Fjórða þorskastríðið

Örn Bárður Jónsson segir að málflutningur stjórnmálaflokka og fyrirtækja sem háð hafa stríð á hendur eigin þjóð eigi ekki framtíð fyrir sér.

Auglýsing

Að herja merkir að fara með her gegn ein­hverj­um. Skylt sögn­inni er nafn­orðið sam­herji sem hefur reyndar yfir sér jákvæðan blæ í her­lausu landi. Í ljóði Huldu um land og þjóð segir m.a.:

Með frið­sæl býli, ljós og ljóð,

svo langt frá heims­ins víga­slóð.

Nýlega skrif­aði ég vini mínum afmælis­kveðju á Face­book og byrj­aði svohljóð­andi: „Til ham­ingju með dag­inn, kæri vin­ur, sveit­ungi og sam­herj­i.“ Ég hik­aði við og strik­aði út orðið sam­herji. Hvers vegna? Ástæðan er sú að búið er að að tjarga og fiðra þetta ann­ars fal­lega orð, geng­is­fella það og eyði­leggja. Það hafa stjórn­endur fyr­ir­tækis nokk­urs með sama heiti gert, útgerðar sem hagn­ast hefur á gjafa­kvóta, sem fært hefur þeim afl og tæki­færi til að fara um víðan völl með vafasömum hætti, út fyrir öll sið­mörk. Þeir eru þess nú megn­ugir í krafti auðs að reka sína eigin leyni­þjón­ustu með mönnum sem svífast einkis og leggja fólk í ein­elti sem gagn­rýnir fram­göngu þeirra hér á landi, í Fær­eyj­um, Namibíu og vítt og breitt um heim­inn. Helztu for­kólfar fyr­ir­tæk­is­ins hafa nú rétt­ar­stöðu sak­born­inga á Íslandi og eru sumir eft­ir­lýstir erlend­is. Hátt­semi þeirra skaðar ekki aðeins fjár­hag þessa lands og ímynd heldur skaðar það um leið sjálft tungu­mál­ið!

Auglýsing

Sam­þjöppun auðs í höndum manna með skert sið­vit er lýð­ræð­inu hættu­legt. Hættan er fólgin í því að menn geti haft óeðli­leg áhrif á skoð­anir fólks með því m.a. að kaupa upp fjöl­miðla og stjórna þannig umræð­unni í land­inu eins og dæmin sanna.

Hollt er að þekkja sið­vit og speki Háva­mála:

Svo er auður

sem auga­bragð

hann er valt­astur vina.

Til er annað orð sem mér er hug­leikið þessa dag­ana og það er orðið mótherji sem merkir and­stæð­ing­ur, leik­maður í and­stæðu liði. Nú hafa stjór­mála­flokkar þeir sem eru sann­kall­aðir sam­herjar Sam­herja náð völdum á Íslandi og ætla engu að breyta sé horft til rétt­lætis handa lands­ins börn­um. Þessir sam­herjar Sam­herja hafa þar með gerst mótherjar eigin þjóðar og lýst yfir stríði á hendur henni sem er svo skyni skroppin að hafa kosið and­stæð­inga rétt­læt­is­ins yfir sig.

Árgalli

Nýliðnar kosn­ingar voru okkur sem þjóð eins­konar próf í sið­viti. Árið 2009 rit­aði Njörður P. Njarð­vík grein í DV er bar heit­ið: „Ef árgalli kemur í sið­u.“ Hann vitnar í Kon­ungs skugg­sjá þar sem rætt er um erfitt árferði en svo er farið skrefi lengra og dýpra með þank­ann eins og fram kemur í þess­ari til­vitn­un:

Nú er sá einn ótaldur árgalli er miklu er þyngri einn en allir þessir er nú höfum vér talda, ef óáran kann að koma í fólkið sjálft er byggir landið eða enn heldur ef árgalli kemur í siðu þeirra og man­vit og með­ferðir er gæta skulu stjórnar lands­ins. ... En ef óáran verður á fólk­inu eða á siðum lands­ins þá standa þar miklu stærstir skaðar af, því að þá má ei kaupa af öðrum löndum með fé, hvorki siðu né man­vit ef það týn­ist eða spillist er áður var í land­inu (Kgs45, 51).

Margar eru raunir manna. Sið­vit telst til auðs, til verð­mæta hjá hverri þjóð. Sið­vit er ákveð­inn höf­uð­stóll, eins­konar gjald­eyr­is­forði, sem nú virð­ist hafa rýrnað hræði­lega.

