Sneru á Kínverja

Kínversk stjórnvöld hugsa Dönum þegjandi þörfina eftir að danskir þingmenn hjálpuðu andófsmanni, sem átti yfir höfði sér fangelsisdóm, að komast frá Hong Kong til Danmerkur.

Ted Hui var þingmaður á svæðisþinginu í Hong Kong.
Ted Hui var þingmaður á svæðisþinginu í Hong Kong.
Auglýsing

Í nóvember í fyrra fékk Ted Hui, þingmaður á svæðisþinginu í Hong Kong boð um að koma til Danmerkur. Boðið kom frá tveimur dönskum þingmönnum, þeim Katarina Ammitzbøll og Uffe Elbæk. Ted Hui hafði verið ákærður fyrir að hafa níu sinnum brotið lög í tengslum við baráttu hans fyrir auknu lýðræði. Slík brot varða margra ára fangelsisvist. Ted Hui hafði verið handtekinn en síðar látinn laus gegn tryggingu, hann mátti hinsvegar ekki fara úr landi.

Boðsbréfinu fylgdi dagskrá og þar kom fram að Ted Hui byðist að taka þátt í nokkrum fundum og að minnsta kosti tveimur ráðstefnum. Lögreglan í Hong Kong taldi að Ted Hui hefði, í krafti þingmennskunnar, fengið þetta boð og myndi í ferðinni hitta danska þingmenn og fulltrúa umhverfissamtaka. Ted Hui flaug til Danmerkur í desember.

Auglýsing

Hvorki fundir né ráðstefnur

Fljótlega eftir að Ted Hui var kominn til Danmerkur kom í ljós að tilgangur ferðarinnar var ekki að hitta þingmenn, sitja ráðstefnur eða ræða við umhverfisverndarsinna. Ted Hui var einfaldlega að flýja land og naut til þess aðstoðar dönsku þingmannanna. Katarina Ammitzbøll útbjó boðsbréfið og Uffe Elbæk „skáldaði” dagskrána. Kínversk stjórnvöld náðu ekki upp í nefið á sér fyrir bræði þegar í ljós kom að dönsku þingmennirnir höfðu platað þau upp úr skónum.

Ted Hui (fyrir miðju) og Uffe Elbæk (t.h.) eftir komu þess fyrrnefnda til Kaupmannahafnar í desember í fyrra.

Til Bretlands og síðar Ástralíu

Ted Hui stóð ekki lengi við í Danmörku. Eftir nokkurra daga dvöl í Kaupmannahöfn hélt hann til Bretlands og síðastliðinn þriðjudag (9. mars) kom hann til Ástralíu. Þar hyggst hann setjast að og halda áfram baráttu sinni gegn stjórnvöldum í Kína.

Það hefur lengið verið grunnt á því góða milli ástralskra og kínverskra stjórnvalda. Ástralir hafa verið mjög gagnrýnir á stefnu Kínverja í mannréttindamálum og hafa kært sig kollótta um hótanir þeirra í sinn garð. Kínverjar hafa sniðgengið og bannað innflutning á áströlskum varningi.

Fékk hjálp áströlsku ríkisstjórnarinnar

Ted Hui hefur greint frá því að hann hafi notið aðstoðar ríkisstjórnar Ástralíu til að komast þangað. Vegna kórónuveirunnar gilda mjög strangar reglur um komur til landsins. Í viðtali við dagblaðið Politiken sagði Ted Hui að áströlsk stjórnvöld hefði veitt sér undanþágu frá fjölmörgum reglum varðandi það að komast inn í landið. Og þau hefðu ennfremur aðstoðað sig við að finna flug til landsins. Hann hefði verið í flugvél með fjölda Ástrala á leið heim. Ted Hui sagði að hann hefði fengið svokallaða ferðamannaáritun sem gildir í eitt ár.

Ted Hui borinn út úr þingsal svæðisþingsins í Hong Kong í nóvember. Mynd: EPA

Kínverjar hafa í hótunum

Carrie Lam, æðsti stjórnandi Hong Kong hefur harðlega gagnrýnt Ted Hui fyrir að flýja til Danmerkur. Öryggisstofnun Hong Kong (hlutverk hennar er að sjá til þess að lögum sé fylgt) upplýsti í viðtali við dagblaðið Politiken að í undirbúningi væri að hefja sakamálarannsókn gegn Katarina Ammitzbøll og Uffe Elbæk og hugsanlega tveimur öðrum Dönum, Anders Storgaard og Thomas Rohden sem einnig hefðu aðstoðað Ted Hui. Talsmaður Öryggisstofnunarinnar sagði í áðurnefndu viðtali að samkvæmt gildandi lögum í Hong Kong væri ólöglegt að aðstoða einstaklinga sem grunaðir eru um afbrot, við að flýja. Óljóst er hvort yfirvöld í Hong Kong gefa út alþjóðlega handtökuskipun á dönsku fjórmenningana. Dagblaðið Jótlandspósturinn greindi frá því í síðustu viku að Danska leyniþjónustan, PET, hefði varað fjórmenningana við að ferðast til landa þar sem þau yrðu hugsanlega handtekin og framseld til Kína.

Sýnir hið rétta andlit Kína

Af fjórmenningunum sem aðstoðuðu Ted Hui er Uffe Elbæk þekktastur. Hann hefur setið á þingi frá árinu 2011 og var um tíma menningarmálaráðherra, í stjórn Helle Thorning-Schmidt. Í viðtali við dagblaðið Politiken fyrir skömmu sagðist Uffe Elbæk ekki vita hversu alvarlegar hótanir Kínverja í sinn garð væru. „Þær sýna hins vegar hið rétta andlit stjórnvalda í Kína, sem vilja þagga niður í öllum sem andmæla skoðunum þeirra og ákvörðunum.”

