Sameiginleg rokrassgöt

Framkvæmdastjóri Orkuseturs segir það alveg ljóst að enginn ferðamaður hættir við að koma til Íslands vegna vindmylla í Búrfellslundi. Samt hafi hann ekki verið settur í nýtingarflokk Rammaáætlunar.

Auglýsing

Eins og fólk sem er eldra en tvæ­vetur gerir sér grein fyr­ir, þá er heim­ur­inn að skreppa saman með sífellt meiri og öfl­ugri gagna­teng­ing­um. Nán­ast öll sam­skipti utan beinnar lík­am­legrar snert­ingar eru nú mögu­leg á milli­sek­únd­um, óháð stað­setn­ingu eða vega­lengd. Þó ýmsir mis­vitrir þjóð­ar­leið­togar rembist við að berj­ast gegn þessu með gam­al­dags ein­angr­un­ar­stefnu, þá verður þró­unin ekki umflú­in. Heim­ur­inn er ein­fald­lega orðin að einu risa sam­fé­lagi.  Stór hluti sam­skipta og afþrey­ingar hefur nefni­lega færst frá raun­heimum yfir í netheima. Face­book, Spoti­fy, Twitt­er, Instagram, Net­fl­ix, Snapchat, YouTube og fleiri miðlar eru orðnir stór hluti af dag­legu lífi hjá venju­legu fólki og hafa skapað ein­hvers­konar sam­eig­in­legan veru­leika hjá stærstum hluta jarð­ar­búa.

Það átta sig ekki allir á því að það þarf gríð­ar­lega orku til að keyra þennan sam­eig­in­lega gagna- og sam­skipta­heim okk­ar. Það er líka bráð­nauð­syn­legt að þeirri þörf sér mætt með grænni orku til að íþyngja ekki meira loft­hjúpi okk­ar, sem er einmitt líka sam­eig­in­legur okkur jarð­ar­bú­um. Fyr­ir­tæki eru mis­dug­leg að mæta sífellt auk­inni orku­þörf með grænum lausnum en Green­peace heldur úti orku­ein­kunn­ar­gjöf fyrir sam­fé­lags­miðla. Þar kemur m.a. fram að Youtube er með A ein­kunn en Net­flix bara D. Það er því örlítið umhverf­is­vænna að streyma þáttum á YouTube en Net­fl­ix.  Einnig má sjá að Face­book fær A meðan Twitter fær F í ein­kunn. Ef þú vilt sem sagt kvarta yfir Ófærð með nöldri á sam­fé­lags­miðli þá er kolefn­is­spor Twitter inn­leggs­ins ein­fald­lega örlítið stærra en Face­book stöðu­færsla, eins og staðan er í dag. Fjöldi læka vegur svo vissu­lega líka.

Hver er ábyrgð okkar Íslend­inga sem not­endur sam­skipta- og sam­fé­lags­miðla og með okkar hlut í sam­eig­in­legum loft­hjúpi? Þetta gígantíska gagna­magn flæðir um jörð­ina, alger­lega óháð landa­mærum og því er erfitt að benda á ein­hver ein­stök lönd eða svæði sem eiga að tryggja að þessi orku­suga noti bara end­ur­nýj­an­lega orku.

Auglýsing

Flest þess­ara alþjóða­fyr­ir­tækja reyna að svara kalli nútím­ans og mörg  þeirra leita log­andi ljósi að grænni orku­fram­leiðslu. Oftar en ekki verður vind­orka fyrir val­inu. Þó að vindur sé nán­ast ótak­mörkuð auð­lind þá er pláss fyrir vind­orku oft tak­mark­að. Flest ríki eru líka ekki ein­ungis að mæta meiri orku­þörf heldur eru þau einnig að remb­ast við að minnka raf­orku­fram­leiðslu sem unnin er úr jarð­efna­elds­neyti.

Það vill svo til að hér á Íslandi höfum við pláss fyrir vind­orku. Reyndar er það svo að  á sumum stöðum eins og t.d. í svoköll­uðum Búr­fellslundi er ekki bara pláss heldur líka afbragðs vind­að­stæð­ur. Þar er líka frá­bært aðgengi að innviðum eins og raf­línum vegna vatns­afls­virkj­ana allt í kring.

Búr­fellslundur var ekki settur í nýt­ing­ar­flokk Ramma­á­ætl­un­ar. Þegar nið­ur­stöður hennar eru rýndar sést að vind­orku­garð­ur­inn fær mjög góðar umhverf­is­ein­kunnir á öllum svið­um, nema fyrir áhrif á ferða­þjón­ustu.  Áhrif á ferða­þjón­ustu voru talin veru­lega nei­kvæð sem olli því að virkj­un­ar­kost­ur­inn fór ekki í nýt­ing­ar­flokk. Það er alveg ljóst að eng­inn ferða­maður hættir við að koma til Íslands vegna Búr­fellslund­ar. Við erum því ekki að tala um efna­hags­legt tap fyrir ferða­þjón­ust­una heldur mögu­lega eitt­hvert upp­lif­un­ar­tap hjá sum­um.

