Vandamál: Of mikil séreignastefna - Lausn: Enn meiri séreignastefna

Guðmundur Guðmundsson
Auglýsing

„Fyrsta fast­eign“ útspil rík­is­stjórn­ar­innar er full­komin stað­fest­ing á að stjórn­völd hafa stein­gleymt ástæð­u­m ­eigna­bólunnar  fyrir hrun.

Stór orsaka­valdur bólunnar var allt of hátt sér­eign­ar­hlut­fall á Íslandi. Og skortur á opin­berum leigu­mark­aði eins og í Skand­in­av­íu.

Í eft­irá­spegli er því ­með ein­dæmum að núver­andi rík­is­stjórn byggði kosn­inga­sigur sinn á risa­út­gjöldum rík­is­ins til að við­halda sömu kerf­is­villu og skap­aði áður­nefnda bólu. Skulda­leið­rétt­ingin var kynnt til sög­unnar sem stórt rétt­læt­is­mál. Þar skiptu mis­jafn­lega skuld­settir eig­endur á milli sín 80 millj­örð­u­m af almanna­fé.  

Auglýsing

Leigj­endur fengu enga sam­svar­andi upp­hæð, þeir máttu náð­ar­sam­leg­ast safna sér fyrir íbúð.

Fyrir 80 millj­arða ­mætti byggja úthverfi á borð við Breið­holt, með þús­undum ódýrra leigu­í­búða. Allt kjör­tíma­bilið hafa aðgerðir til upp­bygg­ingar á opin­berum leigu­mark­aði verið í full­komnu skötu­líki.

Eins og í dæmisög­unni safnar stjórnin nú öllum  eggjum sín­um aftur í sömu (sér­eigna)körf­una.  Bólu­andi áranna fyrir hrun svífur aftur yfir vötn­un­um. Bankar birta reglu­lega grein­ingar á fast­eigna­mark­aði sem er í full­komnu lagi. Fast­eigna­salar taka undir í fjöl­miðl­um. Tveggja stafa árleg pró­sentu­hækkun á fast­eigna­verði telst full­kom­lega eðli­leg. Líka 65 pró­senta hækkun á fimm árum í ein­stökum hverf­um. Hags­muna­að­ilar ráða ferð­inni í op­in­berri um­ræðu.

Þegar verð­hækk­an­irnar fara út úr kort­inu fyrir ungt fólk og almenn­ing beita stjórn­völd aft­ur ­sömu gömlu brell­unni: auka aðgengi að láns­fé. Takið hærri lán. Eins og venju­lega munu þessar aðgerðir að mestu fóðra hækkun á hús­næð­is­verði, frekar en að fjölga nýbygg­ingu. Það er eng­inn hvati í aðgerð­unum sem minnkar skort­inn á hús­næð­is­mark­aði, eins og til dæm­is­ að afmarka  lána­mögu­leik­ana við nýbyggð hús. 

Framan af hömp­uðu fjöl­miðlar skulda­leið­rétt­ing­unni sem vel heppn­aðri aðgerð. Þar til nýlega að tal­naglögg­ur sam­fé­lags­rýnir setti í gang vasa­tölv­una og vann heima­vinn­una sína. Þá kom í ljós að lág­laun­aðir borga sjálfir „leið­rétt­ing­una“ á sirka tveimur árum.

Ísland fjar­lægist æ meira nágranna­löndin í hús­næð­is­mál­um. Stór skref í burtu er salan á Kletti og einka­væð­ingin sem fylgir í kjöl­far­ið. Næsta skref er svo einka­væð­ing á almennum útlána­hluta ÍLS. Þá munu bankar og fjár­fest­ing­ar­fé­lög á borð við Gamma sitja ein að hús­næð­is­mark­aði almenn­ings. Lík­lega verður  besti ÍLS lána­bit­inn seldur á slikk til hand­val­inna kaup­enda. Og ríkið látið sitja uppi með  rest. Op­in­ber leigu­mark­aður fyrir almenn­ing sem vel­ferða­ráð­herra veif­aði á kjör­tíma­bil­inu er í besta falli fjar­lægur draum­ur.

Fróð­legt verður að sjá hversu oft í röð almenn­ingur veðjar á rangan hest í hús­næð­is­mál­um. Sömu töfra­menn, sömu hatt­ar, sömu kan­ínur eru  aft­ur komnir á kreik . Rétt fyrir kosn­ing­ar. 

Fast­eigna­mark­að­ur­inn  og hús­næð­ispólítíkin er komin í hring. 

Vel­komin aft­ur.

Til árs­ins 2007.

Fimm fjölmiðlamenn með yfir milljón á mánuði á RÚV
Egill Helgason var tekjuhæsti fjölmiðlamaðurinn á RÚV á síðasta ári en þar á eftir kemur Rakel Þorbergsdóttir, fréttastjóri.
Kjarninn 20. ágúst 2019
Tryggvi Felixson
Norrænt samstarf – öflugt eða orðin tóm?
Kjarninn 20. ágúst 2019
Ásakar Samtök atvinnulífsins um valdarán
Formaður VR vill að atvinnurekendur víki úr stjórnum lífeyrissjóða þar sem þeir vilji hafa sjóðina út af fyrir sig „svo hægt sé að halda braskinu áfram með peninga og fjármuni launafólks.“
Kjarninn 20. ágúst 2019
Eigendur Aton.JL. Frá vinstri: Agnar Tr. Lemacks, Ingvar Sverrisson, Viggó Örn Jónsson og Huginn Freyr Þorsteinsson.
Jónsson & Le’macks og Aton sameinast
Ráðgjafarfyrirtækið Aton og auglýsingastofan Jónsson & Le‘macks hafa nú sameinast undir nafninu Aton.JL.
Kjarninn 20. ágúst 2019
Sýn ofmat tekjur sínar og vanmat kostnað við útsendingu miðla
Sýn sendi frá sér afkomuviðvörun í dag. Tekjur 2019 verða tæplega 400 milljónum krónum lægri en áætlað var. Félagið mun kynna stefnumótun til framtíðar samhliða næsta uppgjöri sínu, sem birt verður í næstu viku.
Kjarninn 20. ágúst 2019
Mike Pence, varaforseti Bandaríkjanna.
Undirbúa mótmæli vegna komu Pence
Samtök hernaðarandstæðinga boða til opins fundar þar sem skipulögð verða mótmæli vegna heimsóknar Mike Pence, varaforseta Bandaríkjanna til landsins.
Kjarninn 20. ágúst 2019
Þórdís Lóa Þórhallsdóttir
Fyrirtækjarekstur, Secret Solstice, samgöngustyrkir og Hinsegin dagar
Kjarninn 20. ágúst 2019
Björn Ingi Hrafnsson.
Björn Ingi segir kyrrsetningu hafa valdið sér fjártjóni og vandræðum
Ritstjóri Viljans segir að íþyngjandi og óréttmæt kyrrsetning eigna hans sé ástæða fjárhagsvandræða sem hann hafi átt við. Hann býst við að tjón sitt verði bætt af hinu opinbera.
Kjarninn 20. ágúst 2019
Meira úr sama flokkiAðsendar greinar
None