Opið bréf til fyrrverandi innri endurskoðanda Kaupþings

Kevin Stanford, sem var á meðal stærstu viðskiptavina Kaupþings fyrir hrun, skrifar annað opið bréf vegna eftirmála viðskipta sinna við bankann.

Auglýsing

Kæra Lilja Stein­þórs­dótt­ir,

Þetta bréf er ritað í tengslum við opið bréf mitt til Hreið­ars Más Sig­urðs­sonar og Magn­úsar Guð­munds­sonar sem birt var þann 17. jan­úar 2019, og bréf mín til þín í tengslum við minn­is­blað sem þú rit­aðir þann 20. júlí 2009, sem bar yfir­skrift­ina „Við­skipta­staða Kevin Stan­ford (KS) við Kaup­þing banka hf.” (skjal 2 og 2.1) þegar þú varst innri end­ur­skoð­andi Arion banka hf.

Í minn­is­blað­inu kemur fram að ég var ekki skráður eig­andi bréfa í Kaup­þingi, hvað þá þeim 17.300.000 hlutum sem Kaup­þing ehf. full­yrðir að ég hafi keypt af Kaup­þingi hf. í ágúst 2008.

Í útdrætti úr minn­is­blaði þínu kemur fram:

„Lúx virð­ist vera skráð fyrir bréf­unum því KS er ekki skráður fyrir neinum bréfum í Kaup­þingi. Ekki hægt að sjá að tekið sé hand­veð í þessum bréf­um. KBLux er talið eiga rúm­lega 38m hluta í Kaup­þingi á safn­reikn­ingi Arion þann 8/10 2008.“

Þú vissir að Kaup­þing ehf. hafði stefnt mér í júní á síð­asta ári (skjal 3), og jafn­vel þó þú vissir að ég væri ekki eig­andi þess­ara 17.300.000 hluta í Kaup­þingi, þá svaraðir þú ekki fyr­ir­spurnum mín­um. Þér var einnig kunn­ugt um að ég gæti ekki hafa skrifað undir láns­samn­ing, vegna þess að óund­ir­rit­aður láns­samn­ingur var útbú­inn af „Nýja” Kaup­þingi eftir fall bank­ans (skjal 4).

Þann 19. ágúst 2008, í örvænt­ing­ar­fullri til­raun við að fram­kvæma svik­in, þá virð­ist sem Hreiðar Már Sig­urðs­son hafi veitt mér ótryggt pen­inga­mark­aðs­lán án minnar vit­neskju.

Auglýsing
Í tengslum við þetta meinta lán, þá kom fram í yfir­heyrslu hjá Hreið­ari Má hjá emb­ætti sér­staks sak­sókn­ara  þann 1. nóv­em­ber 2011 (skjal 5):

SS: Hér áðan sagðir þú að þú hafir verið upp­tek­inn við að koma bank­anum úr þessu ástandi, þessum svo­kall­aða stormi?

HMS: Já.

SS: Svo á þessum tíma sem að þú segir að hafi ver­ið…,  í raun­inni bara mjög erfið staða á þeim tíma sem um ræð­ir, að það hafi verið mikið sem þurfti að gera?

HMS: Já, já.

SS: Þá ert þú að veita þetta lán á sama tíma?

HMS: Já.

SS: Maður hugsar sér, þú veist, þú ert að reyna að stýra bank­anum í gegnum mjög erf­iða    ­tíma?

HMS: Já.

SS: Á alþjóð­legum mörk­uð­um?

HMS: Já.

SS: Á sama tíma ertu að auka útlán til við­skipta­vinar sem hefur mjög miklar skuld­ir?

HMS: Já, og ég hugs­aði út í það.

SS: Já.

HMS: Ég hugs­aði mikið út í það, hugs­aði það mik­ið, hvort ég hefði… og komst að þeirri nið­ur­stöðu að það væri góð hug­mynd. Þetta var gott fyrir bank­ann og fyrir hann.

SS: Á hvaða hátt?

