Því miður eru fjár­magns­höftin ekki farin enn­þá. Á næst­unni mun vænt­an­lega skýr­ast hver fram­vindan verð­ur, þegar kemur að losun hafta og útboða til að sprengja niður snjó­hengju aflandskróna, svo tekið sé til orða með mynd­lík­ing­um.

Óhætt er að segja að vel hafi tek­ist til, þegar kemur að því að leysa úr þeim mikla vanda sem snéri að slita­búum föllnu bank­anna. Ríkið á nú Lands­bank­ann og Íslands­banka, eins og kunn­ugt er, og er reiknað með því að rík­is­sjóður fái til sín um 500 millj­arða króna, að öllu með­töldu, þegar upp verður stað­ið. 



Von­andi munu stjórn­völd sjá til þess, að öll gögn er vörð­uðu málið - meðal ann­ars sér­fræði­á­lit frá póli­tískum ráð­gjöf­um, sér­fræð­ing­um, inn­lendum og erlend­um, og öðrum sem komu að mál­inu - verði gerð opin­ber þegar þessi mál hafa verið til lykta leidd. Það er full ástæða til, enda er vitað mál, að tek­ist var á um það bak við tjöld­in, hvernig ætti að leysa úr mál­um, og sitt sýnd­ist hverj­um. Þessar rök­ræð­ur, undir því álagi sem íslenska hag­kerfið var í, leiddu að lokum til far­sællar nið­ur­stöð­u. 

En til þess að það sé hægt að læra af mál­inu í heild sinni, og öll sjón­ar­mið liggi fyr­ir, þá verður að draga tjöldin frá og leggja öll spilin á borð­ið. Það er ekki síst mik­il­vægt fyrir kom­andi kyn­slóð­ir, alveg eins og reyndin var með vinnu Rann­sókn­ar­nefndar Alþingis um banka­hrun­ið, að fá upp­lýs­ing­arnar fram.



Kjarn­inn hefur ítrekað óskað eftir því að fá gögn afhent um mál­ið, meðal ann­ars minn­is­blöð og önnur gögn sem fram­kvæmda­hópur um afnám hafta hafði til hlið­sjónar við störf sín. Ástæðan er aug­ljós; málið varðar mikla almanna­hags­muni, og að okkar mati eiga gögn um málið erindi við almenn­ing.



Í nóv­em­ber 2014 var beiðni send til efna­hags- og fjár­mála­ráðu­neyt­is­ins, um að fá gögn afhent, en því var neit­að, og helst horft til þess að um vinnu­gögn væru að ræða. Þetta á ekki við leng­ur, þar sem vinn­unni, sem snéri að stöð­ug­leika­skatti og stöð­ug­leika­fram­lagi - og heild­rænni útfærslu á þessum erf­iðu málum - er nú lok­ið. Beiðni hefur verið send til Seðla­banka Íslands, og til efna­hags- og fjár­mála­ráðu­neyt­is­ins, um fá gögnin afhent, svo það sé hægt að glöggva sig á því hvernig kom­ist var að nið­ur­stöðu í mál­inu, sem allir hafa ekki verið sáttir við, t.d. ekki Indefence sam­tökin sem telja almenn­ing hafa verið hlunn­far­inn um mörg hund­ruð millj­arða í mál­in­u. 



Von­andi munu stjórn­völd og Seðla­banki Íslands taka vel í þessar beiðn­ir, og afhenda öll gögn er málin varða, sem hægt er að afhenda, lögum sam­kvæmt. Meg­in­reglan um að stjórn­sýslan eigi að vera gagnsæ og opin, verður þar von­andi leið­ar­ljós.