Um vanhæfi ráðherra

„Nemendur í Hagfræði 101 gætu kennt Kristjáni að það að afhenda eitthvað undir markaðsverði jafngildir gjöf eða stuðningi“.

Auglýsing

Á dög­unum sagði Krist­ján Þór Júl­í­us­son, sjáv­ar­út­vegs­ráð­herra, eft­ir­far­andi, í umræðu um veiði­gjöld: „Við megum ekki gleyma því í umræð­unni um gjald­töku af sjáv­ar­út­veg­in­um, við Íslend­ing­ar, að við erum ein örfárra þjóða í ver­öld­inni sem höfum þá stöðu að láta þessa grein greiða til rík­is­kass­ans í stað þess að hún sé nið­ur­greidd eins og víð­ast hvar ann­ars stað­ar.“

Þessi full­yrð­ing er ein­kenni­leg, sér­stak­lega frá ráð­herra úr flokki sem hefur löngum kennt sig við hægri stefnu og frjálsan mark­að. Nem­endur í Hag­fræði 101 gætu kennt Krist­jáni að það að afhenda eitt­hvað undir mark­aðs­verði jafn­gildir gjöf eða stuðn­ingi, það að afhenda fyr­ir­tækjum kvót­ann undir mark­aðs­verði er rík­is­styrkur til fyr­ir­tækja, sem mörg hver hafa skilað tug­millj­örðum í arð­greiðslur til eig­enda sinna und­an­farna ára­tugi.

Þessi við­miðun er víða not­uð. Þannig er t.d. hægt að rifta gjörn­ingum fyr­ir­tækja eða ein­stak­linga sem hafa orðið gjald­þrota, ef talið er að þeir hafi afhent verð­mæti fyrir minna en mark­aðsvirði þeirra á þeim tíma sem þau eru afhent. Þá túlka skatta­yf­ir­völd slíka gjörn­inga sem gjafir eða styrki og skal við­tak­andi þeirra borga skatt í sam­ræmi við það.

Auglýsing

Veiði­gjald á þorski hækk­aði á síð­asta ári úr rúmum 11 krónum í tæpar 23 krón­ur, sem er umtals­verð hækk­un, en kannski ekki mikil í því sam­hengi að fyr­ir­tækin geta síðan leigt hann á mark­aði fyrir 200 krónur kíló­ið. Og til að bíta haus­inn af skömminni borgar leigu­tak­inn veiði­gjaldið að auki. Í ráð­herra­tíð sinni festi Sig­urður Ingi Jóhanns­son, for­maður Fram­sókn­ar­flokks­ins, veiði­gjald á mak­ríl í tæpum 13 krónum fram til 2021, um svipað leyti og Fær­ey­ingar voru að fá 60-65 kr. fyrir kílóið á upp­boði, sem rann í rík­is­sjóð þeirra.

Það vill svo til að Krist­ján Þór Júl­í­us­son starf­aði lengi hjá einu stærsta útgerð­ar­fyr­ir­tæki lands­ins. Hann hefur svarað því til að það geri hann ekki van­hæfan til emb­ætt­is­ins. Ég veit ekki hvort áður­nefnd full­yrð­ing er sprottin af þjónkun við sér­hags­muni útgerð­ar­innar eða van­þekk­ingu – hvort sem er ætti að vera nóg til að hann teld­ist van­hæf­ur.

Höf­undur er fram­kvæmda­stjóri Múltikúlti íslensku, pírati og stundar meist­ara­nám í heim­speki.

Breyttir tímar kalla á breytt jafnréttislög
Skipaður hefur verið starfshópur sem samanstendur af fulltrúum frá velferðarráðuneytinu, dómsmálaráðuneytinu og Jafnréttisstofu til að hefja undirbúning að heildarendurskoðun laga um jafna stöðu og jafnan rétt kvenna og karla.
21. janúar 2018
Hákon Hákonarson
Nýtt lyf við ADHD væntanlegt innan fárra ára
Niðurstöður nýrrar rannsóknar á lyfi við athyglisbrest með ofvirkni komu vel út og búist er við að lyfið komist í almenna notkun eftir 2 til 3 ár.
21. janúar 2018
Bára Huld Beck
Stormurinn í vatnsglasinu (orðaleikur fyrirhugaður)
21. janúar 2018
Endurkast af gljásteinsþökum hefur virkað sem ljóskastari á nágranna þeirra sem komið hafa komið sér upp slíkum þökum.
Glampandi þak
Leir er ekki alltaf á borði dómstóla. Hæstiréttur Danmerkur fjallaði um álitamál sem varðar þetta algenga byggingarefni á dögunum.
21. janúar 2018
Ásgerður leiðir á Seltjarnarnesi - Fimm konur í sjö efstu sætum
Sitjandi bæjarstjóri fékk örugga kosninga í efsta sætið.
21. janúar 2018
280 þúsund manns dáið úr of stórum skammti á 5 árum
Gífurleg aukning hefur verið á dauðsföllum úr of stórum skammti vímuefna. Tölur um dauðsföll á Íslandi hjá ungum fíklum þykja „ógnvekjandi“.
20. janúar 2018
Greiðslustöðvun ríkisins á ársafmæli forsetatíðar Trumps
Trump ætlaði sér að fagna árs dvöl sinni í Hvíta húsinu í dag, en fagnaðarviðburði með fjárhagslegum bakhjörlum hefur verið frestað.
20. janúar 2018
Gunnar Hólmsteinn Ársælsson
Kjósum um Borgarlínuna
20. janúar 2018
Meira úr sama flokkiAðsendar greinar