Í þessum þætti ræðir Snæ­björn krúnu­djásn Jap­ans, helgan fjár­sjóð með 2000 ára sögu. Þarna eru speg­ill sem var eitt sinn í eigu sól­gyðju, sverð sem fannst ofan í kok­inu á dreka og eðal­steinn sem hefur verið í eigu kon­ungs­ætta síðan á brons­öld. Um þessa gripi eru til ýmsar sög­ur, sumar goð­sagna­kennd­ar, en í öllu falli eru þeir eða í það minnsta eft­ir­myndir þeirra enn þann dag í dag í notkun þegar nýr keis­ari tekur við af öðrum, sem gerð­ist síð­ast þann fyrsta maí 2019 þegar krón­prins­inn Naru­hito varð að keis­ara, og Reiwa tíma­bilið hófst.

Myndin sem fylgir þætt­inum er eftir uki­yo-e tré­skurð­ar­meist­ar­ann Utagawa Yos­hitora og sýnir hina mjög dramat­ísku goð­sögu þegar eig­in­kona Yamato Takeru, Tachi­bana, stekkur út í hafið til að friða storm­inn.