HMS: Það sem fór í gegnum huga minn þegar ég var að hugsa þetta í gegn. Ég bara fann það að hann ætti svo margar eignir sem væru… sem litu vel út til fram­tíð­ar, og hann væri að gera svo góða hluti að hann… að þessar eignir myndu dekka alla auka skuld­setn­ingu, og ég trúði því einnig að Kaup­þing myndi lifa af. Svo kannski… og þessir tveir hlutir voru alveg örugg­lega hafðir í huga. Hins vegar að eigna­safn hans, og það að hann á… þetta eru sterk alþjóð­leg fyr­ir­tæki. Þau myndu vaxa vel á kom­andi árum, og bank­inn (óskýrt) myndi einnig blómstra á næstu árum.”

Fyrr­ver­andi við­skipta­stjóri minn hjá Kaup­þing Lúx­em­borg, Spencer Wall, var ókunn­ugt (á þeim tíma) um hin meintu kaup mín á 17.300.000 hlutum í Kaup­þingi. Hann tók upp sam­tal við Stu­art Waddle (fyrr­ver­andi for­stöðu­mann mark­aðsvið­skipta Kaup­þings Lúx­em­borg) eftir fall bank­ans. Aðspurður um hið meinta lán svar­aði Stu­art: „Við vorum að reyna að bjarga bank­an­um”.

.

Sönn­un­ar­gögn benda til þess að minn­is­blað þitt hafi rang­lega greint frá flutn­ingi á lánum mínum frá Kaup­þingi Lúx­em­borg til Kaup­þings hf. þann 3. októ­ber 2008. Þann 22. jan­úar 2009 tókst þú á móti skrá sem stað­festi að Kaup­þing Lúx­em­borg hafi mót­mælt greiðsl­unni í tengslum við hinn meinta flutn­ing á lánum mín­um, sem upp­fylltu alla skil­mála.

Í þeim til­gangi að láta líta út fyrir að hinn meinti flutn­ingur hafi átt sér stað þann 3. októ­ber 2008, var sagan end­ur­skrifuð með því að dag­setja skjöl aft­ur­virkt og falsa þau.

Lána­nefnd stjórnar Kaup­þings hf. („BCC“)  hélt fund í London þann 24. sept­em­ber 2008 . Stjórn­ar­menn­irnir Gunnar Páll Páls­son og Bjarn­freður Ólafs­son voru við­stadd­ir, ásamt Bjarka Diego, Sig­urði Ein­ars­syni, Hreið­ari Má Sig­urðs­syni og rit­ar­anum Guð­rúni Harð­ar­dótt­ur. Fund­ar­gerð þessa fundar voru átta blað­síður (skjal 6). Í fund­ar­gerð­inni kemur fram til­laga að fjár­mögnun á greiðslu vegna veð­kalls, sem var gerð án minnar vit­neskju, og notuð var sem hluti af sam­særi til að hafa áhrif á skulda­trygg­ing­ar­á­lag bank­ans.Skjáskot.

Dag­skrá fund­ar­ins inni­hélt ekki til­lögu þess efnis að flytja ætti lán mín frá Kaup­þingi Lúx­em­borg til Kaup­þings hf. (skjal 7).

Þann 22. nóv­em­ber 2008, sendi Bjarki Diego, fram­kvæmda­stjóri útlána hjá Kaup­þingi hf. (sem var síðar skip­aður í skila­nefnd Kaup­þings hf.) tölvu­póst til þín (skjal 8). Í við­hengi þessa tölvu­póstar var breytt útgáfa af fund­ar­gerð lána­nefndar stjórnar (BCC) sem hald­inn var þann. 24. sept­em­ber 2008, og inni­hélt skjalið níu blað­síður (skjal 9).

Í tölvu­póst­inum kemur fram: „með fyr­ir­vara um að með­limir nefnd­ar­innar eigi eftir að lesa yfir og stað­festa“.

Hin breytta fund­ar­gerð inni­hélt setn­ingu um „fyr­ir­hug­aðan flutn­ing“ á lánum mínum frá Kaup­þingi Lúx­em­borg til Kaup­þings hf.Skjáskot.

Hin breytta fund­ar­gerð hafði ekki ein­göngu auka blað­síðu heldur hafði einnig bæst við fund­ar­mað­ur; Stein­grímur Kára­son.

Stuttu eft­ir, þann 23. des­em­ber 2008,  var skila­nefnd Kaup­þings hf. ráð­lagt af Weil Gots­hal & Manges og Grant Thornton LLP að segja upp Bjarka Diego sökum þess að:

„Við teljum að það sé raun­veru­leg hætta á því að gögnum verði eytt eða átt verði við þau.“ (skjal 10).

