Topp 5 - Mennirnir sem spiluðu með Barcelona og Real Madrid

Það er ekki stór hópur leikmanna sem hefur spilað bæði með Barcelona og Real Madrid. En hverjir eru þeir bestu úr þeim fámenna hópi?

Michael Laudrup
Auglýsing

Nú er nýtt keppn­is­tíma­bil í stærstu deildum heims­ins í fót­bolt­anum farið af stað, og kast­ljósið bein­ist nú sem fyrr að stærstu knatt­spyrnu­fé­lögum heims­ins. Þar eru spænsku stór­veld­in Barcelona og Real Madrid fremst meðal jafn­ingja þegar kemur að stjörnum prýddum leik­manna­hóp­um.

Í gegnum tíð­ina hefur það oft verið leik­mönnum erfitt að færa sig á milli þess­ara rót­grón­u erki­fj­enda í heims­fót­bolt­an­um. En það eru und­an­tekn­ing­ar. Fyrir sumum leik­mönnum er enn þá ­borin mikil virð­ing hjá báðum félög­um.

Barcelona var stofnað 26. nóv­em­ber 1899 og er því tæp­lega 117 ára gam­alt, á með­an Real Madrid var stofnað 6. mars 1902. Allt frá þessum tíma, í meira en heila öld, hafa þessi stór­veldi dregið til sín marga af bestu fót­bolta­mönnum heims­ins á hverjum tíma og barist um öll þau verð­laun sem í boði eru bæði á Spáni og í Evr­ópu.

Auglýsing

Á síð­ustu árum hafa fimm leik­menn alveg sér­stak­lega slegið í gegnum hjá báðum lið­um, og jafn­framt tek­ist að mynda sterkt sam­band við aðdá­endur beggja liða.

Kjarn­inn tók saman topp 5 lista yfir leik­menn sem hafa spilað með bæði Barcelona og Real Madrid.

5. Núver­andi þjálf­ari BarcelonaLuis Enrique, lék með Real Madrid á árunum 1991 til 1996, sam­tals 157 leiki. Hann var lyk­il­maður á miðj­unni og lék oft­ast sem hægri væng­maður í sterku liði Real Madrid. Aðdá­endur liðs­ins urðu æfir þegar hann fór til Barcelona eftir að samn­ingur hans rann út. Þar hitti hann fyrir stjörn­ur Kata­lón­íustór­velds­ins og lék með lið­inu 200 deild­ar­leiki á átta ára tíma­bili, frá 1996 til 2004. Enrique var þekktur fyrir að vera skap­bráð­ur, og upp­stökkur en líka dug­legur og snjall leik­mað­ur.



4. Dan­inn Michael Laudrup er af flestum álit­inn besti leik­maður sem komið hefur frá Norð­ur­lönd­un­um. Hann átti stór­kost­legan fer­il, bæði með félags­liðum og danska lands­lið­inu. Hann sló í gegn með Lazio á Ítalíu á árunum 1983 til 1985 og þótti þá einn hæfi­leik­a­rík­asti leik­maður í ítölskum fót­bolta. Juventus keypti hann árið 1985 og lék hann við góðan orðstír með lið­inu fram til árs­ins 1989 þegar stór­veld­ið Barcelona keypti hann. Laudrup var stór­kost­legur með Barcelona, og þótti bera af öllum leik­mönnum á Spáni á þessum tíma. Þegar hann var sem best­ur, komst Dan­mörk óvænt inn á EM í Sví­þjóð, árið 1992, þar sem Balkanskaga­stríðið kom í veg fyrir að Júgóslavía gæti sent til leiks. Laudrup var í fýlu við þjálf­ar­ann og fór ekki, en bróðir hans, Brian, blómstr­aði í stað­inn ásamt öðrum leik­mönnum danska liðs­ins. Þeir stóðu óvænt uppi sem Evr­ópu­meist­arar og það án helstu stjörn­unn­ar. 



Michael Laudrup hélt áfram að leika frá­bær­lega á Spáni og fór til Real Madrid árið 1994 þar sem hann lék fram til árs­ins 1996. Aðdá­end­ur Barcelona urðu æfir af reiði við vista­skipt­in, en í seinni tíð hafa þeir fyr­ir­gefið honum enda átti hann frá­bæran tíma hjá félag­inu, og stjórn­aði leik liðs­ins eins og töfra­maður oft á tíð­um.



