Auglýsing

Eftir fjörugar umræður um stöð­una í Reykja­vík, í kosn­inga­þætt­inum á RÚV í kvöld, þar sem sextán fram­boð eru með lista í boði fyrir kjós­end­ur, þá eru lín­urnar kannski örlítið skýr­ari en þær voru fyrir þátt­inn. 

Tveggja turna tal Sjálf­stæð­is­flokks­ins og Sam­fylk­ing­ar­innar verður vafa­lítið stóra spennu­málið fyrir morg­un­dag­inn, en það kann líka að skipta máli hvernig minni fram­boðin í Reykja­vík koma út úr kosn­ing­un­um, því þau geta ráðið úrslitum um hvernig meiri­hluti verður mynd­að­ur. Eyþór Arn­alds, odd­viti Sjálf­stæð­is­flokks­ins, og Dagur B. Egg­erts­son borg­ar­stjóri munu kepp­ast um borg­ar­stjóra­stól­inn, eins og dregið hefur verið vel fram í kosn­inga­spá okk­ar, sem birt­ist nýupp­færð á morgun í síð­asta sinn.

Tal­aði skýrt

Í kvöld fengu litlu fram­boðin tæki­færi, og sum þeirra gripu það. 

Auglýsing

Sanna Magda­lena Mörtu­dótt­ir, odd­viti Sós­í­alista­flokks­ins, var t.d. skýr í sínum mál­flutn­ingi, og tal­aði skýrt um að hún yrði full­trúi fólks sem ekki hefur völd og er fátækt. Fras­inn „valdið til fólks­ins“ er kannski útjask­aður og tengdur við vin­sæld­ar­brölt, en hjá henni var hann ekki falsk­ur.

Án þess að full­yrða hvort frammi­staða hennar muni duga til að ná inn manni í borg­ar­stjórn, þá heyrð­ist rödd hennar skýrt og vel, eitt­hvað sem er ekki sjálf­sagt hjá fólki með litla reynslu af kosn­inga­þáttum og stjórn­mála­þátt­töku.

Þá komust Þór­dís Lóa Þór­halls­dótt­ir, odd­viti Við­reisn­ar, og Vig­dís Hauks­dótt­ir, odd­viti Mið­flokks­ins, ágæt­lega frá sínu, í það minnsta ef horft er á málin út frá því að þær voru að reyna að tala til kjós­enda. Vig­dís greip fram í fyrir Degi, ótt og títt, og horfði síðan í augun á úthverf­unum í lok­in. Eða svo gott sem. Lík­lega allt eins og það átti að vera.

Mennta­málin rædd, loks­ins

Í seinni­hluta þátt­ar­ins náð­ist upp ágætis umræða um mennta­mál, eftir alveg galna umræðu um moskur, póli­tískt Íslam og ýmis­legt fleira. 

Það var tími kom­inn á það, eftir hálf með­vit­und­ar­lausa umræðu um skóla- og mennta­mál alla kosn­inga­bar­átt­una. En það hefði mátt vera með þessa sömu umræðu vega­meiri í fyrri hluta þátt­ar­ins.

Þrátt fyrir greina­skrif, bæk­linga og yfir­grips­miklar umfjall­an­ir, þá skipta beinar útsend­ingar á síð­ustu stundu alltaf miklu máli. Eitt tár í beinni getur fært flokkum mörg atkvæði, eins og dæmin sanna. 

Eitt af því sem maður hefur saknað í aðdrag­anda kosn­inga, er að það fari fram meiri og dýpri umræða um mennta­mál. Flokk­arnir hafa vissu­lega fjallað um mennta­mál­in, en þau eiga það skilið að fá meira vægi en önnur mál, vegna mik­il­vægis mála­flokks­ins fyrir sveit­ar­fé­lögin og alvar­legrar stöðu mála­flokks­ins sömu­leið­is. 

Þetta eru lang­sam­lega stærstu rekstr­ar­liðir sveit­ar­fé­laga og þá blasa við risa­stór verk­efni í skóla­mál­un­um. Ekki í fram­tíð­inni, heldur þessi miss­er­in. Alþjóð­leg gæða­möt á skóla­starfi hafa ekki komið vel út fyrir Ísland og full ástæða til að taka þessi mál alvar­legar en gert hefur ver­ið. Þá er slök útkoma drengja í skóla­starfi, léleg laun kenn­ara og kenn­ara­skortur í nán­ustu fram­tíð, eitt­hvað sem sveit­ar­fé­lög verða að taka alvar­lega. Þetta er sjálfur grunn­ur­inn að sam­fé­lag­inu.

