Þurfa að borga fyrir að losna við hlut sinn í Klakka

Hluthafar sem eiga lítinn hlut í Klakka, áður Exista, þurfa að greiða bandarísku fyrirtæki 2.000 evrur í umsýslugjald fyrir að framselja hluti sína í félaginu. Taki þeir fyrirliggjandi yfirtökutilboði munu þeir þurfa að borga með sölunni.

viðskipti
Auglýsing

Smærri hlut­hafar Klakka (áð­ur Exista), sem eiga hlut sem er verð­met­inn á undir 2.000 evr­ur, munu skulda banda­ríska fyr­ir­tæk­inu Wilm­ington Trust fé ef þeir ganga að yfir­tökutil­boði vog­un­ar­sjóðs­ins Burlington Loan Mana­gement í hluti þeirra. Ástæðan er sú að Wilm­ington Trust, sem sér um umsýslu á kröfum og hluta­bréfum fyrir Klakka, rukkar 2000 evr­ur, um 248 þús­und krón­ur, í umsýslu­gjald fyrir að sjá um fram­sal á eign­ar­hlut­un­um. Magn­ús Schev­ing Thor­steins­son, for­stjóri Klakka, stað­festi í sam­tali við Kjarn­ann að umsýslu­gjaldið væri ófrá­víkj­an­legt og það yrðu allir að greiða sem tækju yfir­tökutil­boð­inu. Um er að ræða upp­hæð sem ákveðin var árið 2010 og hafi hald­ist óbreytt síð­an.

For­svars­maður eins lít­ils hlut­hafa, sem hafði sam­band við Kjarn­ann, sagði að sá myndi vera í um 160 þús­und króna skuld við Wilm­ington Trust ef hann myndi taka yfir­tökutil­boði Burlington Loan Mana­gement í hlut hans í Klakka. Fjöl­margir aðrir litlir hlut­hafar eru í sömu stöðu.

Klakki er móð­­­ur­­­fé­lag fjár­­­­­mögn­un­­­ar­­­fyr­ir­tæk­is­ins Lýs­ing­­­ar, sem sér­­­hæfir sig í að fjár­­­­­magna atvinn­u­tæki, atvinn­u­hús­næði og bif­­­reiðar fyrir fyr­ir­tæki og ein­stak­l­inga.

Auglýsing

Burlington einn stærsti kröfu­hafi Íslands

Burlington Loan Mana­gement, sem er fjár­magn­aður og stýrt af ­banda­ríska sjóðs­­­stýr­ing­­­ar­­­fyr­ir­tæk­inu Dav­id­son Kempner, hefur verið stærsti erlendi kröf­u­hafi íslensks atvinn­u­lífs á eft­ir­hrunsár­un­­um. Á árinu 2013 jók sjóð­­­ur­inn til að mynda eignir sínar á Íslandi um 70 pró­­­sent og í lok þess árs voru 18 pró­­­sent af fjár­­­­­fest­inga­­­eignum hans á Íslandi. Í lok árs 2014 voru íslensku eign­­­irnar tíu pró­­­sent af fjár­fest­inga­eignum hans, en sjóð­­­ur­inn jók mjög umsvif sín á því ári.

Stærsta ein­staka eign hans lengi vel voru kröfur í þrotabú Glitn­is, en Burlington var einn stærsti kröf­u­hafi bús­ins. Nafn­virði krafna Burlington í bú bank­ans var að minnsta kosti vel á þriðja hund­rað millj­­­arð krónaBurlington fékk rúm­­­lega 30 pró­­­sent af nafn­virði þeirra krafna í kjöl­far þess nauða­­­samn­ingur Glitnis var stað­­­festur af dóm­stólum í des­em­ber 2015.

Sjóð­­­ur­inn var einnig einn stærsti kröf­u­hafi slita­bús Kaup­­­þings. Í nóv­­­em­ber 2012 átti hann kröfur í búið að nafn­virði 109 millj­­­arðar króna. Til við­­­bótar hef­ur Burlington átt fullt af öðrum eignum hér­­­­­lend­­­is. Sjóð­­­ur­inn átti umtals­verðar kröfu í bú Lands­­­bank­ans og er á meðal eig­anda ALMC (áður Straumur fjár­­­­­fest­inga­­­banki).

Þá hefur sjóð­­ur­inn átt hlut í Klakka um nokk­­urt skeið. Mikla athygli vakti þegar hann keypti 26 millj­­­arða króna skuldir Lýs­ing­ar, helstu eignar Klakka, skömmu fyrir ára­­­mót 2013.

Keypti hlut rikis­ins á hálfan millj­arð

Í upp­hafi árs var hlutur sjóðs­ins í Klakka 13,2 pró­sent. Í jan­úar keypti hann 31,8 pró­­­sent hlut Arion banka í félag­inu. Kaupin voru gerð í nafni BLM Fjár­­­­­fest­inga ehf., íslensks dótt­­­ur­­­fé­lags Burlington. Nýverið keypti Burlington svo hlut eign­­ar­halds­­­fé­lags utan um eft­ir­stand­andi eign­ir slita­bús Glitnis og átti eftir það 57 pró­sent hlut. Sam­þykktir Klakka eru þannig að ef ein­hver fer yfir 50 pró­sent eign­ar­hlut í félag­inu þá þarf hann að gera öðrum hlut­höfum yfir­tökutil­boð. Á meðal þeirra sem fengu slíkt til­boð var Lind­ar­hvoll, eign­ar­halds­fé­lag í íslenska rík­is­ins sem heldur á stöð­ug­leika­eignum sem það fékk afhent sam­kvæmt sam­komu­lagi um slit gömlu bank­anna. Stjórn Lind­ar­hvols hefur þegar sam­þykkt að selja hlut sinn, 17,7 pró­sent, til Burlington.

