Auglýsing

Í síð­ustu viku náði ég þeim merka áfanga að klára grunn­nám­skeið í Mjölni. Kick­box 101, tvær æfingar í viku í sex vik­ur. Og ég mætti á þær all­ar. Í kjöl­farið splæsti ég í hina auð­þekkj­an­legu hettu­peysu Mjölnis í verð­laun. Nú ert þú, kæri les­andi, mögu­lega að hugsa með þér: „So fokk­ing what? Það er ekk­ert það merki­leg­t.“ Sem það er alveg pott­þétt ekki fyrir sum­um. En fyrir mér var þetta bara hellað Big Deal™. Sjáðu til, ég hef byrjað í Mjölni svona fjórum sinnum og þetta er í fyrsta skiptið sem ég hef klárað fjand­ans nám­skeið­ið.

Það var ekk­ert massíft sem stopp­aði mig í fyrri skipt­in, ég fót­brotn­aði ekki eða komst ekki á æfingar því ég var í tveimur vinn­um. Ég var ein­fald­lega búin að sann­færa sjálfa mig um að þetta væri ekki fyrir mig, ég væri hrein­lega ekki týpan til að æfa í Mjölni, ætti ekki skilið að vera þarna. Því allir í Mjölni eru kúl, og ég er það ekki. Alla­vega ekki nógu kúl til að mega vera í svona peysu.

Ég sé rök bæði með og á móti þess­ari trú minni. Hver sem er getur keypt sér hettu­peysu í Mjölni. Þú getur labbað inn í Óðins­búð í dag og gengið frá því. Eins og ég gerði þegar nám­skeiðið var hálfnað því ég sá fram á að þær yrðu búnar áður en ég myndi klára það. Þetta er sjúk­lega flott hettu­peysa, og æðis­lega þægi­leg vegna þess að hún er búin til úr bóm­ull og þraut­segju. En ég fór ekki í hana. Ekki fyrr en í fyrra­dag eftir síð­ustu æfing­una. Mér finnst nefni­lega allt í lagi, og meira að segja bara frekar töff, að setja kröfur á hvað ég má og má ekki gera og hvort ég til­heyri ákveðnum hóp eða ekki. Það verður eitt­hvað að liggja baki þeirra merki­miða sem við notum til að lýsa okkur sjálf­um. Ef ég væri ekki að æfa í Mjölni myndi mér finn­ast rosa­lega púka­legt að vera í þess­ari peysu. Þannig trikkið er að halda áfram að æfa til að við­halda þessum rétti mínum til peysu­klæða. Þú mátt ekki fá verð­launin án þess að leggja á þig vinn­una, og þess vegna sökka þát­töku-­medal­íur svona svaka­lega.

Auglýsing

En að sjálf­sögðu er hægt að fara yfir strikið með þetta eins og allt ann­að. Víðs­vegar er hægt að finna sjálf-­stimpl­aða áhuga­máls­mark­verði sem verja tíma sínum í að rakka annað fólk niður fyrir að vera „ekki nógu“ eitt­hvað til að vera með í klúbbn­um. Á tíma­bili var t.d. mikil umfjöllun um hug­takið „fake gamer girls“. Stelpur sem sögð­ust fíla tölvu­leiki en voru örugg­lega bara að gera það til að fá athygli frá gaur­um. Eða fólk sem var að taka sín fyrstu skref í upp­götvun nýrra tón­list­ar­stefna en fékk yfir sig skít­kast fyrir að geta ekki talið upp öll útgefin albúm hljóm­sveit­ar­innar ásamt afmæl­is­degi systur frænda tengda­móður gælu­dýrs bassa­leik­ar­ans. Það er alls ekki málið held­ur.

Ég var einu sinni Team Öll dýrin í skóg­inum eiga að vera vin­ir. En ég get ekki sagst vera það leng­ur. Alla­vega ekki 100%. Öll börnin í bekknum eiga að fá boðskort í afmæl­ið, en við erum ekki börn leng­ur. Við erum full­orðin og full­fær um að skilja að til að vera með í ein­hverju þurfum við að leggja eitt­hvað á okk­ur. Mis­miklar kröfur eru sett á mis­mun­andi áhuga­mál, og sum eru erf­ið­ari en önn­ur. Það eru meiri lík­am­legar kröfur settar á með­limi kepp­enda í Módel Fit­ness en prjóna­klúbbs Hafn­ar­fjarð­ar, t.d. En sá sem prjónar á hverjum degi sinnir sínu áhuga­máli betur en sá sem tekur þátt í Módel Fit­ness ein­ungis í gegnum Pinter­est síð­una sína, æfir varla og borðar djúp­steikta kjúklinga­vængi vafða inn í nutella-hjúpað beikon á hverjum degi. Myndi þannig mann­eskja geta með hreinni sam­visku sam­samað sig með Módel Fit­ness iðk­end­um? Og myndu þeir sam­þykkja hana?

Ég held að lyk­ill­inn að þessu sé að hætta að hugsa að allir séu memm, heldur miklu frekar að allir geti orðið memm. Þú mátt örugg­lega vera með í prjóna­klúbbn­um, ef þú ert reiðu­bú­inn að læra að prjóna og mæta á svæðið reglu­lega með garnið og góða skap­ið. Þá held ég líka að það skipti engu máli hversu góður þú ert í prjóni, bara að þú takir þátt end­ur­tek­ið. Hvor er meiri hlaupari? Sá sem fer út tvisvar yfir sum­arið og tekur hálft mara­þon bæði skipt­in, eða sá sem hleypur einn og hálfan á hverjum degi óháð veðri? Kannski báð­ir? Skiptir það yfir höfuð máli?  

Ég held við höfum alveg gott af svona mark­vörðum af og til, bara skrúfa aðeins niður í tauga­spenn­unni. Allir þeir sem ég lít upp til í Mjölni voru byrj­endur einu sinni líka. Ástæðan fyrir því af hverju mér finnst þau vera svo miklar erkitýpur fyrir þetta íþrótta­fé­lag er að þau hafa æft statt og stöðugt svo árum skipt­ir, lagt blóð, svita og tár í söl­urnar og geta því af hrein­skilni og ein­lægni sagst vera iðk­endur í Mjölni. Og hver sem er getur gert það. Eini mun­ur­inn á þér og fyr­ir­myndum þínum er tím­inn sem þær verja í áhuga­málin sín. Brú­aðu bil­ið. Vertu memm, mættu og gerðu þitt besta. Kauptu svo hettu­peys­una þegar þér finnst þú eiga hana skil­ið. Það er kúl.  

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiKjaftæði