Agnes Sig­urð­ar­dóttir biskup Íslands flutti pré­dikun í Dóm­kirkj­unni í gær, og kom inn á mik­il­væg mál­efni er tengj­ast hryðju­verk­um, sem nú ógna öryggi borg­ara víða um heim. Þá ræddi hún einnig um mál­efni flótta­manna.

Orð­rétt sagði Agnes þetta: „Of­beld­is­verk eru ekki unnin í nafni trú­ar. Kær­leiks­verk eru unnin í nafni trú­ar. Kristnir menn eiga að taka höndum saman til að vinna gegn þeirri óöld sem ríkir í heim­in­um. Kristnir menn eiga að standa saman og standa með líf­inu og mennsk­unni hver sem í hlut á.“ 



Fyrsta setn­ingin er mik­il­væg í þessu sam­hengi, og raunar lyk­il­at­riði. Það á ekki að gera ofbeld­is­mönnum það til geðs, að færa þeim trú­ar­lega vængi í umræðu um skelfi­leg ofbeld­is­verk þeirra. Skýr­inga má leita á hatr­inu, og ólög­legu ofbeldi þeirra, en rætur verkn­að­ar­ins verða ekki skýrðar með trúnni, hver sem hún er. 



Það er gott hjá bisk­upi að hvetja fólk til að standa með hinu góða og rétta fram hjálp­ar­hönd til flótta­manna, hverrar trúar sem þeir eru, eins og hún gerði í pré­dikun sinn­i.