Á meðal ann­arra eig­enda eru félög í eigu bræðr­anna Ágúst­ar og Lýðs Guð­­munds­­sona, sem oft­­ast eru kenndir við Bakka­vör.  Fé­lög­in BBR ehf. og Rask ehf., sem eru í eigu Bakka­vara­bræðra, áttu sam­tals tæp­­lega þrjú pró­­sent hlut í Klakka í árs­­lok 2015 sam­­kvæmt hlut­haf­a­lista í árs­­reikn­ingi. Bræð­urn­ir, sem voru stærstu eig­end­ur Exista fyrir hrun, reyndu sjálfir að eign­ast stóran hlut í Klakka í þeirri lotu sem nú stendur yfir og buðu m.a. 501 milljón króna í hlut rík­is­ins. Það dugði þó ekki til því að Burlington bauð 505 millj­ónir króna og hreppti hlut­inn. Eftir við­skiptin átti Burlington 75 pró­sent hlut í Klakka.

Magir litlir hlut­hafar

Þótt að nokkrir stórir aðilar hafi átt bróð­ur­part hluta­fjár í Klakka eftir að félagið lauk nauða­samn­ings­ferli þá áttu líka margir minni aðilar hlut. Alls voru hlut­hafar í Klakka 178 tals­ins um síð­ustu ára­mót. Þar á meðal ein­stak­lingar sem áttu skulda­bréf útgefin af Existu fyrir hrun sem feng­ust aldrei greidd. Þeir fengu þess í stað hluta­bréf og skulda­bréf í Klakka. Allir þessir aðilar fengu einnig yfir­tökutil­boð frá Burlington sem rann út í gær.

Í bréfi þar sem til­boðið er sett fram, og Kjarn­inn hefur undir hönd­um, er sér­stak­lega vakin athygli á því að þeir sem sam­þykki til­boð Burlington um sölu á hlutum þeirra í félag­inu þurfi að greið­ast 2.000 evr­ur, um 248 þús­und krón­ur, í umsýslu­kostnað vegna fram­sals hlut­anna. Þar segir einnig að sá kostn­aður verði dregin frá kaup­verð­inu.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Eigið fé Landsvirkjunar aukist um 34 milljarða á þremur árum
Samanlagt eigið fé þriggja stærstu ríkisfyrirtækjanna nemur nú um 700,7 milljörðum króna.
Kjarninn 28. febrúar 2020
EVE Fanfest frestað vegna COVID-19 veirunnar
Hátíðin hefur verið lykilatburður í markaðsstarfi CCP undanfarin ár.
Kjarninn 28. febrúar 2020
Stefán Jón Hafstein
Elliðaárdalur: Góð tillaga
Kjarninn 28. febrúar 2020
Þórður Snær og Magnús Halldórsson
Þórður Snær og Magnús tilnefndir til Blaðamannaverðlauna Íslands
Dómnefnd Blaðamannaverðlauna hefur ákveðið tilnefningar sínar í öllum fjórum flokkum verðlaunanna en þau verða afhent eftir viku.
Kjarninn 28. febrúar 2020
Fyrsta tilfelli COVID-19 kórónuveiru greinist á Íslandi
Íslenskur karlmaður á fimmtugsaldri hefur verið færður í einangrun á Landspítala eftir að sýni úr honum reyndist jákvætt fyrir nýju kórónuveirunni, COVID-19.
Kjarninn 28. febrúar 2020
Skipa sérstakan stýrihóp um samfélagsleg og hagræn viðbrögð við Covid-19 veirunni
Stýrihópurinn mun leggja mat á stöðuna og nauðsynleg samfélagsleg og efnahagsleg viðbrögð á hverjum tíma.
Kjarninn 28. febrúar 2020
Hörður Arnarson, forstjóri Landsvirkjunar.
Landsvirkjun hagnaðist um 13,6 milljarða króna í fyrra
Lágt álverð á heimsmarkaði, sem tryggir minni tekjur af raforkusölu til stærsta viðskiptavinar Landsvirkjunar, og stöðvum á kerskála Rio Tinto í Straumsvík, drógu úr hagnaði Landsvirkjunar í fyrra. Eigið fé ríkisfyrirtækisins er um 271 milljarður króna.
Kjarninn 28. febrúar 2020
Hjördís Björk Hákonardóttir
Málsvörn dómskerfis – sjálfstæði dómstóla og traust til þeirra
Kjarninn 28. febrúar 2020
Meira eftir höfundinnÞórður Snær Júlíusson
Meira úr sama flokkiFréttaskýringar
None