Sveit
Auglýsing

1 - Búvöru­samn­ing­arnir eru samn­ingar rík­is­ins við bændur. Þeir snúa bæði að land­bún­að­ar­lögum og starfs­skil­yrðum við fram­leiðslu græn­met­is, kinda­kjöts og naut­gripa­af­urða. Nýj­ustu samn­ing­arnir eiga að gilda í tíu ár, til 2026, en mögu­leiki er gef­inn fyrir end­ur­skoðun á samn­ings­tím­an­um, árin 2019 og 2023. Full­trúar ríkis og bænda und­ir­rit­uðu samn­ing­ana í síð­ustu viku, 19. febr­ú­ar. 

2 - Um er að ræða fjóra samn­inga: Ramma­samn­ing um almenn starfs­skil­yrði land­bún­að­ar­ins og samn­inga um starfs­skil­yrði naut­gripa­rækt­ar, sauð­fjár­ræktar og garð­yrkju. 

3 - Samn­ing­arnir eiga eftir að fara fyrir Alþingi til sam­þykkt­ar, þó að gert sé ráð fyrir fyrstu fjár­hæð­inni í fjár­lögum þessa árs, um 900 millj­óna króna útgjalda­aukn­ingu til grein­ar­inn­ar. Sam­kvæmt atvinnu­vega­ráðu­neyt­inu er helsta ástæða aukn­ing­ar­innar fram­lag vegna inn­leið­ingar á reglu­gerðum um vel­ferð dýra, inn­flutn­ingur á nýju erfða­efni af hold­nauta­stofni, auk­inn stuðn­ingur við líf­ræna ræktun og aukin fjöl­breytni í land­bún­aði. Í samn­ing­unum er ákvæði sem segir að þeir séu gerðir með fyr­ir­vara um hugs­an­legar breyt­ingar á þjóð­rétt­ar­legum skuld­bind­ingum Íslands sem leiða af ákvörðun Alþing­is. 

Auglýsing

4 - Með samn­ing­unum er stefnt að því að kvóta­kerfi í mjólk­ur­fram­leiðslu og sauð­fjár­rækt verði lagt nið­ur. Hins vegar hefur verið ákveðið að halda núver­andi stöðu óbreyttri um ein­hvern tíma og setja ákvörðun um afnám kvóta­kerf­is­ins í atkvæða­greiðslu meðal bænda árið 2019. 

5 - Greiðslur sam­kvæmt samn­ing­unum nema um 13,8 millj­arða króna árið 2017 en enda í 12,7 millj­örðum króna árið 2026 við lok samn­ings. Þetta gera um 132 millj­arða alls á samn­ings­tím­an­um.

6 - Búvöru­samn­ing­arnir eru verð­tryggð­ir. Árleg fram­lög mið­ast við for­sendur fjár­laga fyrir árið 2016, en taka árlegum breyt­ingum í sam­ræmi við verð­lags­upp­færslu fjár­laga. Ef þróun með­al­tals­vísi­tölu neyslu­verðs verður hins vegar önnur en verð­lags­for­sendur fjár­laga á árinu skal leið­rétta mis­mun­inn í fjár­lögum næsta árs. Hér er því um eins konar tvö­falda verð­trygg­ingu að ræða, sam­kvæmt Hag­sjá Lands­bank­ans

7 - Gagn­rýni hefur komið fram varð­andi samn­ing­ana að hags­munir neyt­enda séu hunds­að­ir. Íslenskir neyt­endur borg­uðu átta millj­örðum krónum meira fyrir mjólk­ina sem þeir neyttu árin 2011 til 2013, ef mjólkin hefði verið flutt inn. Fram­leiðslu­kostn­aður mjólkur á þessum árum var met­inn 15,5 millj­arða, en inn­flutn­ingur á sams­konar mjólk hefði kostað 7,5 millj­arða. 