Jeppe Kofod utanríkisráðherra Danmerkur segist undrandi á yfirlýsingum Kínverja um hugsanlegar handtökur og dómsmál. Danskir þingmenn, líkt og aðrir Danir, séu frjálsir að því að hitta og ræða við þá sem þeim sýnist. Utanríkisráðherrann sagði ennfremur að ef til þess komi að Kínverjar gefi út handtökuskipanir á hendur dönsku fjórmenningunum yrði því mætt af fullri hörku. Hann bætti því við að hugsanlegri framsalsbeiðni frá Kínverjum yrði ekki ansað. Allir flokkar á danska Þinginu, Folketinget, hafa lýst yfir stuðningi við þingmennina tvo, þau Katarina Ammitzbøll og Uffe Elbæk.

Kínverjar hafa ekki tjáð sig um ummæli danska utanríkisráðherrans og þingmanna, en þegar Evrópuþingið lýsti yfir stuðningi við þingmennina tvo svaraði kínverska Öryggisstofnunin fullum hálsi. Þar sagði meðal annars að heimastjórnin í Hong Kong líði ekki aðgerðir sem vinni gegn hagsmunum samfélagsins. Talsmaður kínverska utanríkisráðuneytisins sagði að framkoma dönsku þingmannanna gætu skaðað orðstír Danmerkur.

Anders Storgaarad, einn fjórmenninganna sem aðstoðuðu Ted Hui við flóttann sagði ekki nóg að danskir þingmenn lýstu yfir stuðningi, utanríkisráðherrann þyrfti að kalla kínverska sendiherrann „á teppið” og gera honum grein fyrir að hugmyndir og yfirlýsingar um alþjóðlegar handtökuskipanir á hendur dönskum stjórnmálamönnum væru ólíðandi.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Einstök lönd geta ekki „bólusett sig út úr“ faraldrinum
Þrjú ríki heims hafa bólusett yfir 70 prósent íbúa. Ísland er eitt þeirra. Hlutfallið er undir 1,5 prósenti í Afríku. Ef ekki næst að koma því í 10 prósent bráðlega verður það „ör á samvisku okkar allra“ enda nóg til af bóluefnum, segir sérfræðingur WHO.
Kjarninn 1. ágúst 2021
Fékk „bakteríuna“ eftir Söngvakeppni sjónvarpsins
„Lögin hafa orðið til á yfir 20 ára tímabili og er því nokkur breidd í þessu hjá mér; allt frá stígandi ballöðum til eins konar rokkóperu,“ segir Pétur Arnar Kristinsson sem blásið hefur til söfnunar fyrir útgáfu fyrstu breiðskífu sinnar.
Kjarninn 1. ágúst 2021
Smári McCarthy er að hætta á þingi og ætlar í kjölfarið að láta reyna á sitt eigið hugvit í tengslum við loftslagsbreytingar.
„Flokkarnir voru að þvælast fyrir hvorum öðrum“ og niðurstaðan varð núll
Smára McCarthy fráfarandi þingmanni Pírata finnst sem undanfarin fjögur ár hafi litast af því að lítið ráðrúm hafi verið til þess að ræða pólitík, þar sem stjórnarflokkarnir eru ósammála um mörg grundvallarmálefni.
Kjarninn 1. ágúst 2021
Það er fremur fátítt að sólarhringsúrkoma í Reykjavík mælist meira en 20 mm eða meiri að sumarlagi.
Rignir af meiri ákefð nú en áður?
Fátt bendir til þess að Ísland sleppi alfarið við aftakaúrkomu sem nágrannaríki okkar hafa upplifað á síðustu árum, skrifar Einar Sveinbjörnsson veðurfræðingur og veltir fyrir sér getu fráveitukerfa til að taka við meiriháttar vatnsflaumi.
Kjarninn 1. ágúst 2021
Norska kvennaliðið í strandhandbolta að loknu Evrópumeistaramótinu í Búlgaríu á dögunum.
Bikiní- og stuttbuxnadeilan
Nýafstaðið Evrópumeistaramót í strandhandbolta vakti mikla athygli víða um heim. Það var þó ekki keppnin sjálf sem dró að sér athyglina heldur deilur um klæðnað. Nánar tiltekið klæðnað norska kvennalandsliðsins.
Kjarninn 1. ágúst 2021
Joe Biden forseti Bandaríkjanna tilkynnti í apríl að viðskiptaþvingunum yrði beitt á Rússland vegna njósnanna.
Brotist inn í tölvupósta bandarískra saksóknara
Óttast er að viðkvæmum gögnum hafi verið stolið er brotist var inn í tölvur tæplega þrjátíu embætta saksóknara í Bandaríkjunum á síðasta ári. Bandarísk yfirvöld telja Rússa standa að baki árásinni.
Kjarninn 31. júlí 2021
Eftir helgi verða breytingar á ferðatakmörkunum til Bretlands.
Fagna ákvörðun Breta um að bólusettir sleppi við sóttkví
„Hvenær ætla Bandaríkin að svara í sömu mynt?“ spyrja Alþjóða samtök flugfélaga sem fang ákvörðun Breta um að aflétta sóttkvíarkröfum á bólusetta farþega frá Bandaríkjunum og ESB-ríkjum.
Kjarninn 31. júlí 2021
Eggert Gunnarsson
Hamfarakynslóðin
Kjarninn 31. júlí 2021
Meira eftir höfundinnBorgþór Arngrímsson
Meira úr sama flokkiFréttaskýringar