skipti á túrnum sem það ger­ist. Þetta er betra þannig. Og allt gekk vel fyrir sig bara. Og svo kom pasta. Ljóm­andi pasta alveg hreint. Ég keyrði í mig smá verkja­lyf og þrjá bjóra fyrir gigg. Það hjálp­aði nú alveg eitt­hvað held ég en giggið var samt sem áður erfitt. Við þurftum aðeins að hafa fyrir þessu, draga fólkið niður af vængj­unum og út á gólf. En það gekk alveg og þetta end­aði sem þrus­ugigg. Ljóm­andi alveg og ég þá búinn að svitna slatta af þynn­kunni út. En alls ekk­ert öllu sam­an. Við pökk­uðum og ég hélt beint inn í rútu. Og þar er ég nú eig­in­lega búinn að vera bara. Ég er meira að segja enn í gigggall­anum en líð­anin er nú svo sem alls ekk­ert slæm. Þetta verður rólegt kvöld hjá mér samt.

Og slaka... Og slaka...

Planið er að leggja í hann klukkan átta og keyra til Bremen. Það getur því varla verið langt. Þetta þýðir að við sofum í kyrr­stöðu sem er, ótrú­legt en satt, eitt­hvað sem mér finnst mun verra en að sofa á hreyf­ingu. Ég veit ekki nákvæm­lega hvað það er. Mögu­lega er þetta bara eins og að láta vagga sér í svefn. Vaggið er reyndar svo­lítið harka­legt stund­um, svo harka­legt að ég sef yfir­leitt í læstri hlið­ar­legu. Mik­il­vægt tips fyrir þá sem sofa í rút­um, hlið­ar­leg­an. Loft­leysi gæti líka verið partur af þessu. Þegar við hreyf­umst er ein­hvern veg­inn ferskara loft sem kemur inn um loft­ræst­ing­una. Samt held ég nú að aðal­málið sé hversu þétt við sof­um. Þarna eru níu koj­ur, átta af þeim í notk­un, örþunnt tjald dregið fyrir hverja og því óskap­lega lítið sem aðskilur okk­ur. Hrot­ur, byltur og fret eru ekki eins greini­legar þegar við erum á ferð­inni. Ég veit að ein­hverjir sofa með eyrnatappa. Ég sef nú samt alltaf eins og barn.

Ég gleymdi auð­vitað einu. Ég fór á McDon­alds. Aft­ur! Því­lík upp­gjöf. Ég er brjál­að­ur. Og núna fannst mér þetta betra en síð­ast. Fíkni­efni, það er það sem þetta er. Baldur og Böbbi voru að koma hér inn í rút­una. Baldur borð­aði fjórar mál­tíðir rétt í þessu. Það er nú bara hættu­legt. Fyrir okkur alla. Hel­vít­is!

Við van­mátum varn­ings­málin okkar harka­lega. Við erum ekki hálfn­aðir og upp­lagið af nýju plöt­unni er búið. Við erum með tvær týpur af bolum og önnur teg­undin er að klár­ast. Böbbi er búinn að standa í alls­konar stappi til að redda meira. Von­andi skilar þetta sér fljót­lega, ann­ars verðum við af hell­ings­sölu.

Ég hef ekk­ert að segja. Ég er bara heimskur og þunn­ur. Á morgun er Bremen. Ég ætla að horfa á víd­eó.

Meist­ara­legt dags­ins: Fyll­erí.

Sköll dags­ins: Þynnka.

Samtal við samfélagið
Samtal við samfélagið
Samtal við samfélagið – Geta konur stjórnað?
Kjarninn 16. september 2019
Það á ekki lengur að vera hægt að fela hver sé raunverulegur eigandi félaga sem skráð eru á Íslandi.
Raunverulegir eigendur félaga eiga ekki lengur að geta falið sig
Hérlendis hefur verið hægt að komast upp með það að fela raunverulegt eignarhald félaga með ýmsum hætti. Margir nýttu sér það, meðal annars til að komast hjá uppgjöri á kröfum eða skattgreiðslum. Þessi leikur á ekki að vera gerlegur lengur.
Kjarninn 16. september 2019
Þóra Kristín Þórsdóttir
Opið bréf til Ásmundar Einars Daðasonar
Kjarninn 16. september 2019
Drónaárás í Sádí-Arabíu ýtir olíuverðinu upp á við
Aldrei í sögunni hefur olíuverð hækkað jafnt mikið á jafn skömmum tíma, eins og gerðist í kjölfar drónaárásar á olíuframleiðslusvæði Aramco í Sádí-Arabíu.
Kjarninn 16. september 2019
Segir ríkislögreglustjóra bera skyldu til að tilkynna um spillingu
Verðandi formaður stjórnskipunar- og eftirlitsnefndar segir að Haraldur Johannessen eigi að tilkynna um spillingu sem hann viti af. Í viðtali í gær lét hann í það skína að slík væri til staðar.
Kjarninn 15. september 2019
Íslendingurinn Reynir ætlar að taka upp Flamenco plötu
Reynir Hauksson hefur lært hjá einum helsta gítarkennara Granada. Nú safnar hann fyrir gerð Flamenco plötu á Karolina Fund.
Kjarninn 15. september 2019
Fosfatnáma
Upplýsingaskortur ógnar matvælaöryggi
Samkvæmt nýrri rannsókn íslenskra og erlendra fræðimanna ógnar skortur á fullnægjandi upplýsingum um birgðir fosfórs matvælaöryggi í heiminum.
Kjarninn 15. september 2019
Besta platan með Metallica – Master of Puppets
Gefin út af Elektra þann 3. mars 1986, 8 lög á 54 mínútum og 47 sekúndum.
Kjarninn 15. september 2019
Meira úr sama flokkiKjarnafæði
None