Nýtt íslenskt leikrit: Börn á flótta

Anna Dóra Antonsdóttir, rithöfundur, skrifar leikrit sem gerist á Íslandi á fyrri hluta 21. aldar. Efniviður er sóttur til fjölmiðla og í samfélagsumræðu, persónur eru ráðherrar í ríkisstjórn Íslands, aðstoðarmenn og sérlegur gestur.

Auglýsing

1. Þáttur

Leik­ritið ger­ist á Íslandi á fyrri hluta 21. ald­ar. Efni­viður er sóttur til fjöl­miðla og í sam­fé­lags­um­ræðu sem fram fer víða s.s. í dag­blöð­um, ljós­vaka­miðlum og netheim­um.

Per­són­ur: Ráð­herrar í rík­is­stjórn Íslands, aðstoð­ar­menn og sér­legur gestur rík­is­stjórn­ar­fund­ar. 

(Sviðið er Stjórn­ar­ráð Íslands, fund­ar­her­bergi með þrennum hlið­ar­dyrum og einu stóru borði með stól­um, mynd af Jóni Sig­urðs­syni á vegg. Rík­is­stjórn­ar­fundur er að hefj­ast. Ráð­herrar og aðstoð­ar­menn svingla um, beðið er eftir for­sæt­is­ráð­herra og for­manni sam­tak­anna „Björgum börn­um“ sem er sér­legur gestur fund­ar­ins. Barna­mála­ráð­herra stendur yst til vinstri og talar lágt en ákaft í gemsa, erfitt er að greina orða­skil fyrr en hann segir skyndi­lega mjög hátt og í upp­námi) Á að kenna mér um þetta? 

(Við­staddir líta upp en í sama bili ganga for­sæt­is­ráð­herra og gestur fund­ar­ins inn á svið­ið. Hreyf­ing kemst á leik­endur og for­sæt­is­ráð­herra klappar saman hönd­um, ráð­herrar og gest­ur­inn setj­ast við borðið en aðstoð­ar­menn hverfa út um hliðardyr.) 

Auglýsing

For­sæt­is­ráð­h.: Ég býð ykkur vel­komin á fund­inn, aðeins eitt mál er á dag­skrá. Það er gaura­gang­ur­inn vegna hæl­is­leit­enda og Útlend­inga­stofn­un­ar. Við þessu verður að bregð­ast og ég vona að þið komið með góðar til­lögur um hvernig slá má á undir­öld­una sem virð­ist risin í sam­fé­lag­inu. Við verðum að bregð­ast hratt við því ekki kærum við okkur um önnur hrun­mót­mæli, eða hvað? (for­sæt­is­rh. brosir dauft út í annað og lítur til nýsköp­un­ar­ráð­herra og barna­mála­ráð­herra.).

Nýsköp­un­arr­h.: Ég er ekki mót­fallin því að fólk komi hingað til lands í leit að betra lífi þó það komi frá öruggum lönd­um. Það verður þó að aðgreina frá umsóknum þeirra sem eru í neyð.

Auð­lind­ar­h.: (Taut­ar) hvað er neyð og hvað er ekki neyð? (Hærra) Vatna­jök­uls­þjóð­garður er nú kom­inn á heimsminja­skrá.

(leik­endur líta ráð­villtir upp)

For­sæt­is­r­h.: Ég get ekki tjá mig eða stigið inn í mál ein­stak­linga sem eru til umfjöll­unar í fjöl­miðl­um. En það er skýr vilji til að auka fjár­muni til mála­flokks­ins, þannig að Útlend­inga­stofnun og aðrar stofn­anir sem fara með þessi mál geti sinnt því svo sómi sé að.

Nýsköp­un­arr­h.: Ég má heldur ekki tjá mig um ein­stök mál eins og allir vita en ég er búin að breyta reglu­gerð til hags­bóta fyrir þess... sum börn að minnsta kost­i. 

Gestur fund­ar­ins: (Lágt en ákveð­ið) ég vil árétta að reglu­gerð­ar­breyt­ing ein og sér kemur ekki í veg fyrir að börnum verði vísað úr landi, ef þau hafa fengið vernd ein­hvers­stað­ar. 

Nýsköp­un­arr­h.: (Út í sal­inn) eng­inn getur ímyndað sér ringul­reið­ina í reglu­gerð­unum hennar Siggu. (Yfir borð­ið) það er búið að ákveða að fresta brott­vísun ann­arrar fjöl­skyld­unn­ar.  