8 - Ragn­heiður Rík­harðs­dótt­ir, þing­flokks­for­maður Sjálf­stæð­is­flokks, Vil­hjálmur Bjarna­son þing­maður og Áslaug Arna Sig­ur­björns­dótt­ir, rit­ari flokks­ins, hafa gagn­rýnt samn­ing­ana harð­lega. Sig­mundur Davíð Gunn­laugs­son for­sæt­is­ráð­herra hefur svarað fyrir gagn­rýn­ina og segir „málið frá”.  

9 - Félag atvinnu­rek­enda og Sam­tök versl­unar og þjón­ustu gagn­rýna samn­ing­ana harð­lega. Óljóst sé hvernig almenn­ingur muni njóta góðs af þeim og með þeim sé verið að við­halda ein­okun á mjólk­ur­mark­aði. Félag kúa­bænda fagnar þeim og segir þá styrkja stöðu bænda. 

10 - Bein­greiðslur til garð­yrkju­bænda skipt­ast á milli þriggja fram­leiðslu­teg­unda; tómata (49%), gúrkna (37%) og paprika (14%). Bein­greiðslur verða greiddar til fram­leið­enda á eigin fram­leiðslu á afurð­unum til að jafna sam­keppn­is­skil­yrði  gagn­vart inn­flutn­ingi. Upp­hæðin mið­ast við selt magn afurða af fyrsta gæða­flokki innan árs­ins.

Segir rannsókn á afskiptum Rússa á kosningunum mistök
Donald Trump Bandaríkjaforseti og Vladimír Pútín Rússlandsforseti ræddu erfið samskipti ríkjanna á einkafundi í Helsinki í dag. Trump segir að rannsókn Bandaríkjamanna á meintum afskiptum Rússa af forsetakosningunum vera mistök.
Kjarninn 16. júlí 2018
Kolbrún Baldursdóttir
Kominn tími til að hugsa út fyrir boxið og byrja að framkvæma
Kjarninn 16. júlí 2018
Deila um uppbyggingu við Elliðaárdal - Er dalurinn friðaður eða ekki?
Minnihluti borgarstjórnar leggst gegn breytingu á deiliskipulagi við Elliðaárdal vegna uppbyggingar í Vogabyggð og Stekkjarbakka. Borgarfulltrúi Sjálfstæðisflokksins segir um freistnivanda að ræða vegna húsnæðisskorts. Vernda þurfi græn svæði í borginni.
Kjarninn 16. júlí 2018
Skúli Mogensen, forstjóri og eigandi WOW air
Segja spurningum enn ósvarað um WOW og Icelandair
Afkomutilkynningar Icelandair og WOW air vekja upp fjölmargar spurningar, samkvæmt nýrri frétt á vef Túrista.
Kjarninn 16. júlí 2018
Donald Trump Bandaríkjaforseti og Vladimir Pútín Rússlandsforseti
Trump og Pútín hittast loksins í Helsinki
Yfir stendur fyrsti leiðtogafundur Donalds Trump og Vladimir Pútín í Helsinki. Þrátt fyrir vilja beggja leiðtoga um að vilja bæta samskipti sín á milli er búist við erfiðum fundi þar sem mikið hefur gengið á í samskiptum ríkjanna á undanförnum misserum.
Kjarninn 16. júlí 2018
Gunnar Hólmsteinn Ársælsson
Glansfundur í Helsinki?
Kjarninn 16. júlí 2018
Ríkisstjórnin fundar á Snæfellsnesi vegna byggðarmála
Ríkisstjórnarfundur verður haldinn að Langaholti í Snæfellsbæ í dag. Þingfundir verða haldnir á morgun og hinn vegna fullveldisafmælisins.
Kjarninn 16. júlí 2018
Hermundur Sigmundsson
Eldri borgarar - höldum okkur virkum
Kjarninn 15. júlí 2018
Meira eftir höfundinnSunna Valgerðardóttir
Meira úr sama flokkiFréttaskýringar
None