Auglýsing
Í kjöl­farið var Bjarka Diego vikið úr skila­nefnd Kaup­þings hf. þann 30. des­em­ber 2008. Síðar var Bjarki Diego dæmdur til fang­els­is­vistar fyrir hans þátt í svikum stjórn­enda bank­ans.

Hin breytta fund­ar­gerð  sem sam­an­stóð af níu blað­síðum var síðan send til Fjár­mála­eft­ir­lits­ins þann 6. mars 2009, og birt í Rann­sókn­ar­skýrslu Alþing­is.

Á fundi stjórnar Kaup­þings hf. þann 25.-26. sept­em­ber 2008,  voru mættir aftur þeir Hreiðar Már Sig­urðs­son, Sig­urður Ein­ars­son og stjórn­ar­menn­irnir Gunnar Páll Páls­son og Bjarn­freður Ólafs­son.

Fund­ar­gerð þessa fundar (skjal 11) stað­festir að stjórn Kaup­þings hafði farið yfir kynn­ingu um stór útlán frá Kaup­þingi Lúx­em­borg. Hins vegar inni­hélt þessi kynn­ing enga umfjöllun um „fyr­ir­hug­aðan flutn­ing“ á lánum mínum frá Kaup­þingi Lúx­em­borg til Kaup­þings hf. Þá inni­heldur fund­ar­gerðin engar spurn­ingar um „fyr­ir­hug­aðan flutn­ing“, sem (sam­kvæmt hinni breyttu fund­ar­gerð lána­nefndar stjórnar (BCC)) átti að hafa verið rætt deg­inum áður.

Í minn­is­blaði þínu kemur fram fram að á fundi stjórnar þann 25. og 26. sept­em­ber sl. hafi verið sam­þykkt að flytja lán mín frá Kaup­þingi Lúx­em­borgar til Kaup­þings hf., en sönn­un­ar­gögn benda hins vegar til þess að hinn „meinti flutn­ing­ur“ var ekki ræddur á fundi lána­nefndar stjórnar þann 24. sept­em­ber 2008, né á stjórn­ar­fundi Kaup­þings þann 25.-26. sept­em­ber 2008.

Í útdrætti af sím­tali við Jóhannes Rúnar Jóhanns­son (skila­nefnd Kaup­þings hf.), útskýrði Bjarki Diego hvernig sam­þykki lána­nefndar stjórnar (BCC) voru snið­gengin með notkun pen­inga­mark­aðs­lána. Sönn­un­ar­gögn benda til þess að þetta sé það sem átti sér stað í tengslum við hinn „meinta flutn­ing” á skuldum mínum frá Kaup­þing Lúx­em­borg til Kaup­þings hf. (skjal 12).

BD: Ég geri ráð fyrir að þið hafið séð það, það var einn hlutur sem var rang­ur, ég meina, það er, sem við höfðum bent á. Það, uh, þegar við greiddum pen­ing sam­kvæmt lána­samn­ingi fengum við alltaf und­ir­rit­aðan samn­ing, sem uh, fór í gegnum lána­vinnslu og var skráð­ur, og engir pen­ingar voru greiddir öðru­vísi, stelp­urnar vildu bara ekki ýta á takk­ann nema þær fengu sam­þykki lána­nefndar fyrir því. Það var bara ekki gert. Og þær grín­uð­ust ekk­ert með það. Það var ekki mögu­leiki á að ég gæti sagt, hlustið stelpur það er í lagi, við höfum það, það var ekki..

JRJ: Já skjal­ið.

BD: Þær sögðu láttu okkur fá skjal­ið, það þurfti að vera sam­þykki lána­nefnd­ar.

JRJ: Uh huh

BD: Svo, það var ekk­ert. Á hinn bóg­inn var það pen­inga­mark­aðs mögu­leik­inn.

JRJ: yep

BD: Það var ekki eins og, að sjálf­sögðu var hópur á gjald­eyr­is­borðum sem áttu í við­skiptum með tugi millj­arða í erlendum gjald­eyri á hverjum degi, fyrir þá að skutla nokkrum millj­örðum hingað og þangað var ekk­ert vanda­mál, bara byggt á sím­tali. Svo voru ein­hver pen­inga­mark­aðs sem fóru út, það var mikil rekstr­ar­á­hætta fyrir bank­ann, sem þú getur líka séð vegna þess að það voru töp.

