Fátt bendir til ann­ars en að þörf sé á miklu upp­bygg­ing­ar­átaki á fast­eigna­mark­aði á höf­uð­borg­ar­svæð­inu til að skapa jafn­vægi á mark­aðnum en sam­kvæmt grein­ingum Þjóð­skrár og Sölva Blön­dal, hag­fræð­ings hjá Gamma, þá vantar á bil­inu 7 til 8 þús­und íbúð­ir, einkum litlar og með­al­stór­ar, inn á markað til að anna eft­ir­spurn­inni. Þrátt fyrir að mikil upp­bygg­ing­ar­á­form séu nú í gangi, þá virð­ist vanta mikið upp á enn­þá.

Kort­lagn­ing og svo aðgerðir

Sam­kvæmt heim­ildum Kjarn­ans eru stjórn­völd nú að vinna að ítar­legri kort­lagn­ingu á stöðu mála, með það að mark­miði að und­ir­byggja sem best aðgerðir sem eiga að stuðla að því að hraða upp­bygg­ingu og koma á meira jafn­vægi á hús­næð­is­mark­aði. Þor­steinn Víglunds­son, vel­ferð­ar­ráð­herra, hefur talað um að þessi vinna njóti for­gangs hjá stjórn­völd­um.

Í gær var greint frá því að Reykja­vík­ur­borg hafi gengið frá úthlutun lóða til Bjargs íbúða­fé­lags sem rekið er án hagn­að­ar­sjón­ar­miða, en stofn­endur þess eru ASÍ og BSRB. Félag­inu er ætlað að tryggja tekju­lágum fjöl­skyldum á vinnu­mark­aði aðgengi að ódýru, öruggu og vönd­uðu íbúð­ar­hús­næði. Dagur B. Egg­erts­son borg­ar­stjóri afhenti Gylfa Arn­björns­syni for­seta ASÍ, Elín Björgu Jóns­dóttur for­manni BSRB og Birni Trausta­syni fram­kvæmda­stjóra Bjargs - íbúð­ar­fé­lags lóða­bréf þessu til stað­fest­ingar í Spöng­inni í gær.

Úthlutun á næstu árum

Á þessu ári er gert ráð fyrir að úthlutað verði lóðum fyrir 250 íbúð­ir, árið 2018 verði úthlutað lóðum fyrir 300 íbúðir og árið 2019 verði úthlutað lóðum fyrir 300 íbúð­ir. Í fyrra var fyrsti skammt­ur­inn í þess­ari áætl­un, en þá var 150 lóðum úthlut­að. 

Þetta er svo aðeins dropi í haf­ið, þegar litið er til stöð­unnar á mark­aðnum í dag. Þróun fast­eigna­verðs ber þess glögg merki að mikil eft­ir­spurn sé á mark­aðn­um, miðað við tak­markað fram­boð. Fast­eigna­verð hefur hækkað um 18,6 pró­sent á síð­ustu tólf mán­uðum og gera flestar spár ráð fyrir áfram­hald­andi hækk­un, eða um allt að 30 pró­sent á næstu tveimur árum. 

Einn af þeim sem hefur áhyggjur af stöðu mála er Gylfi Gísla­son, vara­for­maður Mann­virkis - félags verk­taka. Í við­tali við RÚV í gær sagði hann að alltof lítið hefði verið um lóða­út­hlut­anir á höf­uð­borg­ar­svæð­inu að und­an­förnu. Nauð­syn­legt væri að grípa til sam­stilltra aðgerða, milli ríkis og sveit­ar­fé­laga, til að ná meira jafn­vægi og aðstoða ungt fólk við að koma þaki yfir höf­uð­ið.