Hvað verður um Bang & Olufsen?

Fjárhagsstaða danska sjónvarps- og hljómtækjaframleiðandans Bang & Olufsen er nú svo alvarleg að vafasamt er að fyrirtækið geti starfað áfram, í óbreyttri mynd. Þetta er mat danskra sérfræðinga.

bangandolufsen.jpg
Auglýsing

Það eru ekki ný tíð­indi að illa gangi hjá B&O. Árum saman hafa danskir fjöl­miðlar með reglu­legu milli­bili greint frá erf­ið­leikum í rekstri þessa gam­al­gróna fyr­ir­tækis sem var stofnað árið 1924 í Struer á Jót­landi, þar sem höf­uð­stöðvar fyr­ir­tæk­is­ins eru enn í dag. Stofn­end­urn­ir, Peter Bang og Svend Oluf­sen, ætl­uðu sér að fram­leiða tæki sem gæti tekið við útvarps­bylgj­um. Rekst­ur­inn gekk þokka­lega og tví­menn­ing­arnir mörk­uðu sér snemma þá stefnu að fram­leiða gæða­vöru með sér­stakri áherslu á hljóm­gæði og útlits­hönn­un.                      

Sjötti og sjö­undi ára­tugur síð­ustu aldar voru miklir upp­gangs­tímar hjá B&O, sjón­vörp, útvarps- og hljóm­flutn­ings­tæki voru að verða almenn­ings­eign. Tækni og þró­un, ásamt fram­leiðsl­unni, hefur starfs­fólk B&O í Struer ann­ast en útlits­hönn­unin verið í höndum þekktra fag­manna á sínu sviði. „Sjón­varps­tæki er ekki bara sjón­varps­tæki, það er líka hús­gagn. Mjög áber­andi hús­gagn“ sagði Jacob Jen­sen, sem starf­aði lengi fyrir B&O, ein­hverju sinni í við­tali. Verð á tækjum B&O hefur ætíð verið hátt, sam­an­borið við vörur margra ann­arra fram­leið­enda. B&O hefur ætíð reynt að höfða til þess hóps sem vill vand­aða vöru og leggur mikið upp úr útliti en setur verðið kannski ekki fyrir sig.

B&O er dvergur í heimi tækja­fram­leið­enda, á síð­asta ári seld­ust um það bil 221 milljón sjón­varps­tækja í heim­in­um, af þeim fram­leiddi B&O innan við 30 þús­und. Sam­sung er lang stærst á þessum mark­aði en LG næst stærst.

Auglýsing

Eft­ir­hrunsárin   

Árin eftir banka­hrunið 2008 ein­kennd­ust af sam­drætti á flestum svið­um. Fólk hélt fastar um budd­una, fór sér t.d. hægar í að skipta út heim­il­is­tækjum og bíl­um. Það voru ekki síst fram­leið­endur svo­nefnds lúx­usvarn­ings sem urðu fyrir barð­inu á sam­drætt­in­um. B&O var eitt þeirra fyr­ir­tækja sem máttu horfa upp á minnk­andi sölu. 

Á árunum 2011 og 2012 setti B&O á mark­að­inn nýja vöru­línu, sem nefnd­ist Play. Play vör­urnar voru ein­fald­ari og ódýr­ari en áður hafði þekkst frá B&O, en kost­uðu eigi að síður meira en margt sam­bæri­legt frá öðrum fram­leið­end­um. Til­koma Play lín­unnar dugði ekki til að hleypa lífi í rekst­ur­inn og veltan jókst ekki. Það gerði tapið hins­veg­ar, tap­rekst­ur­inn hefur haldið áfram und­an­farin ár og slíkt gengur vita­skuld ekki árum sam­an. Stjórn­endur B&O hafa gripið til ýmissa ráða í því skyni að að snúa rekstr­inum til betri vegar og árið 2015 seldu þeir bíla­hljóm­tækja­fram­leiðsl­una til Harman fyr­ir­tæk­is­ins. 

