Hin harða pólitík í „stærsta sigri“ Trumps

Bandaríkjaforseti sagðist hafa fært Bandaríkjamönnum jólagjöfina í ár með skattkerfisbreytingunum. Pólitísk áhrif þeirra gætu orðið óvænt í hugum margra, þar sem mörg Demókrataríki munu njóta góðs af þeim. Eitt er víst; ójöfnuður mun aukast.

Trump
Auglýsing

Einn af hápunktum stjórn­mála­árs­ins á árinu 2017 voru breyt­ing­arnar á skatt­kerf­inu í Banda­ríkj­unum sem Don­ald Trump Banda­ríkja­for­seti náði í gegnum þingið í Banda­ríkj­unum í þessum mán­uði.

Breyt­ing­arnar eru þær mestu í ára­tugi og þykja vera „stærsti sig­ur“ Trumps eins og hann komst sjálfur að orði, eftir að þær voru komnar í gegnum þing­ið.

Hinir ríku verða betur settir

Margar hliðar eru á þessum breyt­ing­um.

Auglýsing

Ein þeirra er aug­ljós. Hún er sú, að þeir sem versta standa í Banda­ríkj­un­um, og reiða sig á ýmsa aðstoð t.d. vegna heil­brigð­is­vanda eða fátækt­ar, munu koma illa út úr þessum breyt­ing­um. 

Tugir millj­óna manna, ekki síst í mið­ríkj­unum - þar sem þunga­miðjan í stuðn­ingi við Don­ald Trump er - munu standa eftir með minna milli hand­anna að með­al­tali.

Þannig má segja að Trump-­bylt­ingin sé farin að éta börnin sín, en það er ómögu­legt að segja hvort þessi versn­andi staða hinna verst settu muni skila sér í minni stuðn­ingi við Trump. 

Það þarf ekki að vera, þó kann­anir á und­an­förnum sex mán­uðum bendi til þess að stuðn­ing­ur­inn við hann hafi minnkað umtals­vert.



Það sem minna hefur verið rætt um er að þessa skatt­kerf­is­breyt­ingar gætu komið sér vel, sé horft yfir með­al­tals áhrif­in, fyrir mörg af auð­ug­ustu ríki Banda­ríkj­anna - þar sem þunga­miðjan í stuðn­ingi Demókrata hefur ver­ið. 

Sterk­ustu efna­hags­hag­kerfi Banda­ríkj­anna eru flest orðin Demókrata­vígi. Í nýlegri umfjöllun Seattle Times segir að þeir sem vilji stofna til rekstrar geti allt eins horft eftir því hvaða ríki eru Demókrat­a­ríki (Blue state).

Má þar nefna Was­hington ríki, stóran hluta Kali­forn­íu, rík­ari hluta New York og flest þau svæði þar sem byggst hefur upp sterk­efnuð efri milli­stétt á und­an­förnum árum og ára­tug­um. Skatta­lækk­unin mun skila sér í því að meira verður eftir í veskjum margra á þessum svæð­um, en minna á þeim svæðum þar sem tekjur eru lægri.

Tekju­stofnar eru afar mis­mun­andi í Banda­ríkj­unum eftir ríkjum og sveit­ar­fé­lög­um. Was­hington ríki er t.d. eitt þeirra sem ekki með neitt hefð­bundið útsvar, eins og við Íslend­ingar þekkj­um, heldur ein­ungis rík­is­skatt­inn (Federal Tax).

Í skrifum miðla hér vestra hefur verið á það bent, að sveit­ar­fé­lögin og ríkin sem eru með þetta fyr­ir­komu­lag, gætu upp­lifað aukin umsvif sem síðan kynda undir tekju­stofnum þeirra, eins og virð­is­auka­skatti á þjón­ustu (al­gengt 9 pró­sent) og fast­eigna­skött­um. Sama má segja um mikla lækkun á fyr­ir­tækja­sköttum (úr 35 í 21 pró­sent). Sú lækkun gæti skilað sér ríku­lega inn í efna­hag þeirra svæða þar sem inn­viðir eru sterkir og auð­söfnun mik­il, og ein­ungis rík­is­skatt­ar.

