Það ber­ast ánægju­legar fréttir úr skap­andi iðn­aði á Íslandi þessa dag­ana, þar sem mörg frum­kvöðla­fyr­ir­tæki hafa lokið fjár­mögnun að und­an­förn­u. 

Íslenska tækni­fyr­ir­tækið Kaptio ehf. hefur fengið fjár­mögnun upp á 325 millj­ónir króna frá tveimur sjóð­um, hinum íslenska Frum­taki 2 og banda­ríska áhættu­fjár­fest­inga­sjóðnum Capi­tal A Partners, og fyrrum fjár­fest­um, Nýsköp­un­ar­sjóði atvinnu­lífs­ins og Kaski. Fjár­mögnun er liður í því að gera Kaptio kleift að styrkja vöru á Kaptio Tra­vel lausn­inni á Bret­lands­mark­aði og und­ir­búa frek­ari vöxt fyr­ir­tæk­is­ins alþjóð­lega.

Kaptio var stofnað árið 2009 af Arn­ari Lauf­dal Ólafs­syni og Ragn­ari Fjöln­is­syni. Höf­uð­stöðvar fyr­ir­tæk­is­ins eru í Hlíð­ar­smára í Kópa­vog­i. Kaptio opn­aði í febr­úar sölu­skrift­stofu í London. Fyrir rak fyr­ir­tækið þró­un­ar­skrif­stofur í Heidel­berg í Þýska­landi og í Minsk í Hvíta-Rúss­land­i. Fjöldi starfs­manna telur 16 manns.

Von­andi tekst fleiri fyr­ir­tækj­um, sem eru að færa sig úr því að vera sprota­fyr­ir­tæki í að verða full­burða fyr­ir­tæki í vaxt­ar­hug­leið­ing­um, að taka skrefið til fulls og fjár­magna mik­il­væg fram­tíð­ar­á­form.