FME og ragnarök

Finnur Gunnþórsson markaðsfræðingur skrifar um verðmæti, smekk og sýndarmiðla.

Auglýsing

Fréttir herma  að Trygg­inga­miðlun Íslands ætli að selja eitt verka sinna úr ser­í­unni Ragnarök eftir Dið­rik Jón Krist­ó­fers­son. Heyrst hefur að upp­boðs­hald­ar­anum hefði þótt verkið full glanna­legt og ekki áttað sig á því hverjir hefðu smekk fyrir því. En sem kurt­eis fag­maður með meiru, var hann til­bú­inn að koma verk­inu að á næsta upp­boði hjá Gall­erí Fold, þar sem það verður að líkum selt í byrjun mars. Þar mun verkið hanga innan um klass­ísk verk af kenni­leitum sem þjóðin kann­ast jafn vel við og Seðla­bank­ann og mið­bæ­inn í Reykja­vík. Af þessu má sjá að þótt að listin geti verið mik­ils virði þá er smekkur manna mis­jafn og því alltaf gott að hafa opinn huga eins og upp­boðs­hald­ar­inn.  

Kannski er ekki nema von að upp­boðs­hald­ar­inn hafi ekki áttað sig í hvelli, enda minna verkin í ser­í­unni Ragn­ar­rök á hlut­verka­leiki eins og For­gotten Realms  og þá list sem maður gjarnan sér að prýðir albú­mum þung­rokksveita, til dæmis eins og þeirrar Týrs þeirrar fær­eysku.  

List­málar­inn sjálfur sem kallar sig Nekron er slíku sann­ar­lega kunnur og spilar þyngra rokk en gengur og ger­ist að mig minnir í hljóm­sveit­inni RÁN, auk þess að skrifa lærðar rit­gerðir og hefur nælt sér í M.Art.Ed gráðu við Lista­há­skóla Íslands.  

Auglýsing

Þessar merku upp­lýs­ingar fengu mig til að hugsa um fram­tíð­ina. Hvernig kemur ungur maður sér fyrir í ver­öld­inni? Hvers er að vænta fyrir æsku lands­ins?  

Ein mik­il­væg­asta spurn­ingin er: Í hverju eru verð­mætin fólg­in? Og hvernig varð­veitum við þau og ávöxtum til kom­andi kyn­slóða? Það þarf opin huga til þess að finna fjár­sjóð utan við eigin smekk. Eins þarf seiglu og ein­beittan vilja til að kynna sér hlut­ina svo að maður stundi stöðugan lær­dóm og nái að fást við breyt­ing­arn­ar.

Sam­kvæmt grein í Við­skipta­blað­inu sem birt­ist 25. jan­úar síð­ast­lið­inn og bar tit­il­inn „Um­svif sjóð­anna of mik­il“ eru íslenskir líf­eyr­is­sjóðir í vand­ræðum af því þeir geta ráðið allt of miklu á örsmáum inn­an­lands­mark­aði.  

Þá skiptir smekk­ur­inn um hag­rænar aðferðir fjár­mála­fræð­innar orðið nær engu í fjár­fest­inga­stefnu af því að inn­an­lands­mark­að­ur­inn er of smár miðað við fjár­hæð­irnar og hættan á slæmum ákvörð­unum vegna tengsla eða erf­ið­leika við áhættu­dreif­ingu orðin of mik­il.  

Miðað við hinn stóra heim eru fjár­fest­inga­mögu­leikar inn­an­lands tak­mark­að­ir, en mig minnir að ég hafi lært ein­hvern­tíma í skóla að í áhættu­dreif­ingu bæri að huga að alla­vega 20 -30 ólíkum hag­svæðum eða geirum; iðn­aði, lands­svæð­um. Þá til þess að eiga von á því að draga sem ein­hverju næmi að ráði úr áhættu. Var þá miðað við töl­fræði­lega nálgun á upp­lýs­ing­ar. En kannski var það bara vit­leysa, seinni tíma töl­fræði rann­sóknir nefna töl­una 60 en þá er verið að miða við ólík fyr­ir­tæki. Ég man eftir alls­konar þum­al­putta­reglum hvað slíkt varðar nú þegar ég skrifa en litlu af því sem virt­ist vera líkt nátt­úru­vís­ind­un­um. Enda var ég við nám í stjórn­un­ar, stjórn­mála og heim­speki­deild þar sem við­skipta- og hag­fræði töld­ust til félags­vís­inda. Það að átta sig á því þótti upp­haf visk­unnar á þeim svið­um. En hver veit ? Einn náung­inn skrif­aði bók sem heitir Svarti svan­ur­inn af því hann græddi alltaf á því að veðja á að ofur ólík­legir hlutir gerð­ust reglu­lega og hefðu gríðar miklar afleið­ingar sem væru góðar eða slæm­ar.  