Á frétta­manna­fundi þegar greint var frá söl­unni sagði for­stjóri B&O að fyri­tækið ætl­aði að stór­efla sölu­starf­semi sína í Asíu og nefndi sér­stak­lega Kína. Ekki hefur það gengið eft­ir, miðað við sölu­töl­urn­ar. Í mars árið 2016 greindi DR, danska útvarpið frá því að félagið Sparkle Roll, sem er í eigu Kín­verj­ans Qi Jian­hong vildi kaupa öll hluta­bréf í B&O. Ekki varð af því þá, en Sparkle Roll átti fyrir 15% hlut í B&O. Svo virð­ist sem áhugi Kín­verj­ans hafi síðan fjarað út því ekki hefur verið minnst á hugs­an­leg kaup hans á B&O. Til­raunir stjórn­enda B&O til að fá þekkta fram­leið­endur (Sony, LG og fleiri) til að taka fyr­ir­tækið undir sinn vernd­ar­væng, ef svo mætti að orði kom­ast, hafa ekki borið árang­ur.   



Enn sígur á ógæfu­hlið­ina

Þegar stjórn­endur B&O kynntu árs­reikn­inga síð­asta árs (fyr­ir­tækið miðar rekstr­ar­árið við 1. júlí) voru töl­urnar ekki upp­örvandi. Meira tap. Það segir líka sína sögu að í dag eru starfs­menn um 900 tals­ins en í árs­lok 2015 voru þeir 2300 og hafði þá fækkað tals­vert frá árunum á und­an. Eins og stundum áður við kynn­ingu árs­reikn­inga voru stjórn­endur B&O fullir bjart­sýni um að ,,bráðum kæmi betri tíð“ en í afkomu­spá yfir­stand­andi rekstr­ar­árs, sem lögð var fram skömmu fyrir jól er reiknað með áfram­hald­andi tapi út rekstr­ar­ár­ið. 

Hvað veld­ur? 

Þessa spurn­ingu lagði dag­blaðið Berl­ingske fyrir nokkra sér­fróða rekstr­ar­menn og konur og enn­fremur nokkra sem vel þekkja til í ,,tækni­heim­in­um“ eins og blaðið orð­aði það. Svörin voru und­an­tekn­inga­lítið á þann veg að vörur B&O væru of dýrar og fyr­ir­tækið hefði ekki lengur þá sér­stöðu sem það hafði fyrir ára­tug­um. Tæknin hefði breyst mikið ,,nú eru fáir að kaupa hljóm­flutn­ings­græjur í stof­una, nema kannski hátal­ara“ sögðu nokkrir við­mæl­endur Berl­ingske. ,,Einu sinni voru sjón­varps­tækin frá B&O þau alflott­ustu á mark­aðn­um. 

Það eru þau kannski ennþá en aðrir fram­leiða líka vel hönnuð tæki, og jafn­framt miklu ódýr­ari“ sagði einn við­mæl­enda blaðs­ins. Þá var á það bent að fyrir lítið fyr­ir­tæki á Jót­landi væri nær úti­lokað að keppa við ris­ana í Asíu.  Einn sér­fræð­ing­anna sem Berl­ingske ræddi við vakti athygli á að á allra síð­ustu árum hefðu orðið miklar breyt­ingar í tækni­heim­inum og það hefði til dæmis kostað marga evr­ópska, ekki síst þýska, raf­tækja­fram­leið­endur líf­ið.

Hvað verður um B&O

Við­mæl­endur Berl­ingske og DR, danska útvarps­ins, sem líka hefur fjallað ítar­lega um erf­ið­leika B&O virð­ast allir sam­mála um að fram­tíð fyr­ir­tæk­is­ins sé ekki björt. Greiðslu­geta fyr­ir­tæk­is­ins hefur farið dvín­andi und­an­farið og til­raunir stjórn­enda til að fá nýja fjár­sterka aðila til liðs við fyr­ir­tækið hafa ekki borið árang­ur. Meðal stórra hlut­hafa í B&O er APT líf­eyr­is­stjóð­ur­inn, Augustin­us­sjóð­ur­inn og Færch­sjóð­ur­inn. 