Ungt fólk fái rödd

Frasarnir flugu í kvöld, en kannski hvergi meira en þegar hús­næð­is­málin voru rædd. Þau hafa verið mál mál­anna í þess­ari kosn­inga­bar­áttu. Hús­næð­is­skort­ur, miklar verð­hækk­an­ir, hækk­anir á leigu, stækkun hóps­ins sem leigir og skipu­lags­mál, má segja að falli undir hús­næð­is­mála­hug­tak­ið. 

Í stóra sam­heng­inu er það sem er að ger­ast í Reykja­vík sam­bæri­legt við mörg borga­svæði í heim­in­um, þar sem mik­ill vöxtur borga gerir upp­bygg­ingu erf­iða og skapar ójafn­vægi. Það gengur erf­ið­lega að halda í við vöxt­inn með upp­bygg­ingu íbúða. Borgin á sína sök á þessu, en það hefði líka þurft að móta sýn­ina á þessi mál fyrr. 

Fyrir tæpum ára­tug, eftir hrun­ið, hefði t.d. verið hægt að móta fram­tíð­ar­sýn­ina sem byggði á því að hugsa fyrst og síð­ast um kom­andi kyn­slóðir á hús­næð­is­mark­aði, en ekki þá sem áttu hús­næði fyr­ir. Setja pen­inga frekar í að hugsa um framíð­ar­kyn­slóð­irn­ar, með því að byggja hús­næði og liðka fyrir fjár­mögn­un, fremur en að færa eldri kyn­slóðum fjár­muni á silf­ur­fati sem átti hús­næð­i. 

Einn grund­vall­ar­munur er á þessum tveimur mögu­leik­um. Fram­tíð­ar­kyn­slóðin var ekki að kjós­a. 

Erf­ið­leikar þeirrar kyn­slóðar sem nú telst til unga fólks­ins, eru miklir og það er ósk­andi að hverjir sem það verða sem kom­ast til valda í borg­inni, hugsi um ungt fólk og kom­andi kyn­slóðir í sinni póli­tík eftir kosn­ing­ar. Ungt fólk á það skilið að fá góða rödd sem heyr­ist skýrt. 

Frasarnir geta flogið í sjón­varpi og búið til atkvæði - hvort sem það er um póli­tískt Íslam, borg­ar­línu, moskur eða snjall­síma - en raun­veru­leik­inn er oft flókn­ari. 

Minkaræktun í Kína
Loðdýrabú rekin með tapi síðustu ár
Loðdýrabú hafa verið rekin með tapi hér á landi undanfarin fjögur ár og minkabændum fækkað. Greinin óskaði eftir fjárhagsaðstoð frá stjórnvöldum í fyrra og sett hefur verið á laggirnar nefnd til að greina vanda greinarinnar.
Kjarninn 19. mars 2019
Snöggkólnar á fasteignamarkaði
Kólnað hefur á fasteignamarkaði, miðað við það sem verið hefur undanfarin ár.
Kjarninn 19. mars 2019
Smári McCarthy
Trúverðugleiki stofnana
Kjarninn 19. mars 2019
Joachim Fischer
Hinn heilagi ritstjóri Bændablaðsins
Kjarninn 19. mars 2019
Hælisleitendur mótmæla fyrir framan Alþingishúsið
Þrír handteknir við Alþingishúsið
Þrír voru handteknir við Alþingishúsið í dag eftir að lögreglan var kölluð þangað vegna mótmæla hælisleitenda. Samtökin Refugees in Iceland segja að um friðsöm mótmæli hafi verið að ræða og að þau hafi ekki ætlað að hindra aðgengi að Alþingi.
Kjarninn 19. mars 2019
Róbert R. Spanó, lögmaður og dómari við Mannréttindadómstól Evrópu
Telur tregðu íslenskra dómstóla að fylgja dómum MDE vera á undanhaldi
Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.
Kjarninn 19. mars 2019
Kristján Þórður Snæbjarnarson
Iðnaðarmenn slíta viðræðum við SA
Iðnaðarmenn slitu samningaviðræðum við Samtök atvinnulífsins fyrir hádegi í dag. Kristján Þórður Snæbjarnarson, talsmaður iðnaðarmanna, segir að nú hefjist undirbúningur verkfallsaðgerða.
Kjarninn 19. mars 2019
Flóttafólk mótmælir á Austurvelli. Búið er að taka tjaldið niður.
Sér ekki hvernig sérstök smithætta eigi að vera af því að fólk setji upp tjald
Sóttvarnalæknir hefur meiri áhyggjur af hreinlætisaðstöðu víðs vegar um landið fyrir ferðamenn en að flóttafólk hafi safnast saman á Austurvelli.
Kjarninn 19. mars 2019
Meira úr sama flokkiLeiðari