Frumvarp verður lagt fram og fyrirkomulag vigtunar á fiski breytt

Sjávarútvegs- og landbúnaðarráðuneytið mun leggja fram frumvarp þar sem viðurlög verða endurskoðuð. Það telur ekkert haldbært liggja fyrir um að árangur Fiskistofu sé síðri eftir flutning til Akureyrar og sá flutningur verður ekki endurskoðaður.

Kristján Þór Júlíusson tók við sem sjávarútvegs- og landbúnaðarráðherra fyrir helgi.
Kristján Þór Júlíusson tók við sem sjávarútvegs- og landbúnaðarráðherra fyrir helgi.
Auglýsing

Krist­ján Þór Júl­í­us­son, nýr sjáv­ar­út­vegs- og land­bún­að­ar­ráð­herra, ætlar að leggja fram frum­varp á vor­þingi um breyt­ingar á lögum um umgengni um nytja­stofna sjávar þar sem m.a. verða lagðar til breyt­ingar á fyr­ir­komu­lagi vigt­un­ar. Þetta verður gert í kjöl­far nýlegrar umfjöll­unar Kveiks og frétta­stofu RÚV um brott­kast sem á sér stað í íslenskum sjáv­ar­út­veg og um að vigtun afla sé ekki sem skyldi. Þetta kemur fram í svari ráðu­neyt­is­ins við fyr­ir­spurn Kjarn­ans um mál­ið.

Ekki verður greint frá því um hvaða breyt­ingar sé að ræða fyrr en að frum­varpið verður lagt fram að öðru leyti en að við­ur­lög vegna brott­kasts og vigt­un­ar­mála verða hluti af end­ur­skoðun lag­anna.

Þá kemur fram í svari sjáv­ar­út­vegs- og land­bún­að­ar­ráðu­neyt­is­ins að til greina komi að taka starf­semi Fiski­stofu til sér­stakrar skoð­unar á næsta ári en að engin áform séu um að end­ur­skoða flutn­ing Fiski­stofu frá Hafn­ar­firði til Akur­eyr­ar.

Styrkja þarf úrræði og við­ur­lög

Fjallað var um brott­kast og alvar­lega ann­marka á vigt­un­ar­málum á afla í frétta­skýr­inga­þætt­inum Kveik á RÚV 21. nóv­em­ber síð­ast­lið­inn. Sam­kvæmt umfjöll­un­inni á sér stað svindl í formi fram­hjá­landana á afla og brott­kast tíðkast á íslenskum skip­um, þrátt fyrir að það sé ólög­legt. Eyþór Björns­son, for­stjóri Fiski­stofu, sagði í þætt­inum að stofn­unin hefði ekki tök á að sinna þessum mál­um.

Auglýsing
Heiðrún Lind Mart­eins­dótt­ir, fram­kvæmda­stjóri Sam­taka fyr­ir­tækja í sjáv­ar­út­vegi (SFS), sendi frá sér yfir­lýs­ingu vegna þátt­ar­ins þar sem kom m.a. fram að áhyggjur af brott­kasti og vigt­un­ar­mála væru „að mestu óþarfar“.

Dag­inn eftir sýndi frétta­stofa RÚV mynd­band af brott­kasti á fiski, sem átti sér stað á Kleif­ar­berg­inu, skipi í eigu útgerð­ar­fé­lags­ins Brims, í fyrra.

Þor­gerður Katrín Gunn­ars­dótt­ir, þáver­andi sjáv­ar­út­vegs- og land­bún­að­ar­ráð­herra, sagði í Silfr­inu 27. nóv­em­ber að útgerðin beri mesta ábyrgð á brott­kasti og því að vigtun afla væri ekki sem skyldi. Hún sagði enn fremur að styrkja þyrfti úrræði og við­ur­lög vegna þessa.

Hin umdeildi flutn­ingur Fiski­stofu

Um mitt ár 2014 til­kynnti þáver­andi ráð­herra mála­flokks­ins, Sig­urður Ingi Jóhanns­son, skyndi­lega að flytja ætti Fiski­stofu frá Hafn­ar­firði til Akur­eyr­ar. Flutn­ingnum átti að ljúka í árs­lok 2016.

