Í grein­inni Enn eykst kynja­bilið í starfs­námi á fram­halds­skóla­stigi í Kjarn­anum þann 20. sept­em­ber síð­ast­lið­inn var m.a. fjallað um nauð­syn þess að fjölga starfs­námsnem­end­um. Þar var vitnað í Guð­rúnu Haf­steins­dótt­ur, stjórn­ar­for­mann Sam­taka iðn­að­ar­ins, en hún segir að ráð­ast þurfi í átak við fjölgun þeirra. „Slíkt átak þarf að eiga sér stað í sam­vinnu skóla­stofn­ana, for­svars­manna atvinnu­lífs og stjórn­valda. Sam­tök iðn­að­ar­ins eru til­búin til verks­ins,“ er haft eftir Guð­rúnu í grein­inni.

Hér í Verk­mennta­skóla Aust­ur­lands er okkur mjög umhugað um að fjölga starfs­námsnem­end­um. Meg­in­þorri okkar kynn­ing­ar­starfs grund­vall­ast á því að kynna slíkt nám fyrir verð­andi fram­halds­skóla­nem­end­um.

Við erum t.a.m. með verk­náms­viku á vorin þar sem nem­endur í 9. bekk í sveit­ar­fé­lag­inu (Fjarða­byggð) koma inn í skól­ann í viku­tíma og kynn­ast þar þeim greinum sem við kenn­um. Á haustin erum við með Tækni­dag fjöl­skyld­unnar þar sem lögð er áhersla á að kynna tækni, frum­kvöðla­hátt og ekki síst nám og tæki­færi í starfs­námi. Dag­skráin er fjöl­breytt og öllum opin. Dag­ur­inn er einmitt þann 5. októ­ber næst­kom­andi. Þennan dag sækir um fimmt­ungur íbúa Aust­ur­lands og er hann því ómet­an­legur í því að kynna starfs­nám fyrir sam­fé­lag­inu.

Við höfum leitað eftir því að Sam­tök iðn­að­ar­ins komi að stuðn­ingi við þennan dag. Í sum­ar­byrjun var leitað eftir stuðn­ingi Sam­tak­anna við dag­inn og var svarið svohljóð­andi: „Þetta árið höfum við aðal­lega ein­beitt okkur að kynn­ingum á iðn-, tækni- og verk­greinum fyrir grunn­skól­ana.“

Mark­hópur okkar á Tæknideg­inum eru grunn­skóla­nemar og snýst dag­ur­inn um hvernig við getum kynnt mögu­leika í starfs­námi sem best fyrir þeim. Þrátt fyrir að við hefðum komið þeim skýr­ingum til skila varð árang­ur­inn eng­inn. Þrátt fyrir fögur orð í blaða­við­tölum virð­ist raunin sú að litla inni­stæðu sé að finna í þeim og Sam­tökin hafi ekki áhuga á því að koma að verk­efni eins og þessu. Við eigum í góðu sam­bandi við atvinnu­lífið og nú er komið að Sam­tök­unum að sýna að þau séu til­búin til verks­ins. Tækni­dag­ur­inn er árlega og því er nægur tími fyrir Sam­tökin að sýna að orðum fylgi efnd­ir.

Höf­undur er verk­efn­is­stjóri Tækni­dags fjöl­skyld­unn­ar.