Þau svæði sem hafa gengið í gegnum mikið vel­meg­un­ar­tíma­bil á und­an­förnum árum, gætu notið veru­lega góðs af þessum breyt­ingum (að með­al­tali). Vel­ferð­ar­þjón­ust­an, eins og skóla­þjón­usta, fjár­fest­ingar í innviðum og fleiru, sem er á sveit­ar­stjórn­ar­stig­inu, gæti eflst við þetta, vegna sterk­ari tekju­stofna. 

Sveit­ar­fé­lögin gætu einnig tekið póli­tískar ákvarð­anir um að nýta sterk­ari efna­hag til að koma til móts við þá sem minna hafa milli hand­anna eða standa höllum fæt­i. 

Í sam­fé­lögum þeirra þar sem auð­ur­inn er mestur gæti því verið mikil gósentíð framundan og enn meiri efna­hags­leg upp­sveifla. Rík­asta 1 pró­sentið mun lík­lega eign­ast meira en helm­ing­inn af auðnum í land­inu þegar áhrifin af breyt­ing­unum hafa náð fram að ganga, en það á nú um 40 pró­sent, sam­kvæmt skrifum The Atl­antic.

Erfitt er að spá fyrir um áhrifin á ýmsar hliðar þeirra fjöl­mörgu ólíku hag­kerfa sem eru í Banda­ríkj­un­um. Sér­stak­lega hefur verið rætt um að mikil áhrif kunni að koma fram á fast­eigna­mark­að­i. 

Í nýju lög­unum er gert ráð fyrir að við­miðum vegna nið­ur­greiðslu vaxta hús­næð­is­lána verði breytt, sem þýðir að margar fjöl­skyldur munu finna fyrir lak­ari vaxta­kjörum, en aðrar - einkum þær efna­meiri - finna fyrir betri stöðu. Sum staðar gæti fast­eigna­verðið lækk­að, en á öðrum svæðum gæti það hækk­að, vegna þess­ara breyt­inga.

Eins og sést á þessari mynd, þá munu skattkerfisbreytingarnar hafa mikil áhrif á skattskil einstaklinga. Mynd: Business Insider.

Hörð póli­tík

Hin harða póli­tík í þessum breyt­ingum á skatt­kerf­inu er til­tölu­lega aug­ljós. Hinir rík­ari munu hafa það betra en áður, en hinir fátæk­ari - einkum þeir sem minna mega sín og standa höllum fæti - mun búa við þrengri kost.

Póli­tískt er erfitt að segja til um hver áhrifin verða til lengdar lit­ið. Mörg af sterk­ustu Demókrata­svæð­unum í Banda­ríkj­un­um, gætu fundið fyrir miklum efna­hags­legum ávinn­ingi og því gæti Trump nýtt sér þessar breyt­ingar til að ná í nýja stuðn­ings­menn á þeim svæð­u­m. 

Það hefur sýnt sig í gegnum tíð­ina að meiri­hluti fólks á mörgum af verst settu svæð­unum í Banda­ríkj­un­um, ekki síst í mið­ríkj­un­um, stendur þétt að baki Repúblikön­um, alveg sama hvað á því dyn­ur. Því er til mik­ils að vinna að reyna að breyta lands­lag­inu á þeim svæðum þar sem Demókratar hafa verið að styrkja stöðu sína.

Hinir ríku fá mest í vasann.

Vax­andi ójöfn­uður er ekki vanda­mál að mati Trumps og Repúblik­ana. Svo mikið er víst. Þrátt fyrir mikil mót­mæli Demókrata, og reyndar mála­miðl­anir á ýmsum svið­um, þá komust skatt­kerf­is­breyt­ing­arnar í gegnum banda­ríska þing­ið. 