Ákvörð­unin var harð­­lega gagn­rýnd, ekki síst af starfs­­mönnum stofn­un­­ar­inn­­ar. Í til­­kynn­ingu sem starfs­­fólkið sendi frá sér í lok sept­­em­ber 2014 sagði að flutn­ing­­ur­inn væri ólög­­legur og engin fag­­leg sjón­­­ar­mið byggju að baki. Þá hefði eng­inn starfs­­maður Fiski­­stofu lýst yfir vilja til þess að flytja með stofn­un­inni til Akur­eyr­­ar, að for­­stjór­­anum frá­­­töld­­um. Mál­­flutn­ingur stjórn­­­mála­­manna, þar sem lands­­byggð og höf­uð­­borg­­ar­­svæð­inu væri att sam­an, hafi verið óboð­­legur og óþol­andi þegar um póli­­tíska hreppa­­flutn­inga væri að ræða, þar sem flytja átti sér­­fræð­i­­menntað fólk, nauð­ugt vilj­ugt, milli lands­hluta án mál­efna­­legra skýr­inga.

Sigurður Ingi Jóhannsson var sjávarútvegs- og landbúnaðaráðherra þegar hann tók ákvörðun um að flytja Fiskistofu. Nú er hann orðinn ráðherra samgöngu- og sveitarstjórnarmála. MYND: Birgir Þór Harðarson.Í athuga­­semdum starfs­­manna Fiski­­stofu til umboðs­­manns Alþingis vegna flutn­ingar stofn­un­­ar­inn­­ar, sem birtar voru í jan­úar 2015, sagði að ákvörð­un ­Sig­­urðar Inga um flutn­ing Fiski­­stofu hefði ekki laga­­stoð og væri því ólög­­mæt.

Sig­­urður Ingi ákvað í maí 2015 að falla frá því að starfs­­menn Fiski­­stofu, að und­an­­skildum Fiski­­stofu­­stjóra, þyrftu að flytja til Akur­eyr­­ar. Þess í stað myndi flutn­ing­ur­inn eiga sér stað í gegnum starfs­manna­veltu og búist var við því að flutn­ing­ur­inn, sem átti að taka tvö og hálft ár, muni taka allt að 20 ár.

Segir árangur Fiski­stofu ekk­ert síðri eftir flutn­ing

Fiski­stofu­stjóri sagði í apríl 2015 að merki væru um að stofn­unin væri að lið­ast í sundur vegna þess óvissu­á­stands sem skap­ast hefði um fram­tíð hennar í kjöl­far ákvörð­unar Sig­urðar Inga.

Þor­gerður Katrín sagði í Silfr­inu 27. nóv­em­berFiski­stofu hefði verið „splundrað“ þegar hún var flutt til Akur­eyr­ar. Afleið­ingin væri m.a. sú að stofn­unin hefði ekki tök á því að sinna málum tengdum brott­kasti og vigt­un­ar­málum. „Það var póli­tísk ákvörðun Sig­urðar Inga að fara með stofn­un­ina, sundra henni og setja í þetta ein­hverjar þrjú til fjögur hund­ruð millj­ónir sem ég hefði frekar viljað sjá í upp­bygg­ingu á eft­ir­lits­kerf­inu innan sjáv­ar­út­vegs­kerf­is­ins.“

Kjarn­inn spurði sjáv­ar­út­vegs­ráðu­neytið hvort flutn­ingur Fiski­stofu til Akur­eyrar yrði end­ur­skoð­að­ur. Í svari þess kemur fram að engin áform séu um slíkt. „Ekk­ert hald­bært liggur fyrir um það að árangur Fiski­stofu hafi verið eitt­hvað síðri eftir flutn­ing­inn til Akur­eyrar þó vissu­lega hafi mikil orka farið í flutn­ing­inn sjálfan og það sem honum við kom.“

Kjarn­inn spurði einnig hvort til greina kæmi að fram­kvæmd verði stjórn­sýslu­út­tekt á Fiski­stofu í ljósi þeirra upp­lýs­inga sem nýverið komu fram, og við­ur­kenn­ingu Fiski­stofu­stjóra á því að stofn­unin geti ekki sinnt lög­bundnu hlut­verki sínu?

