Það var ánægju­legt að sjá fréttir af því á dög­unum að útgáfu skatt­korta verði hætt um næstu ára­mót og að starfs­hópur vinni að því að setja per­sónu­af­slátt­inn á raf­rænt form.

„Að sumu leyti er þetta barn síns tíma. Við erum að hverfa út úr þessu papp­írs­þjóð­fé­lagi sem við vorum í fyrir þrjá­tíu árum og inn í nýja tíma,“ sagði Stein­þór Har­alds­son, starf­andi rík­is­skatt­stjóri, í við­tali við Vísi.

Þetta er hár­rétt hjá Stein­þóri, og þó fyrr hefði ver­ið. En góðir hlutir ger­ast stundum hægt og örugg­lega. Það er full ástæða til þess að hrósa skatta­yf­ir­völdum fyrir að inn­leiða raf­ræna og skil­virka stjórn­sýslu í kringum oft flókna inn­viði skatt­kerf­is­ins. Þetta sýnir líka að það má ganga mun lengra en nú þegar hefur verið gert, í stjórn­sýsl­unni, þegar kemur að því að yfir­gefa löngu úrelt papp­írs­þjóð­fé­lag.

Ísland er með sterk­ari stöðu en margar aðra þjóðir þegar að þessu kem­ur, meðal ann­ars vegna góðrar almennrar þekk­ingar hjá almenn­ingi þegar kemur að net­inu og útbreidda góða inn­viði þegar kemur að netteng­ing­um. Reynslan frá góði verki skatta­yf­ir­valda sýnir að gríð­ar­lega mikil tæki­færi til hag­ræð­ingar og meiri skil­virkni liggja í því að færa stjórn­sýsl­una meira yfir á net­ið. Von­andi munu aðrar stofn­an­ir, sveit­ar­fé­lög og stjórn­völd horfa til þess­arar góðu reynslu með breyt­ingar til góðs í hugsa.