Hinir nýju „sig­ur­veg­ar­ar“ kosn­ing­anna, eru sann­kall­aðir sam­herjar Sam­herja og mótherjar fólks­ins í land­inu. Allt of margir kjós­endur hafa illu heilli orðið fyrir árgalla á siðu. Þjóðin veit ekki lengur sitt rjúk­andi ráð.

Þorska­stríðin

For­seti vor, Guðni Th. Jóhann­es­son, rit­aði bók­ina Þorska­stríðin þrjú. Þau kost­uðu miklar fórnir en ávinn­ing­ur­inn varð mik­ill. Þessi ávinn­ingur hefur nú verið afhentur nokkrum fjöl­skyldum á silf­ur­fati og þær ásamt mótherjum þjóðar sinnar vilja nú sem fyrr engu breyta í „landi tæki­færanna“ þegar kemur að rétt­látri skipt­ingu auð­æfa þjóð­ar­inn­ar. Land tæki­fær­anna er auð­vitað um leið land tæki­fær­is­sinna. Mótherjar þjóð­ar­innar hafa ögrað henni með alvar­legum hætti, svikið hana og beitt órétti, háð stríð gegn henni.

Hvað er þá til ráða? Þjóðin þarf að taka til varna í þessu Fjórða þorska­stríði. Varnir þær eru ekki mót erlendri þjóð heldur inn­lendum árás­ar­her. Þetta er inn­an­lands­stríð, borg­ara­styrj­öld um grund­vall­ar­mann­rétt­indi. For­rétt­inda­stéttin í land­inu hefur kostað öllu til að halda bæði völdum og ver­ald­ar­gæðum sem til­heyra þjóð­inni, þér og mér, okkur öll­um.

Þyngra er það en tárum taki að þurfa að grípa til vopna í eigin landi. Við verðum að berj­ast sem þjóð gegn svik­unum því þau er svo him­in­hróp­andi órétt­lát. En vopn okkar eru ekki úr málmum eða byssupúðri, heldur vopn raka og orð­ræðu, rétt­lætis og sann­leika.

Rétt­lætið mun sigra

Við, sem eigi unum órétti, munum vinna þetta stríð með sið­vitið að vopni, en um leið þarf að byggja það upp aftur hjá þeim sem hafa glutrað því niður í holta­þokum flokk­anna, sem hrann­ast hafa upp að und­ir­lagi sam­herja Sam­herja og mótherja þjóð­ar­inn­ar. Þeir hafa nú enn á ný dregið þjóð­ina á asna­eyrum hennar sjálfrar og það tókst því sið­vit­inu var kastað á glæ í kjör­klefum lands­ins.

Við sem þráum rétt­lætið ætlum að vinna þetta stríð með snörpum rökum og sið­vit að vopn­um.

Mál­flutn­ingur flokk­anna og fyr­ir­tækj­anna sem háð hafa stríð á hendur eigin þjóð á ekki fram­tíð fyrir sér.

Höf­undur er fyrr­ver­andi sókn­­ar­­prest­ur.

- - -

*Sam­herji í þess­ari grein er pars pro toto/hluti fyrir heild, sam­heiti notað um útgerðar­að­al­inn í land­inu.

**For­maður Sós­í­alista­flokks­ins, Gunnar Smári Egils­son, not­aði heitið Fjórða þorska­stríðið í mál­flutn­ingi sínum fyrir kosn­ing­arnar 2021. Þetta sama heiti hefur mallað innra með mér um langt skeið en ég hef ekki notað það í grein fyrr en nú. En þökk sé Gunn­ari Smára fyrir að hafa sett það á flot í umræð­unni. Kannski gerðu fleiri einmitt það sama? Ég veit það ekki.

Í spil­ar­anum hér fyrir neðan má hlusta á höf­und lesa grein­ina:

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Milljónir barna búa við hrikalegar aðstæður á átakasvæðum.
Pyntuð. Nauðgað. Drepin.
Börn á átakasvæðum eru ekki óhult á leiðinni í skólann. Ekki heldur á leiðinni á heilsugæslustöðina. Eða inni á heimilum sínum. Ofbeldi er kerfisbundið beitt gegn þeim. Þau eru látin bera sprengjur, þvinguð í hjónabönd. Svipt öryggi og vernd.
Kjarninn 28. júní 2022
Sigrún Huld Þorgrímsdóttir
Það er líf eftir greiningu
Kjarninn 28. júní 2022
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Meira úr sama flokkiAðsendar greinar