JRJ: Yep, einmitt, það eru hættu­legu lán­in.

BD: Þau eru hræði­leg… og það er þar sem, allt hættu­lega og klikk­aða dótið fór þar í gegn.

JRJ: Og, uh, í ein­hverjum til­fellum var þeim breytt í lána­form, ég meina…

BD: Já, það var alltaf mark­mið­ið, síð­ar, síðar það bara þurfti að ger­ast svo hratt, svo þurftir þú að klára lána­skjöl­in, sem voru afgreidd svona, þessir CLN strúkt­úrar og allt það, ég meina

JRJ: Einmitt, einmitt, yep

BD: Þeir eru skýrt merki um það, ég meina.

Af þeim sök­um, ef lána­nefnd stjórnar sam­þykkti hina meintu greiðslu (til að fram­kvæma flutn­ing á lán­um) að fjár­hæð GBP 250.470.170,38 til Kaup­þings Lúx­em­borg, þá hefðu „stelp­urn­ar“ fengið í hendur stað­fest sam­þykki, sem heim­il­aði þeim „að ýta á takk­ann“ til að fram­kvæma hina meintu greiðslu. Ef það hefði gerst í raun og veru, þá hefði ekki verið nein þörf á því að falsa fund­ar­gerð lána­nefndar stjórnar (BCC) þann 22. nóv­em­ber 2008 til þess að láta líta út fyrir að sam­þykki hafi verið veitt.

Í minn­is­blaði þínu kemur fram að Kaup­þing hf. hafi „keypt“ lán mín frá Kaup­þing banka Lúx­em­borg að fjár­hæð GBP 250.479.170,38, með því að nota reikn­ing Kaup­þings hf. í Kaup­þingi Lúx­em­borg. Hins vegar benda sönn­un­ar­gögn til þess að þú hafðir vit­neskju um það að Kaup­þing Lxem­borg hafði mót­mælt því að þessi greiðsla hafi átt sér stað, en Kaup­þing Lúx­em­borg hafði tekið yfir umráð eigna minna einmitt vegna þess að Kaup­þing hf. hafði ekki „greitt“ Kaup­þingi Lúx­em­borg.

Þann 22. jan­úar 2009 (skjal 13), sendi Egg­ert Teits­son (for­stöðu­maður á fjár­mála­sviði Kaup­þings  hf.), þér skjal sem inni­hélt tölvu­póst­sam­skipti milli Egg­erts og hóps sem inni­hélt m.a. Francois Xavier Cabay (fyrr­ver­andi for­stöðu­mann fjár­stýr­ingar Kaup­þings Lúx­em­borg) frá 19. októ­ber 2008 (skjal 14). Sam­skiptin báru yfir­skrift­ina „Upp­gjör milli Lúx og Íslands”.

Sæll Laurent

Getur þú litið á þessa MM samn­inga í GBP nr. 449858, 449859, 449860 and 449861, okkur virð­ist sem þessir samn­ingar hafi ekki virkjað neinar greiðsl­ur, ekki frá Kaup­þngi Lúx­em­borg og ekki frá Kaup­þingi Íslandi þannig að við ættum að sleppa þessu úr upp­gjöri okk­ar. Þeir byrja allir á 3/10/2008 og þann dag er greitt GBP 250þ479.170,38 frá Kaup­þingi Íslandi á reikn­ing Kaup­þings Lúx­em­borg reikn­ings­númer 0329-38-2000090 en það virð­ist sem þessi við­skipti séu ekki tengd. (Ég held að þessi greiðsla sé fyrir lán fyr­ir­tækja Robert T)

Egg­ert Teits­son hafði rangt fyrir sér að greiðsla að fjár­hæð GBP 250.478.170,38 væri tengd skuldum Robert Tchenquiz.

