Oflaunamenn

Guðmundur Andri Thorsson segir forstjóra sem hafa fengið milljónahækkanir ver höfrungana sem knýja launakapphlaupið áfram, ekki launafólkið sem mælir framlag sitt við framlag forstjóranna.

Auglýsing

Í síð­asta mán­uði var kynnt skýrsla sem Talna­könnun gerði fyrir Sam­tök spari­fjár­eig­enda um kjör for­stjóra og bónus­kerfi þeirra sem verður sífellt blóm­legra og ævin­týra­legra. Höf­undar voru þau Katrín Ólafs­dóttir lektor í vinnu­mark­aðs­hag­fræði við HR og Bene­dikt Jóhann­es­son stærð­fræð­ingur og síð­asti fjár­mála­ráð­herr­ann sem leit­að­ist við að halda í skefjum ofsa­launum rík­is­for­stjóra.

Í skýrsl­unni kemur meðal ann­ars fram að tíu launa­hæstu for­stjór­arnir á almennum mark­aði eru með sjö millj­ónir á mán­uði. Algeng mán­að­ar­laun eru fjórar millj­ón­ir; for­stjóri með tvær millj­ónir á mán­uði er algjör minni­poka­mað­ur. For­stjóri Hörpu, sem hefur verið mjög í fréttum að und­an­förnu út af sínum kjörum – hún er lág­launa­for­stjóri.

Það verður að telj­ast vafa­mál að þessi launa­kjör end­ur­spegli síaukna verð­mæta­sköpun téðra ein­stak­linga, enda er hér iðu­lega um að ræða fyr­ir­tæki sem end­ur­reist voru eftir hrun fyrir fé almenn­ings úr bönkum og líf­eyr­is­sjóð­um.

Auglýsing
Misskipting er alltaf slæm í sjálfri sér, rang­lætið er alltaf rangt. Það er slæmt fyrir atvinnu­lífið þegar svo stór hluti arðs­ins fer til fárra ein­stak­linga; það er sóun á fé. Það er slæmt þegar upp kemur sú freist­ing að fegra afkomu fyr­ir­tæk­is, eins og hætt er við að ger­ist þegar laun for­stjóra eru tengd afkomu fyr­ir­tækja. Og þetta er slæmt fyrir oflauna­menn­ina sjálfa. Það er óhollt fyrir menn að mæla mann­gildi sitt í millj­ón­um; eng­inn hefur gott af gegnd­ar­lausu ofmati á fram­lagi sínu. Allt verð­mæta­mat skekk­ist hjá fólki þegar það verður svo ríkt að það veit ekki sitt rjúk­andi ráð. Úr verður hálf­gerð land­eyðu­fram­leiðsla.

Það er slæmt fyrir sam­fé­lagið í heild að mis­skipt­ing sé þar fram úr hófi, sam­kennd hverf­ur, inn­viðir fúna, tor­tryggni eykst, gagn­kvæm andúð tekur við af sam­hjálp, múrar eru reist­ir, í lífs­háttum og menn­ingu, og svo bók­staf­lega eins og þar sem verst gegn­ir. Brauð­mola­kenn­ingin er ekki bara sið­ferð­is­lega ámæl­is­verð heldur hefur hún aldrei stað­ist próf veru­leik­ans.

For­stjóra­stéttin talar af fyr­ir­litn­ingu um höfr­unga­hlaup þegar vinn­andi fólk vill fá sann­gjörn laun fyrir vinnu sína eða reynir að knýja fram betri almenn lífs­kjör. Sjálfir virð­ast for­stjór­arnir telja  sig í ein­hverju allt öðru landi – kannski afland­inu góða – þar sem þeir séu í sínu sér­staka feitu­fressa­hlaupi. Það er ekki svo. Launa­kjör for­stjór­anna hafa áhrif á kröfu­gerð ann­arra stétta – að sjálf­sögðu. Hví skyldi kenn­ar­inn og hjúkr­un­ar­fræð­ing­ur­inn, smið­ur­inn og flug­virk­inn ekki mæla fram­lag sitt  til sam­fé­lags­ins við fram­lag for­stjór­ans? Það eru for­stjór­arnir sem eru höfr­ung­arn­ir, þeir knýja áfram launa­kapp­hlaupið með launa­kröfum sín­um.

CRIPSRi notað til að skoða erfðamengi baktería
Hvaða gen eru það sem bakteríur nýta sér til að verjast sýklalyfjum?
Kjarninn 19. janúar 2019
Viðar Freyr Guðmundsson
Máttlaus áhrif lækkunar hámarkshraða
Leslistinn 19. janúar 2019
Jóhann Bogason
Skömm sé Háskóla Íslands
Kjarninn 19. janúar 2019
Þolendur eiga ekki að þurfa að sitja undir Klausturmönnum
Helga Vala Helgadóttir, formaður stjórnskipunar- og eftirlitsnefndar, segir að Ágúst Ólafur Ágústsson muni ekki koma aftur til starfa í næstu viku. Hún veit ekkert um hvort Bergþór Ólason eða Gunnar Bragi Sveinsson ætli að gera það.
Kjarninn 19. janúar 2019
Koma svo!
Koma svo!
Koma svo - Fyrirgefðu en má ég vera til?
Kjarninn 19. janúar 2019
Tæknispá 2019
Þroskaðra sprotaumhverfi, Elon Musk í kringum tunglið, mannlegar hliðar tækni, hæpheiðar og -dalir og frú Sirrý á íslensku. Þetta er meðal þess sem fram kemur í árlegri tæknispá Hjálmars Gíslasonar.
Kjarninn 19. janúar 2019
Jón Baldvin: Ásakanir „hreinn uppspuni“ eða „skrumskæling á veruleikanum“
Jón Baldvin hefur verið sakaður um kynferðislega áreitni af fjölda kvenna að undanförnu.
Kjarninn 19. janúar 2019
Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Meira úr sama flokkiAðsendar greinar