Það er greini­lega mikil þörf á því fyrir alla Íslend­inga að hugsa um verð­mæti, fyr­ir­tæki og fjár­mál á skap­andi hátt næstu árin.  

Sjálfum finnst mér að þurfi að hugsa um heild­ina.

Kannski er okkar helsta von um bjarta fjár­hags­lega fram­tíð og getu til greiðslu eft­ir­launa einmitt í sprota­fyr­ir­tækj­um. En þau eru mjög áhættu­söm. Skap­andi greinar hafa skilað okkur ótrú­lega miklu eins og skýrsla sem ég sá hjá Útón árið 2010 um hag­ræn áhrif þeirra sýndi aug­ljós­lega. Í hvoru­tveggja er áhættan þó mjög mik­il. Og ég minn­ist ekki á ferða­menn­ina af því ég hef áhyggjur af inn­við­unum og tel að þá beri að ræða á meiri dýpt en minnst rétt á þá hér.

Nið­ur­staða mín er sú að ég sem ein­stak­lingur kom­ist ekki hjá því að hugsa um fjár­mál, smekk og verð­mæti og geti ekki varpað ábyrgð­inni yfir á aðra.  

Ég get ekki ætl­ast til þess að bank­inn eða líf­eyr­is­sjóð­irnir hugsi fyrir mig eða sinni mér full­kom­lega.  En ég veit líka að því fleiri sem við hugsum um þessa hluti þeim mun meiri líkur eru á góðum lausnum sem geta nýst mörg­um.

Ég mun sem ein­stak­lingur til dæmis taka mið af við­vörun Fjár­mála­eft­ir­lits­ins sem kom út þann 31. jan­úar um að ég sem almenn­ingur eigi að vara mig á Bitcoin og „sýnd­ar­fé“ og tek undir við­vör­un­ina um stór­kost­lega áhættu. Um leið segi ég: „halló! Ég verð að kanna þetta!“

Bitcoin og sýnd­arfé er einn fárra mögu­leika í nútím­anum á meiri­háttar kerfis breyt­ing­um. Þar er á ferð­inni að hluta til mögu­leik­inn á lýð­ræð­i­svæð­ingu pen­inga og beinum sam­skiptum um verð­mæti.  Blockchain tæknin er komin til að vera. Þetta finnst mér Hyperled­ger Línux sjóðs­ins sýna best um þessar mund­ir. En Hyperled­ger er opin tölvu for­rit­un­ar­máls grunnur sem að er ætl­aður til þess að nýta blockchain tækni fyrir fyr­ir­tæki í mjög víðum skiln­ingi og ekki ein­göngu fyrir raf­mynnt. Þ.e.a.s. allt sem lýtur að við­skipta­straumum á Inter­net­inu.  En stór­fyr­ir­tæki eins og Air­bus, Amer­ican Express, Deutsche Börse Group, Daim­ler, Hitachi, IBM, Intel, SAP, J.P. Morgan og NEC eru öll orðin félagar í Hyperled­ger stofnun Linux sjóðs­ins.  

Ég veit að Fjár­mála­eft­ir­litið vill vel og ég hvet ykkur öll til þess fara var­leg en samt til þess að skoða og hugsa um blockchain tækn­ina. Ég á sjálfur enn í fullu fangi með að skilja þetta allt saman en ég veit að þessar tækni­breyt­ingar eru þær sem eru hvað mest spenn­andi fyrir íslensku þjóð­ina sem verður lík­ast til að taka það upp á sína arma að aðstoða líf­eyr­is­sjóð­ina við áhættu­dreif­ingu. Enda sinna stjórn­endur þeirra verki sem krefst mik­illar útsjón­ar­semi, heil­inda og meiri ábyrgðar gagn­vart fámennu sam­fé­lagi en marga grun­ar.

