Nú 9.-13. apríl munu sjóð­fé­lagar í Lífs­verki fá tæki­færi til að kjósa í tvö laus stjórn­ar­sæti í líf­eyr­is­sjóðnum sín­um. Lífs­verk býr vel að sjóð­fé­laga­lýð­ræð­inu og tel ég það einn helsta og ótví­ræða  kost sjóðs­ins. Engir duldir valda­þræðir liggja um sjóð­inn, ein­göngu lýð­ræð­is­legur vilji sjóð­fé­laga ræð­ur.

Gagn­sæi

Byggja ætti enn frekar á gildum lýð­ræð­is­legra stjórn­ar­hátta í störfum sjóðs­ins og veita sjóð­fé­lögum fullan aðgang að upp­lýs­ingum um eignir sjóðs­ins frá degi til dags. Fólk er vant því að geta kom­ist til botns í sínum málum í tölvu­gáttum hjá stofn­unum og fyr­ir­tækj­um, líf­eyr­is­sjóðir ættu ekki að vera nein und­an­tekn­ing þar á. Gagn­sæi eflir sjálf­krafa til­trú fólks á því sem gert er og eykur sjálfs­gagn­rýni í ákvarð­ana­töku.

Eigna­myndun erlendis

Með afnámi gjald­eyr­is­hafta hafa skap­ast tæki­færi til fjár­fest­inga erlendis sem ætti að nýta að fullu. Almenn­ingur hefur und­an­farin ár mátt neyð­ast til að binda fé sitt í litlu hag­kerfi og óstöð­ugum gjald­miðli. Þeir sem aðstöðu hafa haft til hafa hins vegar bundið auð sinn í erlendum gjald­eyri. Nú er lag fyrir íslenska spari­fjár­eig­endur og líf­eyr­i­s­jóði að styrkja stöðu sína, dreifa áhættu mun betur með erlendum eignum og eign­ast kröfur í stöðugri gjald­miðli en íslensku krón­unni.

Taum­hald á kostn­aði

Stjórn­endur líf­eyr­is­sjóða vilja almennt ekki gera of mikið úr kostn­aði við stjórnun þeirra og telja hann vel sam­an­burð­ar­hæfan við erlenda sjóði. Þá sé talið æski­legra að ein­blína á ávöxt­un­ina. En ekki verður kom­ist hjá að benda á að kostn­aður safn­ast upp líkt og vaxta­vext­ir, litlar breyt­ingar verða miklar með tím­an­um. Fjár­fest­ing­ar­kostn­aður vísi­tölu­sjóða vest­an­hafs eru ekki nema 0,09% en sam­bæri­legur kostn­aður íslenskra líf­eyr­is­sjóða er tæp­lega þrefalt meiri. Þjón­ustan er vit­an­lega ekki sam­bæri­leg en það er alltaf vert að spyrja sig hvort gæðin séu réttu verði keypt.

Þetta eru þau áherslu­mál sem ég mun vinna að í stjórn Lífs­verks hljóti ég stuðn­ing til. Ég hef setið í vara­stjórn und­an­farin tvö ár og gef nú kost á mér til að halda sam­fellu í þekk­ingu og störfum stjórn­ar­inn­ar. Kosn­ing fer fram á vef Lífs­verks.