Afleið­ing­arnar verða óum­deil­an­lega mun hrað­ari vöxtur ójafn­að­ar. Erfitt að segja til um póli­tískar afleið­ing­ar, ekki síst í ljósi ólíkra áhrifa í ríkjum Banda­ríkj­anna. En alveg sama hver raun­veru­leik­inn verður að lok­um, þá mun Trump vafa­lítið túlka málin sér í hag eins og hann hefur gert til þessa.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jóhann Páll Jóhannsson og Ragna Sigurðardóttir
Er mesta aukning atvinnuleysis meðal OECD-ríkja til marks um „góðan árangur“?
Kjarninn 14. apríl 2021
Borgarfulltrúi ráðinn framkvæmdastjóri Icelandic Startups
Kristín Soffía Jónsdóttir hefur verið borgarfulltrúi í Reykjavík frá árinu 2014 en tekur nú við starfi framkvæmdastjóra Icelandic Startups.
Kjarninn 14. apríl 2021
AGS metur nú umfang boðaðra opinberra stuðningsaðgerða íslenskra stjórnvalda rúm 9 prósent, en mat það áður 2,5 prósent.
AGS uppfærði mat sitt á umfangi aðgerða eftir ábendingar íslenskra stjórnvalda
Íslensk stjórnvöld sendu inn ábendingar til AGS vegna gagna sjóðsins um umfang stuðningsaðgerða vegna veirufaraldursins. Umfang boðaðra aðgerða á Íslandi er nú metið á um 9 prósent af landsframleiðslu 2020.
Kjarninn 14. apríl 2021
Fjármálastöðugleikanefnd SÍ
Seðlabankinn kallar eftir endurskipulagningu hjá ferðaþjónustufyrirtækjum
Seðlabankinn segir brýnt að huga að endurskipulagningu skulda ferðaþjónustufyrirtækja, þar sem greiðsluvandi þeirra fari að breytast í skuldavanda þegar greiða á upp lánin sem tekin voru í upphafi faraldursins.
Kjarninn 14. apríl 2021
Sasja Beslik
Boðorðin tíu um sjálfbærar fjárfestingar
Kjarninn 14. apríl 2021
Þórólfur Guðnason sóttvarnalæknir.
Ekki til skoðunar að lengja tíma milli 1. og 2. sprautu
Sóttvarnalæknir segir það ekki til skoðunar að lengja tímann milli bóluefnaskammtanna tveggja sem fólki eru gefnir. Sú leið hefur verið farin í mörgum ríkjum til að geta gefið fleirum fyrri sprautuna sem fyrst.
Kjarninn 14. apríl 2021
Þorsteinn Már Baldvinsson, forstjóri Samherja.
Samherja varð lítið ágengt með kvörtunum sínum
Bæði nefnd um eftirlit með lögreglu og nefnd um dómarastörf hafa lokið athugunum sínum á kvörtunum Samherja vegna dómara við héraðsdóm og saksóknara. Ekkert var aðhafst.
Kjarninn 13. apríl 2021
Ekki svona þétt reyndar. Og með grímu. En áhorfendur munu fá að sækja íþróttakeppnir þegar íþróttir verða heimilar á ný á fimmtudag.
Hundrað áhorfendur mega sækja íþróttaviðburði á fimmtudag
Allt að 100 áhorfendur mega mæta á íþróttaviðburði hér á landi á fimmtudag. Hlutirnir hafa breyst frá því í morgun, en í upphaflegri tilkynningu frá stjórnvöldum um tilslakanir á sóttvarnaaðgerðum kom fram að íþróttakeppni væri heimil, án áhorfenda.
Kjarninn 13. apríl 2021
Meira eftir höfundinnMagnús Halldórsson
Meira úr sama flokkiFréttaskýringar