Það er áhuga­vert að skoða þetta í sam­hengi. Með ferða­þjón­ustu eru við einmitt að við­ur­kenna rétt ann­arra til að nota opin svæði á Íslandi. Alveg eins og við höfum opið aðgengi að erlendri þjón­ustu á net­inu, þá hafa erlendir gestir aðgang að nátt­úru og upp­lifun í gegnum ferða­þjón­ustu á Íslandi. Við við­ur­kennum opið aðgengi á þess­ari nátt­úru­sam­eign í raun­heimum og ætl­umst lík­lega til þess að fá óheft aðgengi að sams­konar sam­eign okkar í sýnd­ar­heim­um.

Vind­orka telst mjög umhverf­is­væn orku­öflun og hægt er að taka niður vind­myllur og skila land­inu nán­ast án nokk­urra ummerkja ef svo ber und­ir. En vind­myllur eru vissu­lega sýni­legar sem hugn­ast ekki öll­um. Ferða­þjón­usta er mjög mik­il­væg atvinnu­grein og skilar miklu í rík­is­kass­ann. En ferða­þjón­usta er mjög kolefn­is­frek og upp­bygg­ing bíla­stæða, stíga, gisti­staða, þjón­ustu­mið­stöðva o.fl. hugn­ast ekki öll­um.

Segjum að upp kæmi sú staða, að stórt sam­fé­lags­miðla­fyr­ir­tæki myndi fal­ast eftir upp­bygg­ingu á vind­orku­garði við Búr­fellslund til að mæta síauk­inni notkun og kröfu alþjóða­sam­fé­lags­ins um umhverf­is­vænni rekst­ur. Hvernig myndum við bregð­ast við? Er ekk­ert umhugs­un­ar­vert að segja bara nei? Ætl­umst við bara til að ein­hverjir aðrir fórni svæði og útsýni fyrir vind­orku­garð svo að engin truflun verði á nið­ur­hali okkar á afþr­ey­ingu úr netheim­um?  Erum við kannski ekk­ert hluti af sam­eig­in­legri ábyrgð í þessum sam­eig­in­lega heimi?

Höf­undur er fram­kvæmda­stjóri Orku­set­urs.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
„Algeggjuð“ hugmynd um sameiningu banka
Í Vísbendingu, sem kom til áskrifenda á föstudaginn, er fjallað um þá hugmynd að sameina tvo af kerfislægt mikilvægu bönkum landsins.
Kjarninn 15. desember 2019
SMS og MMS ganga í endurnýjun lífdaga
Eftir að hafa lotið í lægra haldi fyrir nýjum samskiptaforritum á borð við Messenger og WhatsApp eru gömlu góðu SMS- og MMS-skilaboðin að eiga endurkomu. Þeim fjölgar nú eftir áralangan samdrátt.
Kjarninn 15. desember 2019
Ferðalag á mörkum ljóss og myrkurs, í átt til dögunar
Rökkursöngvar Sverris Guðjónssonar kontratenórs eru að koma út. Safnað er fyrir þeim á Karolina Fund.
Kjarninn 15. desember 2019
Ársreikningaskrá heyrir undir embætti ríkisskattstjóra.
Skil á ársreikningum hafa tekið stakkaskiptum eftir að viðurlög voru hert
Eftir að viðurlög við því að skila ekki ársreikningum á réttum tíma voru hert skila mun fleiri fyrirtæki þeim á réttum tíma. Enn þarf almenningur, fjölmiðlar og aðrir áhugasamir þó að greiða fyrir aðgang að ársreikningum.
Kjarninn 15. desember 2019
Hin harða barátta um sjónvarpið og internetið
Síminn fékk nýverið níu milljóna króna stjórnvaldssekt fyrir að hafa margbrotið ákvæði fjölmiðlalaga, með því að í raun vöndla saman sölu á interneti og sjónvarpi. Brotin voru sögð meðvituð, markviss og ítrekuð.
Kjarninn 15. desember 2019
Réttast að senda pöndubirnina heim
Upplýsingar um fund kínverska sendiherrans í Danmörku með færeyskum ráðamönnum um fjarskiptasamning hafa valdið fjaðrafoki í Færeyjum og meðal danskra þingmanna. Sendiherrann neitar að reyna að beita Færeyinga þrýstingi.
Kjarninn 15. desember 2019
Lilja D. Alfreðsdóttir, mennta- og menningarmálaráðherra.
Drög að nýjum þjónustusamningi við RÚV kynnt
Mennta- og menningarmálaráðherra hefur kynnt nýjan þjónustusamning við Ríkisútvarpið fyrir ríkisstjórn en núgildandi samningur rennur út um áramótin.
Kjarninn 14. desember 2019
Agnar Snædahl
Frá kreppuþakuppbyggingu og myglu
Kjarninn 14. desember 2019
Meira úr sama flokkiAðsendar greinar