Enn á huldu hvaðan gögn um dómara við Hæstarétt komu

Íslandsbanki og Fjármálaeftirlitið hafa bæði kært leka á gögnum um viðskipti dómara við Hæstarétt við Glitni til héraðssaksóknara. Þar stendur rannsókn yfir. Gögnin voru á sínum tíma boðin völdum aðilum til sölu.

Markús Sigurbjörnsson hæstaréttardómari
Markús Sigurbjörnsson hæstaréttardómari
Auglýsing




Yfir­völd vita ekki hvaðan gögn um hluta­bréfa­eign dóm­ara við Hæsta­rétt, sem greint var frá í fjöl­miðlum í des­em­ber 2016, komu. Málið er nú til rann­sóknar hjá emb­ætti hér­aðs­sak­sókn­ara á grund­velli kæru frá bæði Íslands­banka og Fjár­mála­eft­ir­lit­inu.

Í fréttum frétta­stofu 365 á sínum tíma var greint frá því að gögnin væru frá slita­stjórn Glitn­is. Kjarn­inn greindi frá því 6. des­em­ber að Stein­unn Guð­bjarts­dótt­ir, fyrr­ver­andi for­maður slita­stjórnar Glitn­is, segði það af og frá að gögnin hefðu komið frá henni. Þá hafa gögn um fjár­mál hæsta­rétt­ar­dóm­ar­anna aldrei verið hluti af þeim málum sem rann­sökuð hafa verið af emb­ætti hér­aðs­sak­sókn­ara vegna gjörn­inga sem áttu sér stað innan Glitn­is. Því eru gögnin ekki komin þaðan heldur né eru þau hluti af máls­gögnum sem lögð hafa verið fram í saka­­málum sem höfðuð hafa verið vegna þeirra rann­­sókna. Kjarn­inn hefur áður greint frá því að gögnin virð­ist hafa verið lengi í umferð og hafi m.a. verið boðin tveimur við­mæl­endum Kjarn­ans til sölu sum­arið 2016. Þeir við­mæl­endur hafa ekki viljað upp­lýsa um hverjir það voru sem buðu gögnin til sölu.

RÚV greindi frá því á föstu­dag að innri end­ur­skoðun Íslands­banka, sem var reistur á grunni Glitnis eftir að sá banki fór á hlið­ina, hefði kom­ist að þeirri nið­ur­stöðu að ekk­ert benti til þess að umrædd gögn hefðu komið frá Íslands­banka eða starfs­mönnum hans. Bank­inn kærði því gagna­lek­ann til hér­aðs­sak­sókn­ara um miðjan des­em­ber.

Auglýsing

Fjár­mála­eft­ir­litið tók málið einnig til rann­sóknar vegna þess að grunur sé um að í lek­anum felist brot á lögum um banka­leynd. Eft­ir­litið kærði málið til hér­aðs­sak­sókn­ara fyrir um mán­uði síðan og nú stendur yfir rann­sókn á því þar.

Fimm hæsta­rétt­ar­dóm­arar áttu í Glitni

Þann 5. des­em­ber var greint frá því í fréttum Stöðvar 2 og síðan Kast­ljósi að Markús Sig­ur­björns­son, þá for­seti Hæsta­rétt­ar, hefði átt hluta­bréf í Glitni fyrir hrun og síðar fjár­­­fest um 60 millj­­ónum króna í verð­bréfa­­sjóði í rekstri Glitn­­is. Í Kast­­ljósi var enn fremur greint frá því að Ólafur Börkur Þor­­­valds­­­son, sem gegnt hefur emb­ætti hæsta­rétt­­­ar­­­dóm­­­ara frá árinu 2003, hafi einnig átt hluta­bréf í Glitni um tíma á árinu 2007. Hann seldi bréf sín í lok þess árs og fjár­­­­­festi í verð­bréfa­­­sjóði innan Glitn­­­is. Í Frétta­­blað­inu dag­inn eftir var svo sagt frá því að hæsta­rétt­­ar­­dóm­­ar­­arnir Eiríkur Tóm­a­s­­son, Ing­veldur Ein­­ar­s­dóttir og Árni Kol­beins­­son, sem nú er hættur störf­um, hafi einnig öll átt hluta­bréf í Glitni á árunum 2007 og 2008. Allir dóm­­ar­­arnir fimm hafa dæmt í málum sem tengj­­ast Glitni, bæði fyrir og eftir hrun. Þar á meðal eru saka­­­mál gegn starfs­­­mönnum eigna­­­stýr­ingar Glitn­­­is. Dóm­­­ar­­­arnir lýstu ekki yfir van­hæfi í neinu þeirra mála.

Gögnin sem birt voru í umræddum fréttum sýndu sam­­skipti Mark­úsar við eigna­­stýr­ingu Glitn­­is. Á meðal þeirra voru tölvu­póstar og skjöl sem hann und­ir­­rit­aði til að veita heim­ild til fjár­­­fest­ing­­ar. Gögnin eru bundin banka­­leynd og alls ekki aðgeng­i­­leg mörg­­um. Starfs­­menn slita­stjórnar Glitnis eftir hrun hafa þó mög­u­­lega getað flett þeim upp í kerfum bank­ans auk þess sem starfs­­menn eigna­­stýr­ingar Glitnis fyrir hrun gátu nálg­­ast þau.

