Áhlaupið á internetinu

Guðlaug Kristjánsdóttir, stjórnarformaður Bjartar framtíðar skrifar í aðsendri grein að flokkurinn hafi gert áhlaup, að vel athuguðu máli.

Auglýsing

Það er svo upp­lýsandi að taka þátt í póli­tík. Ekki síst á ögur­stundu, því þegar hratt er hlaupið kemur hið sanna eðli í ljós. Þegar höggið er snöggt, kemur sparkið á undan vilja­stýrðu við­bragði, líkt og þegar slegið er á hné­skelj­ars­in.

Ég er óend­an­lega stolt og þakk­lát fyrir að hafa upp­lifað hné­skelj­ar­við­bragð Bjartrar fram­tíðar á fimmtu­dag­inn var. Höggið kom þegar ljóst var að tveir ráð­herrar í rík­is­stjórn­inni sem við áttum aðild að, sjálfur for­sæt­is­ráð­herra og ráð­herra dóms­mála, hefðu tekið eig­in­hags­muni fjöl­skyldu þess fyrr­nefnda og eigin flokks fram fyrir almanna­hag.

Okkar við­bragð, sam­stillt og úr mörgum áttum um leið var: Hingað og ekki lengra! Þetta hættir hér og hættir strax.

Auglýsing

Hné­skelja­við­brögð ann­arra flokka fylgdu í kjöl­far­ið. Hjá Sjálf­stæð­is­flokki er það við­bragðið hroki.

Heims­met í heimsku?

Það er ekki eins og við höfum ekki séð svipuð við­brögð áður úr þess­ari átt, hér er ekk­ert sem kemur á óvart.

Þegar hné­skelj­ar­við­bragð­inu sleppir tekur við hreyf­ing af yfir­lögðu ráði. Hún er líka fyr­ir­sjá­an­leg og upp­lýsandi. Skoðum fyrstu spor­in:

Þetta eru kján­ar, þau hlupu á sig. Engar almenni­legar flokks­rætur vinna svona hratt, hvað þá yfir inter­net. Raf­ræn kosn­ing!

Takk fyrir þetta.

Kíkjum aðeins á kján­ana, hvaða fólk var þetta, hver er þessi bráð­láta gras­rót og hvert liggja rætur henn­ar? Án þess að nefna nöfn (list­ann yfir stjórn­ar­með­limi má finna á heima­síðu Bjartrar fram­tíðar á hinu alræmda inter­neti) þá er auð­velt að draga upp mynd af rót­unum sem lágu saman inn á þennan stjórn­ar­fund umrætt kvöld: Atvinnu­líf, félaga­sam­tök, menn­ing, ferða­þjón­usta, háskóla­sam­fé­lag, mark­aðs­mál, stjórn­sýsla, þing­ið, sveita­stjórn­ir, skipu­lags­mál, almanna­tengsl, blaða­mennska, starfs­manna­stjórn, nýsköp­un­ar­geir­inn, utan­rík­is­mál, leik­hús, list­ir, seðla­banki, stór­iðja, rétt­inda­mál, skóla- og mennta­mál, lög­gæsla, sjálf­boða­störf, ung­menna­starf, heil­brigð­is­mál, stjórn­mála­fræði, land­bún­að­ur. Bara svona til að nefna eitt­hvað.

Póli­tísk reynsla á fund­inum var líka ærin. Löng og mikil þekk­ing úr gömlu flokk­un­um, sem og reynsla af sam­starfi við ráð­herra og rík­is­stjórn­ir, á ólíkum tímum og ólíkum gerð­um.

Sem­sagt ekk­ert rót­leysi hér á ferð, heldur þvert á móti þétt­ofið kerfi af hald­góðri inn­sýn í íslenskt sam­fé­lag og íslenska póli­tík. Við vitum hvað við erum að glíma við.

Ákvörðun sem tekin er hratt hlýtur að vera illa ígrunduð

Því fer fjarri. Reyndar hefur ekki ennþá komið fram í opin­berri umræðu, eftir rík­is­stjórn­ar­slit­in, sjón­ar­horn sem ekki var þegar búið að velta upp í umræð­unni á fundi Bjartrar fram­tíð­ar.

Hefðum við til dæmis átt að krefj­ast afsagnar Bjarna og Sig­ríðar og sitja áfram? Sú leið var skoðuð og metin ófær, enda óger­legt fyrir ráð­herra að lýsa van­trausti á eigin for­sæt­is­ráð­herra. Ákveðið var að sjá hver við­brögðin yrðu, ef svo ólík­lega skyldi fara að Sjálf­stæð­is­flokk­ur­inn við­ur­kenndi mis­tök sín og skipti út fólki, væri alltaf hægt að skoða málin í fram­haldi af því. Sú staða hefur ekki komið upp. Það kemur því miður ekki á óvart.