Mig hefur oft langað að eiga fal­legt Cara­vaggio mál­verk eins og það sem sýnir Pál Post­ula mæta Kristi en það er alls ekki lík­legt að ég geti auð­veld­lega „reddað því“ á næst­unn­i.  Ætli slíkt gæti nokkurn tíma orðið raun­hæft mark­mið í eigna­stýr­ingu hjá almennum ungum Íslend­ingi?  

Ég gæti best trúað því að verði örtröð á upp­boði Gall­erí Foldar í mars­mán­uði þar sem eitt fárra þjóð­legra þung­arokk mál­verka nútíma listar verður boðið upp. Kannski fer það á verði yfir millj­ón. Ætli félagar úr Dimmu og Skálmöld kepp­ist við að bjóða í það? Hver veit. Ég get ekki látið vera að hugsa til Basquiat í öllu þessu sam­hengi en hann náði að hræra í hlut­unum og ná heims­frægð í Banda­ríkj­unum tví­tugur um 1980. Hann var lista­maður sem lét strauma úr m.a.  hip hopi, jazzi, klass­ískri list og frönskum ljóðum bræða saman á striga. Því miður dó hann ung­ur. En það má með sanni segja að rétt áður en hann birt­ist hefði það þótt ofur ólík­legur við­burður að list sem hans yrði til og að eitt mál­verka hans yrði síðar selt sem dýrasta verk banda­rísks lista­manns sem farið hefði á upp­boði.  En ég veit það að þó að sumt hald­ist við líði þá eru breyt­ing­arnar lík­ast meiri en við getum nokkurn tíma ímyndað okk­ur. Og núna og ekki seinna er tím­inn til þess að skoða og læra.

Höf­undur er MSc. í alþjóða­mark­aðs­fræði og stjórn­un, trygg­inga­ráð­gjafi og mark­þjálfi

Hundruðir sækja um íbúðir Bjargs
Gríðarlegur áhugi er meðal félagsmanna aðildarfélaga BSRB og Alþýðusambands Íslands á íbúðum sem Bjarg íbúðafélag mun leigja tekjulágu fólki á vinnumarkaði. Afhending íbúða til leigutaka gæti hafist 1. júlí á næsta ári.
Kjarninn 21. ágúst 2018
Guðjón Sigurbjartsson
Landsbyggðin, útlendingar og við
Kjarninn 21. ágúst 2018
Framlag Kjarnans á árinu 2014
Kjarninn er fimm ára í vikunni. Af því tilefni verður rifjað upp það helsta sem hann hafði til málanna að leggja á hverju því starfsári sem hann hefur verið til, á hverjum degi í þessari viku. Í dag er farið yfir árið 2014.
Kjarninn 21. ágúst 2018
Svanur Kristjánsson
Endurreisn íslenska lýðveldisins?
Kjarninn 21. ágúst 2018
155 milljónir söfnuðust í Reykjavíkurmaraþoni
Yfir 155 milljónir hafa safnast í hlaupastyrk í Reykjavíkurmaraþoninu sem fór fram síðustu helgi. Þetta er töluverð aukning frá fyrra ári þegar söfnuðust 118 milljónir.
Kjarninn 21. ágúst 2018
Hlutabréf í Skeljungi hækka
Hlutabréf í Skeljungi hækkuðu um rúm 9 prósent í rúmlega 400 milljóna króna viðskiptum í morgun.
Kjarninn 21. ágúst 2018
Samtal við samfélagið
Samtal við samfélagið
Samtal við samfélagið – Áfallasaga kvenna á Íslandi
Kjarninn 21. ágúst 2018
Útflutningsverðmæti sjávarafurða minnka milli ára
Útflutningsverðmæti sjávarafurða minnka um 15,2% milli áranna 2016 og 2017. Flutt voru út tæplega 610 þúsund tonn árið 2017 sem er 30 þúsund tonnum meira en árið áður.
Kjarninn 21. ágúst 2018
Meira úr sama flokkiAðsendar greinar