Francois Xavier Cabay svar­aði sama dag:

Halló Egg­ert

Við ættum ekki að sleppa þessu úr upp­gjöri þar sem Kaup­þing hf. greiddi aldrei pen­ing­ana þegar þau voru flutt! Þar sem ykkur var ekki mögu­legt að afhenda pen­inga höfum við lánað ykkur þessa pen­inga (án hreyf­inga á reiðu­fé) og gjald­dagi láns­ins til móð­ur­fé­lags­ins, það er aug­ljóst að móð­ur­fé­lagið þarf að greiða þetta til baka

Þann 23. októ­ber 2008 (skjal 15) sendi Kaup­þing hf. mér kröfu­bréf (sem lán­veit­andi) sem und­ir­ritað var af Knúti Þór­halls­syni hjá Deloitte á Íslandi sem skip­aður hafði verið í skila­nefnd Kaup­þings.

Með þær upp­lýs­ingar sem þér voru til­tækar, þá er erfitt að skilja hvernig þú hafðir ekki þá vit­neskju að krafan var svik­sam­leg. Hinni „meintu greiðslu“ Kaup­þings hf. var mót­mælt af Kaup­þingi Lúx­em­borg, það voru ekki unnir neinir lána­samn­ing­ar, og Kaup­þing hf. var þess vegna ómögu­legt að afhenda eignir mínar sem höfðu verið teknar yfir af Kaup­þingi banka Lúx­em­borg.

Auglýsing
Lögmenn mínir kröfð­ust sann­ana fyrir því að Kaup­þing hf. væri rétt­mætur lán­veit­andi, en engin sönn­un­ar­gögn voru veitt.

Hin meinta greiðsla á GBP 250.478.170,38 frá Kaup­þingi hf. til Kaup­þing Lúx­em­borgar var svik­sam­leg, þar sem greiðslan kom frá lánum sem veitt voru af Kaup­þingi Lúx­em­borg fyrir sömu upp­hæð, þegar stjórn bank­ans var með­vituð um það að bank­inn væri ógjald­fær og átti engan mögu­leika á því að end­ur­greiða lán­in.

Þar af leið­andi hækk­uðu lánin sem Kaup­þing Lúx­em­borg veitti Kaup­þingi hf. þann 3. októ­ber 2008 skuld Kaup­þings hf. um GBP 250.479.170,38. Þessi lán voru veitt af Magn­úsi Guð­munds­syni (fyrr­ver­andi for­stjóra Kaup­þings Lúx­em­borg­ar) og sam­þykkt af Hreið­ari Már Sig­urðs­syni (fyrr­ver­andi for­stjóra Kaup­þings hf.) án við­eig­andi sam­þykk­is. Þessi svik­sam­legu við­skipti (skjal 16) voru hluti af sam­særi til þess að nota eigur mínar til að end­ur­reisa Kaup­þing Lúx­em­borg.

Ágrein­ingur milli skila­nefndar Kaup­þings hf. og skipta­stjóra Kaup­þings Lúx­em­borg (um skuldir við Kaup­þing Lúx­em­borg sem inni­heldur m.a. ofan­greind lán frá 3. októ­ber 2008), voru upp­gerð með samn­ingi um skulda­upp­gjör þann 3. mars 2009 (Conditional Settlem­ent Agreem­ent “CSA”), þegar eignir mínar voru teknar og not­aðar til þess að greiða skuldir Kaup­þings hf. við Kaup­þing Lúx­em­borg (skjal 17).

Jafn­vel þó að eignir mínar voru teknar og not­aðar í skulda­upp­gjöri þann 3. mars 2009 („CSA“), þá virð­ist þú leyna þessu grund­vall­ar­sam­komu­lagi í minn­is­blaði þínu frá 20. júlí 2009.

Þann 13. mars 2009 var ég blekktur og feng­inn til að und­ir­rita sam­komu­lag við slita­stjórn Kaup­þings, sem var ómögu­legt að fram­kvæma vegna þess að eignir mínar (sem ég hafði náð sam­komu­lagi um) höfðu verið teknar án minnar vit­neskju, og not­aðar tíu dögum áður til þess að greiða skuld Kaup­þings hf. við Kaup­þing Lúx­em­borg.

Í minn­is­blaði þínu vísar þú til sam­komu­lags míns við Kaup­þing hf. í máls­grein nr. 6 sem ber yfir­skrift­ina „Sam­komu­lag KS og KB frá 13. mars 2009“:

„KB gerði sam­komu­lag við KS dag­sett 13.03.2009. KB fékk veð­settar eignir KS í óskráðum bréf­um, en KBLux skráð bréf.“

Þetta er lýs­ing á áhrifum samn­ings um skulda­upp­gjör („CSA“), en ekki sam­komu­lags­ins sem ég gerði við Kaup­þing sem kall­ast „Deed of Und­er­tak­ing („DOU“). Það þarf ekki að vera lög­maður til að gera sér grein fyrir því að þessir tveir samn­ingar virka ekki saman (skjal 18).