Hefðum við átt að bíða lengur og ræða við hlut­að­eig­andi? Um hvað hefði það sam­tal átt að snúast? Stað­reyndir máls­ins lágu, og liggja, fyr­ir. Eft­irá­skýr­ingar ráð­herr­anna sem nú eru bornar á borð breyta engu um það, þær stand­ast ekki skoð­un.

Besta for­spá um fram­tíð­ina er for­tíð­in. Þetta var ítar­lega rætt. Miðað við aldur og fyrri störf yrði ferlið sem nú tæki við mjög keim­líkt leka­máls­ferl­inu hjá Hönnu Birnu. Fyrst yrði neit­að, svo neitað aðeins leng­ur, svo ásak­anir látnar ganga í allar átt­ir, svo neitað aðeins meir. Þangað til peð­inu yrði fórnað fyrir kóng­inn. Kon­unni fyrir son­inn. Það ferli virð­ist þegar haf­ið. Undir þá muln­ings­vél ákváðum við að leggj­ast ekki.

Gras­rót eða torf­þak?

Það virð­ist vera nátt­úru­legt þroska­ferli fjölda­sam­taka að umbreyt­ast í stofn­an­ir. Stjórn­mála­flokkar byrja með því að fjöldi fylk­ist sam­an, með eða án leið­toga, og þró­ast smám saman yfir í mask­ínu með gras­rót­arof­næmi sem skilur ekki milli­liða­laus sam­skipti eða beina aðkomu félags­fólks að ákvarð­ana­töku.

Flokkur þar sem grasið er komið upp á þak og horfið undan fót­unum þarf að hugsa sinn gang. Rætur hans eru aðþrengd­ar, undir þeim er loftið eitt og sums staðar púkar á bit­um.

Afvega­leið­ing

Sú umræða sem nú er verið að mata í fjöl­miðla (takið vel eftir hvar hún birtist), er ekk­ert annað en afvega­leið­ing. Það er verið að beita gömlu trikk­unum í bók­inni, úr kafl­anum með haus­kúp­unni á spáss­í­unni. Missum ekki sjónar á aðal­at­rið­um, gleymum ekki stað­reynd­um.

Björt fram­tíð hljóp ekki á sig. Við gerðum áhlaup að vel athug­uðu máli.

Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Furða sig á skýrslu um hvalveiðar við Ísland
Forsætisráðherra segir skýrslu um hvalveiðar við Ísland sérkennilegt útspil. Stjórn Hvalaskoðunarsamtaka Íslands gagnrýnir skýrsluna harðlega.
Kjarninn 18. janúar 2019
Meirihluti Íslendinga vill seinka klukkunni – Kjósendur Miðflokksins eru því andvígastir
Munur er á viðhorfi til klukkunnar eftir því hvaða stjórnmálaflokk fólk myndi kjósa. Kjósendur Viðreisnar eru hlynntastir því að klukkunni yrði seinkað en kjósendur Miðflokksins andvígastir.
Kjarninn 18. janúar 2019
Sólveig Anna Jónsdóttir, formaður Eflingar.
Efling hafnar tillögum SA um vinnutímabreytingu
Stjórn, trúnaðarráð og samninganefnd Eflingar hafna tillögum SA um að víkka út ramma dagvinnutíma, að taka út launaða kaffitíma og að lengja uppgjörtímabil yfirvinnu. Þau telja að framkvæmd þessara tillagna yrði mikil afturför fyrir kjör almennings.
Kjarninn 18. janúar 2019
Skuldabréfaeigendur WOW samþykkja breytingar á skilmálum
Stærsta fyrirstaðan fyrir því að Indigo Partners klári aðkomu sína að WOW air hefur verið rutt úr vegi. Skuldabréfaeigendur hafa samþykkt að breyta skilmálum.
Kjarninn 18. janúar 2019
Nýr gagnagrunnur um þróun lífskjara á Íslandi
Forsætisráðherra opnaði vefinn Tekjusagan.is í dag sem er nýr gagnagrunnur stjórnvalda. Gagnagrunnurinn gerir almenningi kleift að skoða með aðgengilegum hætti breytingar á lífskjörum einstakra hópa á 25 ára tímabili, frá árinu 1991 til 2017.
Kjarninn 18. janúar 2019
Hagar reka meðal annars Bónus.
Jóni Ásgeiri hafnað í stjórnarkjöri í Högum
Ný stjórn var kjörin í Högum í dag. Þeir fimm sem tilnefningarnefnd mælti með voru kjörin. Jón Ásgeir Jóhannesson sóttist eftir stjórnarsetu en náði ekki kjöri.
Kjarninn 18. janúar 2019
Tæknivarpið
Tæknivarpið
Tæknivarpið – Rafíþróttir á Íslandi og stórleikir í Höllinni
Kjarninn 18. janúar 2019
Meira úr sama flokkiAðsendar greinar