3. Króat­inn Robert Prosinecki var einkum frægur fyrir tvennt á sínum ferli. Ann­ars vegar fyrir mikla hæfi­leika og bolta­tækni, og hins vegar fyrir að reykja tvo pakka af Marl­boro sí­gar­ettum alla daga. Prosinecki skaust upp á stjörnu­him­in­inn árið 1989 með Rauðu Stjörn­unni frá Belgrad en hann var leik­stjórn­andi liðs­ins þegar það varð óvænt Evr­ópu­meist­ari Meist­ara­liða í Evr­ópu, sem var for­veri Meist­ara­deildar Evr­ópu nú. Prosinecki lék sér oft af and­stæð­ingum sínum með því að draga bolt­ann til og frá, áður en hann gaf góða send­ingu eða skaut að marki. Real Madrid keypi hann árið 1991 og sýndi hann fljótt góð til­þrif. Hann var lát­inn fara til Oviedo 1994, þar sem hann gerð­ist sekur um aga­brot sem Real Madrid fé­lagið sætti sig ekki við. Hjá Oviedo sýndi hann allar sýnar bestu hliðar og ákvað Barcelona að kaupa hann, með von um að hann héldi sig á mott­unni og tæk­ist að sýna sitt rétta and­lit sem fót­bolta­mað­ur. Það tókst honum vel í fyrstu, en hann þótti ekki nægi­lega góð fyr­ir­mynd og var lát­inn fara áður en Bobby Rob­son, breska goð­sögn­in, tók við stjórn­ar­taumunum sem knatt­spyrnu­stjóri.

Prosinecki kom óvænt til Portsmouth árið 2001, þegar Harry Red­knapp var þar yfir­maður knatt­spyrnu­mála. Hann var gjör­sam­lega form­laus eftir mikil meiðsli, en sýndi hæfi­leika sína af og til, aðdá­endum á Fratton Park, heima­velli Portsmouth, til mik­illar gleði. Pet­er Crouch, sem þá var að ung­lingur í fram­línu Portsmouth, skor­aði ófá mörkin eftir send­ingar frá Prosinecki. Í ævi­sögu sinn­i, Walking Tall, seg­ir Crouch að Prosinecki hafi verið stór­kost­legur leik­maður (Fantastic player), og í það minnsta jafn hæfi­leik­a­rík­ur Steven Gerr­ard og Paul Scho­les, sem hann lék með hjá enska lands­lið­inu. Hjá Portsmouth hafi hann hann í raun ekk­ert geta hlaupið (He didn't do much runn­ing – he couldn't run really) en það hafi ekki skipt öllu máli. Snilldin var í tán­um, og hafði áhrif á alla leik­menn í kringum hann.



2. Portú­gal­inn Luis Figo kom til Barcelona árið 1995 og var hluti af miklum sókn­ar­her Kata­lón­íuliðs­ins. Tíma­bilið 1996 til 1997 varð hann að stór­stjörnu þar sem hann rað­aði inn mörkum og gaf fjölda stoðsend­inga. Sér­stak­lega naut tví­tugur piltur í fram­lín­unni hjá BarcelonaRon­aldo að nafni, góðs af góðum fyr­ir­gjöf­um Figo. Mörkin urðu 36 í 37 leikjum hjá Ron­aldo og var Figo oft mað­ur­inn á bak við und­ir­bún­ing markanna.

Figo varð að leið­toga félags­ins, innan sem utan vall­ar, og var horft til hans sem virtasta leik­manns félags­ins eftir að fyr­ir­lið­inn Josep Guardi­ola fór frá félag­in­u. Figo var hins vegar pirr­aður á því að lið­inu tæk­ist ekki að halda Ron­aldo og síðan fleiri stór­stjörnum eftir því sem leið á, auk þess sem varn­ar­leikur liðs­ins var ekki upp á marga fiska. Figo hót­aði að fara á 100 ára afmæl­is­ári félags­ins, árið 1999, en það tókst að róa hann niður með lang­tíma­samn­ingi við þáver­andi besta leik­mann heims, Rivaldo. En árið 2000 gerð­ist samt hið ómögu­lega. Figo fór til Real Madrid og var þá þegar kom­inn í skammar­krók­inn fyrir lífs­tíð hjá aðdá­end­um Barcelona. Hann mun lík­lega aldrei kom­ast úr þeim skammar­krók. Figo var frá­bær hjá Real Madrid lék með lið­inu á árunum 2000 til 2005, með stór­stjörnum Evr­ópu­bolt­ans. Figo lauk svo ferli sínum hjá Inter eftir að hafa leikið með lið­inu í fjögur ár, frá 2005 til 2009.



