Bryn­hildur Pét­urs­dótt­ir, þing­maður Bjartrar fram­tíð­ar, sagði á þingi á mánu­dag að henni þætti árangur rík­is­stjórn­ar­innar mjög lélegur þegar kæmi að fram­lagn­ingu þing­mála. Aðeins hefðu verið lögð fram 45 frum­vörp og 11 þings­á­lykt­un­ar­til­lög­ur, sem væru slá­andi töl­ur. „Ég hlýt að spyrja hvort ráð­herrar í þess­ari rík­is­stjórn séu starfi sínu vaxnir og hvort hæst­virtur for­sæt­is­ráð­herra sem á að stýra rík­is­stjórn­inni sé nógu góður verk­stjóri.“ 

Sig­mundur Davíð Gunn­laugs­son for­sæt­is­ráð­herra svar­aði því til að töl­urnar ættu nú ekki að vera slá­andi „ef hátt­virtur þing­maður hefur fylgst með sam­bæri­legum tölum und­an­farin ár, ef ekki ára­tug­i.“ Hann sagði jafn­framt að rík­is­stjórnin ein­setti sér að vinna hlut­ina vel og gera færri en betri breyt­ing­ar. Hann sagði rík­is­stjórn­ina kynna „lista yfir öll þau mál sem við sjáum fyrir okkur að gætu komið fram“ og átti þar við þing­mála­skrá rík­is­stjórn­ar­inn­ar. Slík skrá er alltaf lögð fram yfir mál sem rík­is­stjórn hyggst leggja fram á hverju þingi. Á þing­mála­skránni fyrir þetta þing eru 184 mál. 

Bryn­hildur spurði þá til hvers þing­mála­skráin væri og hvort hún væri óska­listi yfir mál sem gaman væri að leggja fram ef hugs­an­lega væri tími til þess. Hún sagði árang­ur­inn mjög léleg­an. „Ég held að ég fari rétt með að þetta er sögu­lega léleg­t,“ sagði Bryn­hildur í óund­ir­búnum fyr­ir­spurna­tíma í þing­in­u. 

Hvernig er sam­an­burð­ur­inn? 

Bryn­hildur er ekki sú fyrsta til þess að vekja athygli á því að fá mál hafi komið inn til Alþing­is. Eins og Kjarn­inn greindi frá í síð­asta mán­uði höfðu bæði stjórn­ar­and­stæð­ingar og stjórn­ar­liðar vakið máls á því að málin væru fá. Þetta var í lok nóv­em­ber og þá hafði stjórnin aðeins lagt fram 25 frum­vörp. Þar af voru 15 end­ur­flutt, þrjú voru EES frum­vörp og 2 voru vegna alþjóð­legra sátt­mála. 

En í til­efni þess­ara orða­skipta Bryn­hildar og Sig­mundar ákvað Kjarn­inn að kanna málið á ný. Er árangur rík­is­stjórn­ar­innar sögu­lega lélegur eða eru töl­urnar ekk­ert slá­andi ef litið er til und­an­far­inna ára eða ára­tuga? 

Þegar litið er til síð­ustu 20 ára sést að aðeins tvisvar hefur rík­is­stjórn lagt fram jafnfá eða færri frum­vörp á þessum tíma árs, það er 9. des­em­ber. Rík­is­stjórnin hafði lagt fram 45 mál þann 9. des­em­ber árið 2003, jafn­mörg og hafa verið lögð fram í ár, og hru­nárið 2008 voru frum­vörpin á þessum tíma 44 tals­ins. Þegar þessi sam­an­burður er gerður verður þó að hafa í huga að allt fram til haustins 2012 var Alþingi ekki sett fyrr en í byrjun októ­ber, en frá 2012 hefur það verið sett snemma í sept­em­ber. 

Með­al­tal stjórn­ar­frum­varpa frá upp­hafi þings og til 9. des­em­ber hvert ár er 58,85 frum­vörp. Rík­is­stjórnin er því vel undir með­al­tali síð­ustu 20 ára. 

Þegar fjöldi þings­á­lykt­ana­til­lagna frá rík­is­stjórnum til og með 9. des­em­ber hvert ár und­an­farin 20 ár er skoð­aður kemur aftur á móti í ljós að þings­á­lykt­anir frá rík­is­stjórnum hafa oft­ast verið færri á þessum tíma árs. Með­al­talið fyrir fjölda þings­á­lykt­ana frá rík­is­stjórn síð­ustu 20 þing er 6,25 til­lög­ur, en í ár hefur rík­is­stjórnin lagt fram 11. 

Þegar frum­vörp og þings­á­lykt­un­ar­til­lögur rík­is­stjórna eru tekin saman kemur í ljós að fjórum sinnum á síð­ustu 20 árum hefur rík­is­stjórn lagt fram færri mál til og með 9. des­em­ber. Árið 2008 voru 49 mál lögð fram á þessum tíma, 50 árið 2004 og 51 árið 2003. 53 mál höfðu verið lögð fram af rík­is­stjórn árið 2001. Í ár hafa verið lögð fram 56 mál.