Ótrúlegur sigur Íslands með marki á síðustu sekúndum leiks

7DM_7021_raw_0835.JPG
Auglýsing

Fyrsti heima­leikur íslenska lands­liðs­ins eftir epík­ina á EM í sumar var í kvöld á móti Finn­um. Bless­un­ar­lega fór hann fram á milli haust­lægða þannig að knatt­spyrnu­veður var boð­legt. Það var þó greini­legt að EM-bubblan er fjar­læg for­tíð­ar­minn­ing og raun­veru­leik­inn var tek­inn við þegar níst­ings­kaldur vind­ur­inn smeygði sér inn að beini á meðan að þjóð­söngur lið­anna var leik­inn og hópur af öndum flaug yfir alvar­leg lið­inn.

Síð­ast þegar íslenskir aðdá­endur hóp­uðu sig saman á leik­vangi til að horfa á Ísland spila var það gegn Frökkum í París í átta liða úrslitum EM í meg­in­lands­-júlí­hita. Þá hafði öll þjóð­in, óháð stétt og stöðu, við­ur­kennt þá hegðun að vera and­lits­máluð og íklædd lands­lið­s­treyju öllum stund­um. Vík­inga­klappið varð heims­frægt og íslensku áhan­gend­urnir í París voru vin­sælli en Hollywood-­stjörnur þegar þeir gengu mis­jafn­lega upp­lagðir í ljótum stutt­buxum og þvölum bún­ingum um götur heims­borg­ar­inn­ar.

Í Frakk­landi stóðu áhorf­endur allan tím­ann. Hver ein­asta íslensk sála söng úr sér lungun þegar Óðinn Valdi­mars­son hljóm­aði í græj­un­um. Allir tóku þátt í gerð stans­lausra Vík­inga­klappa. Nú var eins og með­vit­aði raun­veru­leik­inn hafði tekið aftur tök­in. Und­ir­tekt­irnar í „Ferða­lok­um“ voru nán­ast engar og heilt sumar af Vík­inga­klöppum í öllum brúð­kaup­um, barna­af­mælum og ann­ars konar hóp­fögn­uðum virt­ist í aðdragandum hafa skilið þjóð­ina eftir með kjána­hroll gagn­vart þeim. Bola-­sam­stöðu­dá­semdin frá því í Frakk­landi virt­ist vera á und­an­haldi. Það var eins og hún ætti ekki heima með kuld­an­um, önd­unum og vonda kaff­inu á Laug­ar­dals­velli. En það átti eftir að breyt­ast.

Auglýsing

Minn­ingin um Steve McCl­aren

Íslenska liðið var búið að eiga tvær góðar und­ankeppnir í röð. Komst næstum því til Bras­ilíu 2014 og gerði síðan auð­vitað enn betur í und­ankeppni EM. Þótt alltaf sé hægt að ylja sér við minn­ing­arn­ar, og horfa á klipp­una af Steve McCl­aren lýsa þegar Ísland komst yfir á móti Englandi, þá virð­ist öllum ljóst að nýtt verk­efni er haf­ið.



Það byrj­aði á tæpu jafn­tefli í Úkra­ínu i síð­asta mán­uði. Á móti Finnum þurftum við þrjú stig. Og að sýna að við erum stöðugt alvöru lið.

Nóg af bjór var í boði á Októ­ber­fest Þróttar fyrir leik fyrir þyrsta til að gíra sig upp fyrir leik og KSÍ fær hrós fyrir að skipta út þurru, nán­ast óætu, vefj­unum sem blaða­mönnum hefur vana­lega verið boðið upp á með vonda kaff­inu fyrir prýði­legar Lemon-lok­ur. En að leikn­um.

Maður í fót­bolta sem hefur ekki áhuga á fót­bolta

Meiðsli gerðu það að verkum að öll tann­hjól íslensku vél­ar­innar voru ekki til taks í þetta sinn. Auk Kol­beins Sig­þórs­sonar vant­aði Hannes Þór Hall­dórs­son í markið og Jón Daði Böðv­ars­son var ekki nægi­lega heill til að byrja. Því byrj­uðu Alfreð Finn­boga­son, Ögmundur Krist­ins­son og yfir­lýstur eng­inn áhuga­maður um fót­bolta, Björn Berg­mann Sig­urð­ar­son.