Í svari ráðu­neyt­is­ins kemur fram að starf­semi stofn­ana ráðu­neyt­is­ins sé að jöfnu til skoð­un­ar. „Á þessu ári var lögð áhersla á að fara vel yfir starf­semi Mat­væla­stofn­unar og til greina kemur að taka starf­semi Fiski­stofu til sér­stakrar skoð­unar á næsta ári.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hugmyndir um að hækka vatnsborð Hagavatns með því að stífla útfall þess, Farið, eru ekki nýjar af nálinni.
Ber að fjalla um hugsanlega áfangaskiptingu Hagavatnsvirkjunar
Íslenskri vatnsorku ehf. ber að sögn Orkustofnunar að fjalla um hugsanlega áfangaskiptingu fyrirhugaðrar Hagavatnsvirkjunar í frummatsskýrslu.Þá ber fyrirtækinu einnig að bera saman 9,9 MW virkjun eins og nú er stefnt að og hugmyndir að stærri virkjun se
Kjarninn 6. júní 2020
Telur stjórnvöld vinna gegn eigin markmiðum með hagræðingarkröfu á Hafró
Forstjóri Hafrannsóknastofnunar segir að stjórnvöld gangi gegn eigin markmiðum um eflingu haf- og umhverfisrannsókna með því að gera sífellda hagræðingarkröfu á Hafró. Hann segir stofnunina sinna hættulega litlum grunnrannsóknum.
Kjarninn 5. júní 2020
Inga Sæland
Segir sama gamla spillingarkerfið blómstra sem aldrei fyrr
„Hvenær hættir maður að verða hissa á sérhagsmunagæslunni í pólitík?“ spyr formaður Flokks fólksins.
Kjarninn 5. júní 2020
Leirdalur með Leirdalsvatni og Leirdalsá falla í Geitdalsá. Í Leirdal hugsar Arctic Hydro sér upphafslón Geitdalsárrvirkjunar.
„Nýtt virkjanaáhlaup“ á hálendi Austurlands verði stöðvað
Stjórnvöld þurfa að koma í veg fyrir að hálendi Austurlands verði raskað frekar og standa við fyrirheit sem gefin voru um að þar yrði ekki virkjað meira. Þetta kemur fram í tillögu að ályktun sem lögð verður fyrir aðalfund Landverndar á morgun.
Kjarninn 5. júní 2020
Lilja D. Alfreðsdóttir, mennta- og menningarmálaráðherra.
Ráðherra metur næstu skref með lögmönnum
Mennta- og menningarmálaráðherra fer nú yfir úrskurð kærunefndar jafnréttismála með lögmönnum. Hún segir að ekki hafi skipt máli að Páll Magnússon væri framsóknarmaður.
Kjarninn 5. júní 2020
Komufarþegar munu þurfa að greiða sjálfir fyrir sýnatöku frá 1. júlí.
Komufarþegar greiða 15 þúsund fyrir sýnatöku
Sýnataka á landmærum Íslands verður gjaldfrjáls fyrstu tvær vikurnar en frá 1. júlí munu komufarþegar þurfa að greiða 15 þúsund krónur fyrir rannsóknina.
Kjarninn 5. júní 2020
Óvenjulegur sjómannadagur framundan
Vegna COVID-19 faraldursins verður sjómannadagurinn í ár ólíkur því sem Íslendingar eiga að venjast. Þó verður lágmarksdagskrá víða um land með heiðrunum aldinna sjómanna, minningarathöfnum og veittar verða viðurkenningar fyrir björgunarafrek.
Kjarninn 5. júní 2020
Jane Goodall fór á þrítugsaldri inn í skóga Tansaníu og dvaldi þar lengi í hópi simpansa. Rannsóknir hennar gjörbreyttu þekkingu manna á öðrum dýrategundum.
Mannkynið er „búið að vera“ ef það skiptir ekki um kúrs í kjölfar COVID
„Við erum komin að tímamótum í sambandi okkar við náttúruna,“ segir Jane Goodall sem barist hefur verið náttúruvernd í sex áratugi. Hún segir að nú hafi opnast lítill gluggi til að gera róttækar breytingar svo koma megi í veg fyrir frekari hörmungar.
Kjarninn 5. júní 2020
Meira eftir höfundinnÞórður Snær Júlíusson
Meira úr sama flokkiFréttaskýringar