Trump tilnefnir Brett Kavanaugh í Hæstarétt

Íhaldsmaðurinn Brett Kavanaugh er val Donalds Trump Bandaríkjaforseta á nýjum Hæstaréttardómara. Framundan er hörð barátta milli Repúblikana og Demókrata sem mun snúast að mestu um réttinn til fóstureyðinga og kosningar til öldungadeildarinnar í nóvember.

Brett Kavanaugh dómari Donald Trump Hæstiréttur
Auglýsing

Don­ald Trump Banda­ríkja­for­seti hefur til­nefnt dóm­ar­ann Brett Kavan­augh til emb­ættis Hæsta­rétt­ar­dóm­ara. For­set­inn til­kynnti um val sitt í beinni útsend­ingu í nótt þar sem hann sagði val á hæsta­rétt­ar­dóm­urum eina af djúp­stæð­ustu skyldum hvers for­seta, ef frá væru taldar ákvarð­anir um stríð og frið.



Valið kom lítið á óvart, Kavan­augh var einn af fjórum sem flestir fjöl­miðlar töldu að kæmu til greina hjá Trump.

Auglýsing

Hver er Brett Kavan­augh?

Kavan­augh er 53 ára gam­all og starfar sem dóm­ari við áfrýj­un­ar­dóm­stól í Was­hington DC. Hann starf­aði náið með George W. Bush á sínum tíma og tók meðal ann­ars þátt í rann­sókn­inni á sam­skiptum Bill Clinton Banda­ríkja­for­seta og Mon­icu Lewin­sky auk þess sem hann var einn þeirra sem kom að end­ur­taln­ingu atkvæða fyrir hönd Bush í for­seta­kosn­ing­unum árið 2000. Kavan­augh var á árum áður aðstoð­ar­maður Ant­hony Kenn­edy, hæsta­rétt­ar­dóm­ar­ans sem nú lætur af störfum og Kavan­augh tekur við af.

Fjöl­miðlar í Banda­ríkj­unum greina frá því að verði Kavan­augh stað­festur af þing­inu og settur í emb­ætti sé það alveg ljóst að rétt­ur­inn muni í kjöl­fari fær­ast lengra til hægri í nið­ur­stöðum sín­um.

Þegar Kavan­augh var settur í emb­ætti dóm­ara við áfrýj­un­ar­dóm­stól­inn deildi hann ekki frá skoð­unum sínum á hinum svo­kall­aða Roe v. Wade dómi, sem að heim­il­aði fóst­ur­eyð­ingar í Banda­ríkj­unum þegar hann féll árið 1973. Óstað­festar fregnir herma að hags­muna­sam­tök and­stæð­inga fóst­ur­eyð­inga hafi barist gegn því á bak við tjöldin að Trump tilf­nefndi Kavan­augh og vildu frekar dóm­ara sem hafði opin­berað harð­ari afstöðu gegn fóst­ur­eyð­ing­um. Gera má ráð fyrir því að dóm­stóll­inn fái fljót­lega til sín mál þar sem verður látið reyna á það að snúa for­dæm­inu sem Roe v. Wade setti.

Fjöl­miðlar telja þó ein­sýnt að Kavan­augh muni alla jafna dæma með íhaldsam­ari kol­legum sínum við rétt­inn.

Í aðdrag­anda til­kynn­ingar Trump í nótt höfðu ein­hverjir íhalds­menn áhyggjur af því að Kavan­augh væri ekki nægi­lega langt til hægri í skoð­unum sín­um, sér­stak­lega þegar kemur að fóst­ur­eyð­ingum og heil­brigð­is­mál­um. Að auki voru uppi áhyggjur af teng­ing­unni við Bush fjöl­skyld­una.

Hæstiréttur Bandaríkjanna. Anthony Kennedy sem nú lætur af störfum er næst lengst til vinstri í fremri röð. Mynd: Hæstiréttur Bandaríkjanna

Repúblikönum liggur á 

Til að setja Kavan­augh í emb­ætti þarf stað­fest­ingu þings­ins á til­nefn­ingu Trump. Kosið verður til öld­unga­deildar þings­ins í nóv­em­ber og óljóst hvor flokk­ur­inn verður í meiri­hluta eftir kosn­ing­arn­ar. Repúblikönum liggur því á að klára mál­ið.

Demókratar hafa sagt það ólýð­ræð­is­legt að setja dóm­ara í emb­ætti svo stuttu fyrir kosn­ing­ar, auk þess sem Trump sé um þessar mundir til rann­sóknar í máli sem er ekki úti­lokað að muni á end­anum fara fyrir Hæsta­rétt. Því sé eðli­legt að bíða með að skipa nýjan dóm­ara þar til rann­sókn þeirri sé lok­ið.

Það er þó ekki búist við því að þessi atriði muni vefj­ast mikið fyrir Repúblík­ön­um. Hins vegar er það spurn­ingin um við­snún­ing á for­dæmi Roe v. Wade sem gæti flækt mál­ið. Frjáls­lynd­ari Repúblikanar í öld­unga­deild­inni eru fylgj­andi því að Roe v. Wade séu gild­andi lög og þar bein­ast allra augu að tveimur öld­unga­deild­ar­þing­mönnum sem eru hlynntir rétt­inum til fóst­ur­eyð­inga: Lisu Murkowski frá Alaska og Susan Coll­ins frá Maine. Ef allir þing­menn Demókrata kjósa gegn til­nefn­ing­unni hafa þó Repúblikanar efni á að missa tvö atkvæði úr sínum ranni.

Búist er við miklum slag næstu vikur og miss­eri og óvíst hversu langan tíma stað­fest­ingin mun taka. Drag­ist ferlið á lang­inn er hætt við því að næsti Hæsta­rétt­ar­dóm­ari, Kavan­augh eða ann­ar, verði eitt stærsta kosn­inga­málið í nóv­em­ber.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eitt og annað ... einkum danskt
Eitt og annað ... einkum danskt
Hygge
Kjarninn 9. ágúst 2022
Rúmlega þriðjungur heimila á ekkert eftir í veskinu í lok mánaðar
Næstum átta af hverjum tíu í lægstra tekjuhópnum nær ekki að leggja neitt fyrir, gengur á sparnað eða safnar skuldum í yfirstandandi dýrtíð. Hjá efsta tekjuhópnum geta næstum níu af hverjum tíu enn lagt fyrir, sumir umtalsvert.
Kjarninn 9. ágúst 2022
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Meira eftir höfundinnFanney Birna Jónsdóttir
Meira úr sama flokkiErlent