Þann 22. júlí 2011 (skjal 19), lagði slita­stjórn Kaup­þings hf. fram kröfu í hér­aðs­dómi Lúx­em­borgar fyrir GBP 262,068,237.69 ásamt vöxt­um, þegar Kaup­þing hf. og Banque Havill­and, sem tekið hafði við af Kaup­þing Lúx­em­borg, tók­ust á um eignir mínar (virði GBP 435.880.515.41 (skjal 20).

Þann 3. októ­ber 2011, eftir mót­töku tölvu­pósts frá Kaup­þingi hf. þar sem farið var fram á afhend­ingu á eignum mínum (skjal 21), sendi Jon­athan Rowland (sonur eig­anda Banque Havill­and, David Rowland) tölvu­póst til Jean Francois Willems for­stjóra Banque Havil­l­and og Francois Xavier Cabay þar sem kemur fram:

„Þeir eru fullir af skít. Við skulum ekk­ert gera og sitja á eigna­safni KS. Þeir munu ekki semja við okk­ur“.

Á þessum tíma hafði ég ekki vit­neskju um sam­komu­lag um skulda­upp­gjör frá 3. mars 2009 („CSA“), eða eft­ir­far­andi ágrein­ing milli Kaup­þings og Banque Havil­l­and varð­andi eignir mín­ar.

Eftir að skipta­stjórar Kaup­þings Lúx­em­borg neit­uðu beiðni minni um afrit af sam­komu­lag­inu frá 3. mars 2009 („CSA“), sendi Jon­athan Rowland tölvu­póst til ann­arra hjá Banque Havil­l­and (skjal 22):

„Hann getur í alvöru ekki vitað að það er sam­komu­lag um upp­gjör!“

Ég hef lagt þessi sönn­un­ar­gögn fram fyrir rétti í Lúx­em­borg í tengslum við hinn meinta flutn­ing, og mig grunar að það hafi orðið til þess að Kaup­þing hafi nýlega stefnt mér (nærri tíu árum eftir hinn meinta atburð), þar sem Kaup­þing hf. reynir að hagn­ast á svik­um.

Þú varst innri end­ur­skoð­andi Kaup­þings hf. frá 2006 til 2008; þú lýstir hlut­verki þínu í skýrslu­töku hjá emb­ætti sér­staks sak­sókn­ara (skjal 23):

LS: „Nei sko það verður að athuga hlut­verk og skilja hlut­verk innri end­ur­skoð­un­ar. Innri end­ur­skoðun hefur ekki kemur ekk­ert nálægt rekstr­inum í fyrsta lagi og hefur ekki stöðugt eft­ir­lit með einu eða neinu. Við erum það má líta á okkur sem utan­að­kom­andi aðila sem að koma after the fact sem sagt eftir að hlut­irnir ger­ast og skoða hvort að þeir hafi verið í sam­ræmi við, við ...“

SS: Lög og regl­ur?

LS: .. lög og reglur og innri reglur og allt það .......“.

Með hlið­sjón af hátt­settri stöðu þinni hjá Kaup­þingi hf. er erfitt að skilja hvernig þú gast ekki verið með­vituð um þetta sam­særi og þ.a.l. sam­sek í Ponzi svindli Kaup­þings sem leiddi til fimmta stærsta gjald­þrots í sög­unni.

Hins vegar eftir fall bank­ans, varstu talin hæf þar sem þú varst skipuð innri end­ur­skoð­andi af stjórn Arion banka hf.

Í nýlega útgef­inni bók, „Kaupt­hink­ing – bank­inn sem átti sig sjálf­ur“, sem rituð var af Þórði Snæ Júl­í­us­syni,  er varpað ljósi á þá stað­reynd að svik Kaup­þings voru mun víð­tæk­ari og skipu­lagð­ari en áður hefur verið talið. Sumir æðstu stjórn­enda bank­ans sem tóku þátt í svik­un­um, voru áfram í bank­anum eftir hrunið og aðstoð­uðu við rann­sókn og sak­sókn á yfir­mönnum sín­um. Hins vegar er erfitt að trúa því að verð­launað yrði fyrir þeirra sam­starf með sak­fell­ingu, sem gerði þessum ein­stak­lingum kleift að vera áfram í ábyrgð­ar­stöð­um.