Ólafur Þór Hauksson er héraðssaksóknari.Opin­ber­an­irnar vöktu mikla athygli og sköp­uðu mikla umræðu um hæfi hæsta­rétt­ar­dóm­ara til að dæma í málum sem tengd­ust þeim bönkum sem þeir hefðu átt hluta­bréf í.

Markús sendi frá sér yfir­­­­lýs­ingu dag­inn eft­ir umfjöll­un­ina þar sem hann sagð­ist hafa til­­­­­kynnt nefnd um dóm­­­­­ara­­­­­störf um sölu á hluta­bréfum í sinni eigu þegar við­­­­­skiptin áttu sér stað, og hann hafi fengið leyfi nefnd­­­­­ar­innar þegar honum áskotn­að­ist þau. Hann hafi hins vegar ekki þurft að til­­­­­kynna um hvernig hann ráð­staf­aði pen­ing­unum eftir söl­una. Skúli Magn­ús­­son, for­­maður Dóm­­ara­­fé­lags Íslands, sagði sagði saman dag að ljóst væri að upp­­lýs­ingum um hluta­bréfa­­eign dóm­­ara hafi verið komið á fram­­færi við fjöl­miðla í þeim til­­­gangi að hafa áhrif á störf dóm­stóla og hugs­an­­lega auka mög­u­­leika á því að mál verði end­­ur­­upp­­­tek­in. Jón Steinar Gunn­laugs­son, fyrr­ver­andi hæsta­rétt­ar­dóm­ari, sagði blasa við að Markús hefði verið van­hæfur til að dæma í hrun­mál­um.

Þann 9. des­em­ber greindi DV síðan frá því að hæsta­rétt­ar­dóm­ar­arnir Viðar Már Matth­í­as­son og Eiríkur Tóm­as­son hefðu átt hlut í Lands­bank­anum við fall bank­ans. Þeir hefðu báðir verið í fimm manna dómi Hæsta­réttar sem dæmdi ýmsa fyrr­ver­andi stjórn­endur Lands­banka Íslands seka um mark­aðs­mis­notkun og umboðs­svik í Hæsta­rétti í októ­ber 2015 og í febr­úar 2016.

Umfjöll­unin leiddi til þess að dóm­arar við Hæsta­rétt munu héðan i frá birta hags­muna­skrán­ingu sína opin­ber­lega, og hefur það þegar verið gert á heima­síðu rétt­ar­ins.

Sak­born­ingar kæra til MDE eða krefj­ast end­ur­upp­töku



Þann 9. jan­úar síð­ast­lið­inn var greint frá því að sak­born­ingar í Al Than­i-­mál­inu svo­kall­aða hefðu sent bréf um fjár­­­málaum­­svif dóm­­ara við Hæsta­rétt Íslands á árunum fyrir fall íslenska banka­­kerf­is­ins árið 2008 til Mann­rétt­inda­­dóm­stóls Evr­­ópu (MDE). Upp­­lýs­ing­­arnar eru hluti af máls­skjölum sem Ólafur Ólafs­­son og þrír fyrr­ver­andi stjórn­­endur Kaup­­þings banka, þeir Sig­­urður Ein­­ar­s­­son, Hreiðar Már Sig­­urðs­­son og Magnús Guð­­munds­­son, sendu MDE vegna umfjöll­unar dóm­stóls­ins um Al Thani málið svo­­kall­aða. Telja þeir að brotið hafi verið á rétt­indum þeirra, bæði við rann­­sókn máls­ins og með­­­ferð þess fyrir dóm­stól­­um. Um er að ræða dóm­ara sem dæmdu í Al Than­i-­mál­inu, meðal ann­ars Markús Sig­ur­björns­son. Áður höfðu menn­irnir reynt að fá málið end­ur­upp­tekið hjá end­ur­upp­töku­nefnd, án árang­urs.

Í síð­ustu viku sagði svo Frétta­blaðið frá því að Sig­ur­jón Þ. Árna­son, fyrr­ver­andi banka­stjóri Lands­bank­ans, hefði kraf­ist þess að tvö mál á hendur honum yrðu tekin aftur til með­ferðar fyrir dómi. Beiðni um þá end­ur­upp­töku hafi verið send inn í sept­em­ber 2016. Sig­urður G. Guð­jóns­son, lög­maður Sig­ur­jóns, sagði í sam­tali við blaðið að byggt væri „fyrst og fremst á þeim fréttum sem hafa komið um hluta­bréfa­eign dóm­ara í blöð­un­um. Svo hefur verið að koma í ljós að þeir hafa verið að stað­festa að þeir hafi tapað fjár­munum í banka­hrun­inu, sumir dóm­ar­ar.“ Þær fréttir sem Sig­urður vísar í voru sagðar í des­em­ber, þremur mán­uðum eftir að end­ur­upptöðu­beiðni Sig­ur­jóns var send inn.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Meira eftir höfundinnÞórður Snær Júlíusson
Meira úr sama flokkiFréttaskýringar
None