Sameinar Trump heimsbyggðina?

Öruggt má teljast að alþjóðasamfélagið ítreki samstöðu sína í dag.

Auglýsing

Trump tókst að mynda sam­stöðu í örygg­is­ráð­inu á mánu­dag, þar sem 14 af 15 ríkjum sam­þykktu ályktun gegn ákvörð­un Trumps um að við­ur­kenna Jer­úsalem sem höf­uð­borg Ísra­els. Póli­tísk skila­boð eru ótví­ræð þegar 14 ríki eru á sama máli í örygg­is­ráð­inu. Hjá­seta kemur ekki til greina í slíkri stöðu. 

Alls­herj­ar­þing Sam­ein­uðu þjóð­anna kemur saman til sér­staks neyð­ar­fundar í dag. Þar munu þjóðir heims taka afstöðu til sömu álykt­un­ar. Ákvörðun alls­herj­ar­þings­ins mun hafa veru­legt póli­tískt gildi á sama hátt og atkvæða­greiðslan í örygg­is­ráð­inu. Sam­staða sem allra flestra ríkja heims mun þar skipta mestu: Mik­il­vægt er að breyta ekki stöðu Jer­úsal­em, sem er helg borg í trú­ar­brögðum múslima, gyð­inga og krist­inna.

Þetta veit Trump og hafa stjórn­völd undir hans for­ystu þrýst veru­lega á aðild­ar­ríki Sam­ein­uðu þjóð­anna, þar á meðal Ísland, ef marka má fréttir fjöl­miðla. En ríki heims láta ekki hóta sér til fylgilags.

Auglýsing

Mikið vatn hefur runnið til sjávar á síð­ustu árum, sem gæti til lengdar valdið vatna­skilum fyrir almenna borg­ara. Grund­vall­ar­breyt­ing varð þegar Palest­ína öðl­að­ist við­ur­kenn­ingu sem ríki að þjóða­rétti. Það gerð­ist með ályktun alls­herj­ar­þings Sam­ein­uðu þjóð­anna nr. A/RES/67/19 frá 29. nóv­em­ber 2012. Með henni varð Palest­ína full­gilt áheyrn­ar­að­ild­ar­ríki SÞ í stað fyrri stöðu sem áheyrn­ar­að­ili án þess að telj­ast ríki. 

Nákvæm­lega ári fyrr hafði Alþingi Íslend­inga sam­hljóða og móta­kvæða­laust sam­þykkt ályktun nr. 1/140 um við­ur­kenn­ingu á sjálf­stæði og full­veldi Palest­ínu innan landamær­anna frá því fyrir sex daga stríðið árið 1967.

Frá þessum tíma getur mark­viss beit­ing alþjóð­legra mann­rétt­inda- og mann­úð­ar­laga ein­ungis hjálpað í ómögu­legri stöðu á svæð­inu. Þetta er engin töfra­lausn en getur t.d. til lengri tíma hjálpað við að leysa úr her­námi Ísra­els­manna á landi Palest­ínu­manna. Þar hafa verið uppi vís­vit­andi ögr­anir. 

For­sæt­is­ráð­herra Bret­lands lýsti ástand­inu þannig að umsátur Ísra­els­manna hefði breytt Gasa-­svæð­inu í fanga­búð­ir. Það var árið 2010 - fyrir rúmum sjö árum. Þetta er fram­ferði sem hefur tafið frið­ar­við­ræður og spillt vilja við­semj­enda til að koma að samn­inga­borði. Það er grund­vall­ar­at­riði að deilu­að­ilar láti þegar í stað af öllum hern­aði og ofbeld­is­verkum og virði mann­rétt­indi og mann­úð­ar­lög. 

Álykt­anir Sam­ein­uðu þjóð­anna mynda órofa röð og sýna sam­stöðu alþjóða­sam­fé­lags­ins yfir langan tíma. Álykt­anir örygg­is­ráðs­ins hafa verið í sam­hljómi. Norð­ur­löndin tala einni röddu í mál­inu, með Noreg í broddi fylk­ing­ar, sem hefur beitt sér með hvað virkustum hætti fyrir lausn deil­unnar í gegnum árin. Afstaða Alþingis er sömu­leiðis skýr og hefur verið um árarað­ir. 

Það má telj­ast öruggt að engin breyt­ing verður á þeirri afstöðu í dag. 

Mark­miðið er svo­nefnd tveggja ríkja lausn, þ.e. frið­ar­samn­ingar á grund­velli þjóða­réttar og álykt­ana Sam­ein­uðu þjóð­anna sem m.a. feli í sér gagn­kvæma við­ur­kenn­ingu Ísra­els­ríkis og Palest­ínu­rík­is.

Við­ur­kenn­ing Trump á Jer­úsalem sem höf­uð­borg Ísra­els gengur þvert gegn þessum mark­miðum alþjóða­sam­fé­lags­ins.

Þetta vita þjóðir heims og sam­ein­ast í dag í þágu frið­ar. Trump hefur enn á ný sam­einað heims­byggð­ina með óvæntum hætti.

Höf­undur er for­maður Félags Sam­ein­uðu þjóð­anna á Íslandi.

Lars Larsen
„Go´daw, jeg hedder Lars Larsen, jeg har et godt tilbud“
Danski milljónamæringurinn Lars Lar­sen lést á heim­ili sínu í síðustu viku, 71 árs að aldri. Hann var á meðal auðugustu manna í Danmörku og jafnframt þeirra þekktustu. Kjarninn rifjar hér upp sögu hans.
Kjarninn 25. ágúst 2019
Árni Már Jensson
Að lesa milli línanna
Kjarninn 25. ágúst 2019
Guðrún Margrét Jóhannsdóttir
„Að hanna er eins og að anda með heilanum“
Guðrún Margrét Jóhannsdóttir safnar nú fyrir nýrri hönnun á Karolina Fund.
Kjarninn 25. ágúst 2019
Matthildur Björnsdóttir
Af hverju eru goðsagnir takmarkandi?
Kjarninn 25. ágúst 2019
Ólafur Ísleifsson, þingmaður Miðflokksins, spurði um innstæðutryggingar.
Um 83 prósent innstæðna í íslenskum bönkum voru tryggðar um áramót
Tryggingasjóður innstæðueigenda tryggir um 83 prósent af þeim 1.707 milljörðum króna sem geymdir voru á íslenskum bankareikningum í lok síðasta árs. Samt voru bara 38 milljarðar króna í sjóðnum.
Kjarninn 25. ágúst 2019
Benedikt Jóhannesson
Styrmir gegn Styrmi – Frumkvöðull í einkavæðingu orkufyrirtækja
Kjarninn 25. ágúst 2019
Donald Trump, forseti Bandaríkjanna.
Trump um Trump frá Trump til Trump
Bandarískir ráðamenn reyna nú hvað þeir geta að bæta fyrir geðvonskutíst og eftiráskýringar Bandaríkjaforseta um aflýsingu Danmerkurferðar sinnar. Ástæðuna sagði forsetinn þá að danski forsætisráðherrann vildi ekki ræða hugmynd hans um kaup á Grænlandi.
Kjarninn 25. ágúst 2019
Listi yfir þjónustugjöld bankanna skólabókardæmi um fákeppni
Gylfi Zoega segir að það sé ekki hægt að nota ódýrt kort í innanlandsviðskiptum hérlendis vegna þess að það myndi minnka hagnað bankanna.
Kjarninn 25. ágúst 2019
Meira úr sama flokkiAðsendar greinar