Það er mik­ill munur á þeim þrös­k­uldi sem menn stíga yfir með hátt­semi sem leiðir síðan til sak­fell­ing­ar, og þeim þrös­k­uldi sem leyfir áfram­hald­andi traust til ein­stak­linga til að reka fjár­mála­stofn­un. Það virð­ist vera lítil eða engin skyn­semi í því að senda for­stjóra í fang­elsi ef næsta stjórn­enda­lag fyrir neðan (sem einnig tóku þátt í svik­um) eru eftir til þess að reka fjár­mála­stofn­un­ina. Ef það eru sam­fé­lags­legir hags­munir sem á að vernda, þá verður það að vera hlut­verk þeirra sem setja lög og reglur um fjár­mála­stofn­anir að afleið­ingar verði rétt­mæt­ar.

Ég vil ekki fara fram með rangar ásak­an­ir, þó benda sönn­un­ar­gögn til þess að þú tókst þátt í svikum gegn mér, bæði fyrir og eftir fall Kaup­þings. Þar sem þú vinnur ekki lengur fyrir Arion banka býð ég þér að svara ef þú ert ósam­mála ofan­greindu.

Virð­ing­ar­fyllst,

Kevin Stan­ford

Skiptastjóri segir að forsvarsmenn Primera hafi mögulega valdið félaginu tjóni
Í skýrslu skiptastjóra þrotabúsins kemur fram að forsvarsmenn flugfélagsins Primera air kunni að hafa bakað félaginu tjóni í tveimur tilvika. Skiptastjóri hyggst höfða riftunarmál og reyna að endurheimta um 520 milljónir króna.
Kjarninn 20. febrúar 2019
FEB: Sú óréttláta skerðing sem viðgengst í dag stuðlar að fátækt meðal eldri borgara
Félag eldri borgara fagnar kröfu stéttarfélaga og sambanda innan ASÍ um að stigið verði ákveðið skref til lækkunar á skerðingu almannatrygginga úr 45 prósent í 30 prósent vegna lífeyris frá lífeyrissjóðum.
Kjarninn 20. febrúar 2019
Katrín Jakobsdóttir, forsætisráðherra.
Segir það hafa legið fyrir að ríkisstjórnin myndi ekki setja á hátekjuskatt
Katrín Jakobsdóttir forsætisráðherra segir að skattkerfisbreytingar ríkisstjórnarinnar hafi verið kynntar og að það hafi jafnframt legið fyrir, frá því að núverandi ríkisstjórn var mynduð, að hún væri ekki að „fara í hátekjuskatt“.
Kjarninn 20. febrúar 2019
Stál í stál - Líkur á verkföllum hafa aukist
Útspili stjórnvalda í kjaraviðræðunum var illa tekið hjá verkalýðshreyfingunni. Eru verkföll í kortunum?
Kjarninn 20. febrúar 2019
Bakkavararbræður vilja rannsókn á Klakka
Lýstar kröfur í nauðasamningum Exista námu upphaflega tæplega 300 milljörðum króna og aðeins hluti þeirra hefur fengist greiddur.
Kjarninn 19. febrúar 2019
Hvalveiðar heimilaðar næstu fimm árin
Kristján Þór Júlíusson, sjávarútvegs- og landbúnaðarráðherra, studdist við ráðgjöf Hafró.
Kjarninn 19. febrúar 2019
Forseti ASÍ: Dagur „vonbrigða“ sem liðkar ekki fyrir kjarasamningum
Forseti ASÍ segir útspil stjórnvalda í kjaraviðræðum ekki til þess fallið að liðka fyrir kjarasamningum.
Kjarninn 19. febrúar 2019
Útspil stjórnvalda - Vilja minnka skattbyrði á lágtekjufólk
Verkalýðshreyfingin er ósátt við útspil stjórnvalda í kjaraviðræðum.
Kjarninn 19. febrúar 2019
Meira úr sama flokkiAðsendar greinar