1.       Ron­aldo hinn brasil­íski kom til Barcelona árið 1996 eftir að hafa slegið í gegn með PSV í Hollandi. Þar héldu honum engin bönd. Bobby Rob­son keypti hann fyrir met­fé, og strax í fyrstu leikj­unum varð ljóst að þarna var sér­stakur leik­maður á ferð­inni. Hraði, lík­am­legur styrk­ur, tækni og fram­úr­skar­andi hæfi­leikar til að klára færi, gerðu hann að eins manns her í sókn­ar­leik Barcelona. Hann varð fljótt umtal­aður sem besti leik­maður sinnar kyn­slóðar í heim­in­um, og einn sá allra besti í sög­unni. Rob­son sjálfur lýsti honum sem allra besta leik­manni sem hann hefði nokkurn tím­ann séð. Því miður fyrir Barcelona þá fór Ron­aldo til Inter eftir aðeins eitt tíma­bil hjá þeim spænsku, þrátt fyrir að hafa verið kos­inn besti leik­maður heims þegar hann lék þar. Ron­aldo var stór­kost­legur hjá Inter fyrsta tíma­bil­ið, og var aftur kos­inn besti leik­maður heims. Síðan tók við erf­iður tími þar sem hné­meiðsli gerðu honum lífið leitt. Í meira en tvö ár spil­aði hann aðeins sex mín­útur af alvöru fót­bolta, en hann sleit í tvígang lið­bönd í hné.

Hann setti stefn­una á að koma til baka fyrir HM árið 2002, og tókst það. Þar kom hann sá og sigr­aði. Varð marka­hæstur með átta mörk, heims­meist­ari og leik­maður keppn­inn­ar. Ron­aldo var mættur aftur og Real Madrid kveikti strax á per­unni. Ron­aldo var keyptur til Real Madrid og sló strax í gegn, með tveimur mörkum í fyrsta leik. Hann lék með lið­inu í fimm ár, og skor­aði 83 deild­ar­mörk í 127 leikj­um.



Fimm fjölmiðlamenn með yfir milljón á mánuði á RÚV
Egill Helgason var tekjuhæsti fjölmiðlamaðurinn á RÚV á síðasta ári en þar á eftir kemur Rakel Þorbergsdóttir, fréttastjóri.
Kjarninn 20. ágúst 2019
Tryggvi Felixson
Norrænt samstarf – öflugt eða orðin tóm?
Kjarninn 20. ágúst 2019
Ásakar Samtök atvinnulífsins um valdarán
Formaður VR vill að atvinnurekendur víki úr stjórnum lífeyrissjóða þar sem þeir vilji hafa sjóðina út af fyrir sig „svo hægt sé að halda braskinu áfram með peninga og fjármuni launafólks.“
Kjarninn 20. ágúst 2019
Eigendur Aton.JL. Frá vinstri: Agnar Tr. Lemacks, Ingvar Sverrisson, Viggó Örn Jónsson og Huginn Freyr Þorsteinsson.
Jónsson & Le’macks og Aton sameinast
Ráðgjafarfyrirtækið Aton og auglýsingastofan Jónsson & Le‘macks hafa nú sameinast undir nafninu Aton.JL.
Kjarninn 20. ágúst 2019
Sýn ofmat tekjur sínar og vanmat kostnað við útsendingu miðla
Sýn sendi frá sér afkomuviðvörun í dag. Tekjur 2019 verða tæplega 400 milljónum krónum lægri en áætlað var. Félagið mun kynna stefnumótun til framtíðar samhliða næsta uppgjöri sínu, sem birt verður í næstu viku.
Kjarninn 20. ágúst 2019
Mike Pence, varaforseti Bandaríkjanna.
Undirbúa mótmæli vegna komu Pence
Samtök hernaðarandstæðinga boða til opins fundar þar sem skipulögð verða mótmæli vegna heimsóknar Mike Pence, varaforseta Bandaríkjanna til landsins.
Kjarninn 20. ágúst 2019
Þórdís Lóa Þórhallsdóttir
Fyrirtækjarekstur, Secret Solstice, samgöngustyrkir og Hinsegin dagar
Kjarninn 20. ágúst 2019
Björn Ingi Hrafnsson.
Björn Ingi segir kyrrsetningu hafa valdið sér fjártjóni og vandræðum
Ritstjóri Viljans segir að íþyngjandi og óréttmæt kyrrsetning eigna hans sé ástæða fjárhagsvandræða sem hann hafi átt við. Hann býst við að tjón sitt verði bætt af hinu opinbera.
Kjarninn 20. ágúst 2019
Meira eftir höfundinnMagnús Halldórsson
Meira úr sama flokkiFréttaskýringar
None