Heil­brigð­is­r­h.: Já, geð­læknir á bráða­mót­töku barna sagði að ekki væri mögu­legt að vísa ell­efu ára dreng í fjöl­skyld­unni úr landi þar sem hann væri svo alvar­lega þjak­aður af kvíða. Við verðum að hlusta á heil­brigð­is­stétt­irnar (lítur sigri hrós­andi í kringum sig).

Sveit­ar­stjórn­arr­h.: Maður veit ekki hvað getur orðið til hjálp­ar, hvað með Sunda­braut, hjálpar það ef hún kemst á kopp­inn?

(Efna­hags- og barna­mála­ráð­herrar flissa og bera sam­stundis hendur fyrir munn).

Gestur fund­ar­ins: Erum við að ræða þetta almennt, eða erum við að tala um þessi fjögur börn sem verið hafa í umræð­unni? Það eru ekki bara fjögur börn á flótta í Evr­ópu, þau skipta þús­und­um, við berum ábyrgð sem rík þjóð, ábyrgð á að gera eitt­hvað.

Menn­ing­ar­málar­h.: (Þekktur fyrir stálminni) eru allir búnir að gleyma gyð­ing­unum sem Íslend­ingar ráku úr landi og beint í gasklef­ana? Um miðja síð­ustu öld?          

Utan­rík­is­r­h.: Nei, nei, en þetta er þreyt­andi, það eru allir að væla um þetta, umboðs­maður barna, Rauði krossinn, Alls­herj­ar­nefnd, UNICEF, No Borders, Kven­fé­laga­sam­band­ið, Sjó­manna­sam­band­ið, bara nefnið það.

Nýsköp­un­arr­h.: Ísland verður að horfa til ann­arra landa í málum flótta­manna og hæl­is­leit­enda. Reglu­gerð­ar­breyt­ingin um út­lend­inga­mál var ekki unnin á sól­ar­hring, þetta var afrakstur vinnu síð­ustu mán­aða. (And­varpar) það er mjög erfitt að hætta að senda börn til Grikk­lands.

Efna­hags­r­h.: Ég minni við­stadda á þá stað­reynd að flótta­menn kosta, end­ur­skoðuð fjár­mála­á­ætlun leit ekki vel út ef menn muna svo langt aft­ur. 

Land­bún­að­ar­r­h.: (Hefur setið þög­ull en ræskir sig nú hraust­lega, allir líta í átt til hans) hvað með mjólk­ina? Er ekki hægt að senda mjólk til Grikk­lands, já til allrar Evópu. Mjólkin flæðir á Íslandi, stór­fjósin rísa hér um allt land. Við getum sent mjólk, jafn­vel kýr, eða mann­skap til að reisa stór­fjós, við kunnum þetta.

For­sæt­is­r­h.: (Er orðin ókyrr, rís á fæt­ur, lítur yfir svið og sal, létt­ari í bragði) ég heyri að allir eru sam­mála um að bjarga börn­um, til­lögur ykkar eru frá­bær­ar, Sunda­braut og mjólk til Grikk­lands, frá­bært. Vatna­jök­ull gerir kannski síður beint gang, maður veit þó aldrei. (Lítur á arm­bandsúr sitt).

Barna­málar­h.: Algjör­lega sam­mála for­sæt­is­ráð­herra.

For­sæt­is­r­h.: Ég verð því miður að slíta fundi, er að fara til Sómalíu á fund Mann­rétt­inda­sam­taka Aust­ur-Afr­íku. (Feimn­is­lega) ég á að halda ræðu þar. Ég fresta fundi um einn mán­uð, veit að þá verið þið komin með lausn­ina, kannski margar lausn­ir. (Brosir út í hitt og lyftir auga­brún­um).

Auð­lind­ar­h.: (Fram í sal­inn) hver borgar kolefn­is­sporið?

TJALDIÐ

2.  Þáttur ger­ist mán­uði síð­ar.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Framhaldsskólinn var styttur úr fjórum árum í þrjú.
Vísbendingar um lægri meðaleinkunn í HÍ eftir styttingu framhaldsskólanáms
Andlegri heilsu nemenda, aðallega stúlkna, hefur hrakað frá því að framhaldsskólanámið var stytt um eitt ár. Sú þróun hófst þó talsvert fyrr en námstímanum var breytt, segir í skýrslu menntamálaráðherra um áhrif styttingarinnar á ýmsa þætti.
Kjarninn 28. maí 2020
Tæknivarpið
Tæknivarpið
Tæknivarpið – Apple gleraugu á leiðinni
Kjarninn 28. maí 2020
Meira úr sama flokkiAðsendar greinar