Nýtt deiliskipu­lag á Hlíð­ar­enda­svæð­inu hefur valdið miklum deilum vegna þess að æstir aðdáa­endur Reykja­vík­ur­flug­vallar hafa lýst yfir and­stöðu við það. Þeir telja að skipu­lagið ógni fram­tíð­ar­til­veru flug­vall­ar­ins. Málið er raunar komið svo langt að 15 þing­menn Fram­sókn­ar­flokks­ins hafa lagt fram laga­frum­varp um að ríkið taki skipu­lags­vald á svæð­inu af Reykja­vík­ur­borg til að tryggja flug­völl­inn.

En Hlíð­ar­enda­svæðið hefur ekki bara verið umdeilt vegna nálægðar við flug­völl­inn. Árið 2005 var gert ansi nýstár­legt sam­komu­lag milli Reykja­vík­ur­borgar og eign­ar­halds­fé­lags­ins Vals­manna, sem var í eigu knatt­spyrnu­fé­lags­ins Vals og nokkur hund­ruð stuðn­ings­manna þess. Í sam­komu­lag­inu fólst að Vals­menn keyptu bygg­ing­ar­land á Hlíð­ar­enda á 872 millj­ónir króna, veð­setti það land til að fá lán hjá Frjálsa fjár­fest­inga­bank­anum og byggði sér glæsi­legt íþrótta­hús, knatt­spyrnu­völl og æfing­ar­svæði. Af verð­inu voru 500 millj­ónir króna stað­greidd­ir.

Hug­myndin var upp­haf­lega að byggja á bygg­ing­ar­land­inu, selja þær fast­eignir og fjár­magna upp­bygg­ing­una sem ráð­ist var í á aðstöðu Vals. Nýr knatt­spyrnu­völl­ur, íþrótta­hús og grasæf­ing­ar­svæði varð allt saman að veru­leika, en ekk­ert bólaði á fram­kvæmdum á bygg­ing­ar­land­inu.

Ástæðan var enda­lausar tafir á útgáfu lóða­leigu­samn­inga. Vegna þeirra tafa sam­þykkt Reykja­vík­ur­borg að greiða Vals­mönnum ehf. taf­ar­bæt­ur. Árið 2010 var umfang taf­ar­bóta orðið sam­tals 470 millj­ónir króna, eða nán­ast sama upp­hæð og borgin hafði þá fengið í greiðslu fyrir HLíð­ar­enda­land­ið. Þá sagði borgin hingað og ekki lengra og tók ein­hliða ákvörðun um að borga ekki frek­ari bætur til Vals­manna.

Síðan heyrð­ist lítið af þessu öllu sam­an. Vorið 2013 var þrýst­ingur á frek­ari upp­bygg­ingu mið­svæðis í Reykja­vík nán­ast orð­inn óbæri­legur í ljósi þess að lang flestir íbúar höf­uð­borg­ar­innar vilja búa þar en fram­boðið var lítið sem ekk­ert. Á sama tíma náðu Vals­menn að end­ur­fjár­magna félagið og gátu byrjað að skipu­leggja upp­bygg­ingu Hlíð­ar­enda­svæð­is­ins.Í lið­inni viku var loks sam­þykkt nýtt deiliskipu­lag á Hlíð­ar­enda sem felur í sér upp­bygg­ingu 600 íbúða á svæð­inu. Enn mun bæt­ast við þegar glæsi­lega aðstöðu Vals­manna á svæð­inu því þeir byggja sér knatt­hús.

Allt virð­ist því ætla að enda vel. Vals­menn munu eign­ast aðstöðu til íþrótta­iðkunnar sem jafn­ast á við það besta í Evr­ópu og Reykja­vík­ur­borg mun eign­ast nýtt stórt íbúða­hverfi mið­svæðis í borg­inni. Það er ef skipu­lags­valdið verður ekki tekið af höf­uð­borg­inni.