Hafnar eru óform­legar við­ræður Íslands og Nor­egs með ESB um útfærslu á sam­eig­in­legu mark­miði um 40 pró­sent minnkun los­unar gróð­ur­húsa­loft­teg­unda til 2030 miðað við 1990. Ísland mun einnig hafa sam­ráð við ESB og Noreg varð­andi full­gild­ingu Par­ís­ar­samn­ings­ins svo­nefnda í ljósi þess að stefnt er að því að 30 Evr­ópu­ríki vinni að sam­eig­in­legu mark­miði innan hans.

Um þetta var til­kynnt í gær, eftir að Sig­rún Magn­ús­dótt­ir, umhverf­is- og auð­linda­ráð­herra, und­ir­rit­aði Par­ís­ar­samn­ing­inn um aðgerðir í lofts­lags­málum fyrir Íslands hönd í New York í gær. 

Í ávarpi í til­efni und­ir­rit­un­ar­innar sagði Sig­rún að Ísland ynni að því að fram­kvæma mark­mið samn­ings­ins, m.a. með aðgerðum á sviði sam­gangna, fisk­veiða og land­bún­að­ar, auk kolefn­is­bind­ingar með skóg­rækt og land­græðslu.

Full­trúar yfir 160 ríkja skrif­uðu undir samn­ing­inn við athöfn í höf­uð­stöðvum Sam­ein­uðu þjóð­anna í dag. Aldrei áður hafa jafn mörg ríki skrifað undir alþjóða­samn­ing við slíka athöfn.

Samn­ing­ur­inn felur í sér mikil tíma­mót, og það er gott að íslensk stjórn­völd hafi tekið þetta verk­efni alvar­lega. Nú er að láta verkin tala og koma fram með metn­að­ar­full áform um hvernig verði mögu­legt að ná þessum háleitu mark­mið­um.