Ísland byrj­aði miklu bet­ur. Liðið hélt bolta vel, skap­aði hálf­færi og leit vel út. Áhorf­endur tóku fljótt við sér þegar Tólfan fann takt­inn í kuld­anum og byrj­aði að öskra yfir á hina stúk­una. Það tókst merki­lega vel að skapa stemm­ingu þrátt fyrir opin völl­inn og hel­vítis hlaupa­braut­ina.

Eftir korter kom fyrsta Vík­inga­klapp­ið. Allir tóku und­ir. Og það var bara ekk­ert kjána­legt. Það var góð til­finn­ing að klappið ætlar að lifa af óábyrgu ofnotk­un­ina.

Ísland náði að skora á 18 mín­útu en markið var rétti­lega dæmt af vegna rang­stöðu. Fyrstu tutt­ugu mín­út­urnar voru í raun ein­stefna. En svo fengu Finnar eitt færi og skor­uðu. Það er ekki alltaf hægt að fara auð­veldu leið­ina.

Þroski breyt­ist í ein­beit­ing­ar­leysi

Við þessar aðstæður reyndi á þroska íslenska liðs­ins. Finn­arnir pökk­uðu í vörn og reyndu ekki einu sinni að sækja. Íslenska liðið brást ákaf­lega vel við. Spil­aði silki­mjúkt á milli sín, reyndi að finna góðar stöður og þrýsti fast á finnska múr­inn. Það bar árangur á 37 mín­útu þegar Kári Árna­son, hrjúfasti leik­maður liðs­ins, jafn­aði leik­inn.

En þá var eins og leik­ur­inn breytt­ist aftur á auga­bragði. Finnar reyndu að sækja og skor­uðu innan tveggja mín­útna. Þroski breytt­ist í ein­beit­ing­ar­leysi.

Íslenska liðið stillti sig fljótt af og hóf þol­in­móða upp­bygg­ingu að nýju. Ragnar Sig­urðs­son fékk dauða­færi eftir frá­bæra sókn en finnski mark­vörð­ur­inn varði á ein­hvern ónátt­úru­legan hátt góðan skalla hans.

Áhorf­endur reyndu að Vík­inga­klappa liðið í gang en það var hálf mátt­laust. Nið­ur­staðan var tap­staða í hálf­leik.

Húsið sem vildi ekki hrynja

Seinni hálf­leikur hefði varla getað byrjað betur fyrir Íslend­inga. Þeir fengu vafa­samt horn og upp úr henni var dæmt víti á Finna fyrir hendi. Gylfi Sig­urðs­son, sem skorar nær alltaf úr vít­um, skaut bolt­anum í slánna, í mark­mann­inn og þaðan datt bolt­inn niður á lín­una. Finnski mark­að­ur­inn  náði fyrstur til hans og sló í burtu. Gylfi var ekk­ert hættur að skjóta í tré­verk­ið. Á 57 mín­útu beygði hann bolt­ann gull­fal­lega með skoti utan teigs í stöng finnska marks­ins. Nokkrum mín­útum síðar átti Gylfi svo skot á markið úr auka­spyrnu sem var varið ágæt­lega. Ætl­aði þetta að vera einn af þessum dög­um?

Íslenska liðið réð algjör­lega leikn­um. Hélt bolta mjög vel og byggði upp sókn­ir. Liðið blés og blés eins og úlf­ur­inn en niður vildi finnska grísa­húsið ekki. Árang­urs­leysið smit­að­ist til áhorf­enda og það var mikil deyfð yfir þeim. Einu skiptin sem heyrð­ist almenni­lega í þeim var þegar Finnar töfðu, sem þeir byrj­uðu að gera ansi snemma í síð­ari hálf­leikn­um.