Tveir þeir síð­ar­nefndu styrkja margs konar menn­ing­ar­starf­semi og frum­kvöðla­starf. Hvort stjórn­endur þess­ara sjóða eru til­búnir í að auka hlut sinn í B&O liggur ekki fyrir en í apríl á næsta ári ætlar stjórn B&O að kynna þriggja ára áætl­un. Ef stjórn­endum fyr­ir­tæk­is­ins tekst ekki að leysa með ein­hverjum hætti úr vand­anum sem við blasir getur svo farið að þetta rót­gróna danska fyr­ir­tæki kom­ist í þrot. Það finnst mörgum Dönum óhugs­andi en þótt þeim sé hlýtt til B&O dugir það ekki til að halda fyr­ir­tæk­inu á líf­i. 

Það er við hæfi að slá botn í þennan pistil með orðum blaða­manns Berl­ingske ,,Ef þú situr með 1,7 millj­arð (31 millj­arð íslenskra króna) get­urðu keypt eitt þekktasta fyr­ir­tæki Dan­merk­ur, Bang & Oluf­sen eins og það leggur sig. Og hver veit nema þú getir prút­t­að.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Málsmeðferð kærunefndar fær falleinkunn hjá Héraðsdómi Reykjavíkur
Kærunefnd útboðsmála er sögð hafa farið á svig við lög og stuðst við vafasama útreikninga er hún komst að þeirri niðurstöðu að rétt væri að óvirkja samning Orku náttúrunnar við Reykjavíkurborg um hraðhleðslustöðvar.
Kjarninn 27. nóvember 2021
Svandís Svavarsdóttir heilbrigðisráðherra hefur undirritað reglugerð sem markar fyrstu viðbrögð íslenskra stjórnvalda við hinu svokallað Ómíkrón-afbrigði veirunnar.
Síðasta kórónuveiruverk Svandísar að bregðast við „Ómíkrón“
Á sunnudag tekur gildi reglugerð sem felur í sér að þeir sem koma til landsins frá skilgreindum hááhættusvæðum þurfa að fara í tvö PCR-próf með sóttkví á milli. Ómíkrón-afbrigðið veldur áhyggjum víða um heim og líka hjá sóttvarnalækni.
Kjarninn 27. nóvember 2021
Vinstri græn fá sjávarútvegsmálin og Framsókn sest í heilbrigðisráðuneytið
Miklar breytingar verða gerðar á stjórnarráði Íslands, ný ráðuneyti verða til og málaflokkar færðir. Ráðherrarnir verða tólf og sá sem bætist við fellur Framsóknarflokknum í skaut. Vinstri græn stýra sjávarútvegs- og landbúnaðarmálum.
Kjarninn 27. nóvember 2021
Hjalti Hrafn Hafþórsson
Það sem ekki var talað um á COP26
Kjarninn 27. nóvember 2021
Bankastjórar þriggja stærstu banka landsins.
Útlán til heimila hafa aukist en útlán til fyrirtækja dregist saman það sem af er ári
Bankarnir nýttu svigrúm sem var gefið til að takast á við efnahagslegar afleiðingar kórónuveirunnar til að stórauka útlán til íbúðarkaupa. Útlán til fyrirtækja hafa hins vegar dregist saman.
Kjarninn 27. nóvember 2021
Lerbjergskógurinn er nú kominn í eigu og umsjá Danska náttúrusjóðsins.
Danir gripnir kaupæði – „Við stöndum frammi fyrir krísu“
Lerbjergskógurinn mun héðan í frá fá að dafna án mannlegra athafna. Hann er hluti þess lands sem Danir hafa keypt saman til að auka líffræðilegan fjölbreytileika og draga úr áhrifum loftslagsbreytinga.
Kjarninn 27. nóvember 2021
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Meira eftir höfundinnBorgþór Arngrímsson
Meira úr sama flokkiFréttaskýringar