Þegar korter lifði leiks var Viðar Örn Kjart­ans­son, sókn­ar­mað­ur­inn sem spilar helst bara í skrýtnum fót­bolta­lönd­um, sendur inn á. Ísland hélt áfram að pressa og Finn­land hélt áfram að vilja ekki vera með bolt­ann. Aron Einar Gunn­ars­son átti gott skot þegar rúmar tíu mín­útur voru eftir sem fram­kall­aði sjón­varps­mark­vörslu og íslenska lið­inu tókst ekki að gera sér mat úr afgöng­un­um. Risa-F­inni sem komið hafði inn á í fram­línu finnska liðs­ins festi sig í sessi sem mest óþol­andi leik­maður vall­ar­ins með því að leggj­ast ítrekað niður og þykj­ast of meiddur til að standa.

Það ótrú­lega ger­ist...­stundum

Á síð­ustu mín­útu venju­legs leik­tíma náði Alfreð Finn­boga­son skall­aði inn gríð­ar­lega verð­skuld­uðu jöfn­un­ar­marki af stuttu færi og stúkan tók rosa­lega við sér. Ætl­uðum við að klára þetta? 

Svarið var já! Ragnar Sig­urðs­son, eða Alfreð Finn­boga­son, skor­aði ótrú­legt flautu­mark sem tók smá tíma að fá stað­fest að hefði verið lög­legt á síð­ustu sek­úndum leiks­ins. Ákaf­lega vafa­samt, en stór­kost­legt, mark. Finn­arnir urðu brjál­að­ir, íslenska stúkan sturl­að­ist og allt varð allt í einu gott. Nýtt ævin­týri er haf­ið.

Fót­bolta getur stundum verið dásam­leg íþrótt.

Fimm fjölmiðlamenn með yfir milljón á mánuði á RÚV
Egill Helgason var tekjuhæsti fjölmiðlamaðurinn á RÚV á síðasta ári en þar á eftir kemur Rakel Þorbergsdóttir, fréttastjóri.
Kjarninn 20. ágúst 2019
Tryggvi Felixson
Norrænt samstarf – öflugt eða orðin tóm?
Kjarninn 20. ágúst 2019
Ásakar Samtök atvinnulífsins um valdarán
Formaður VR vill að atvinnurekendur víki úr stjórnum lífeyrissjóða þar sem þeir vilji hafa sjóðina út af fyrir sig „svo hægt sé að halda braskinu áfram með peninga og fjármuni launafólks.“
Kjarninn 20. ágúst 2019
Eigendur Aton.JL. Frá vinstri: Agnar Tr. Lemacks, Ingvar Sverrisson, Viggó Örn Jónsson og Huginn Freyr Þorsteinsson.
Jónsson & Le’macks og Aton sameinast
Ráðgjafarfyrirtækið Aton og auglýsingastofan Jónsson & Le‘macks hafa nú sameinast undir nafninu Aton.JL.
Kjarninn 20. ágúst 2019
Sýn ofmat tekjur sínar og vanmat kostnað við útsendingu miðla
Sýn sendi frá sér afkomuviðvörun í dag. Tekjur 2019 verða tæplega 400 milljónum krónum lægri en áætlað var. Félagið mun kynna stefnumótun til framtíðar samhliða næsta uppgjöri sínu, sem birt verður í næstu viku.
Kjarninn 20. ágúst 2019
Mike Pence, varaforseti Bandaríkjanna.
Undirbúa mótmæli vegna komu Pence
Samtök hernaðarandstæðinga boða til opins fundar þar sem skipulögð verða mótmæli vegna heimsóknar Mike Pence, varaforseta Bandaríkjanna til landsins.
Kjarninn 20. ágúst 2019
Þórdís Lóa Þórhallsdóttir
Fyrirtækjarekstur, Secret Solstice, samgöngustyrkir og Hinsegin dagar
Kjarninn 20. ágúst 2019
Björn Ingi Hrafnsson.
Björn Ingi segir kyrrsetningu hafa valdið sér fjártjóni og vandræðum
Ritstjóri Viljans segir að íþyngjandi og óréttmæt kyrrsetning eigna hans sé ástæða fjárhagsvandræða sem hann hafi átt við. Hann býst við að tjón sitt verði bætt af hinu opinbera.
Kjarninn 20. ágúst 2019
Meira úr sama flokkiÁlit
None